2 Korin 6:14 - Aria New Testament

¹⁴ Umu ka Ida Tapolngon ila osep umeneklep ke osep epmes ina ma umogosok umodue bokongon pulu kovok. Aitno lumu lange? Elio itau e elio soulu tikaranga tineklep pulu? Koke bublongon e aivoro tikaranga tidong pulu? Aurou lokono.

2 Korin 6:14 ပူးပေါင်းရင်းမြစ်များ

Jon 7:7

Osep taklak ina aitno lisak engil ke umu kovok e aitno lisak engil ke ngong kesua ngawai malak ke isak ke urok elio soulu ka tidue.

Aposel 4:23

Alo ka osep tisongon Pita orwo Jon isak kla tipolou ke sisrok e tipalongo urok ke osep loulou ina ka omba e osep ngongle urok pelengon.

1 Korin 10:21

Umu ka umeinim Ida Puda ina wan ma umakaranga umeinim angelo soulu inarak wan blang kovok. E umu ka umangen Ida Puda ina wan ma umakaranga umangen angelo soulu inarak wan blang kovok.

1 Korin 15:33

Umeile umu itau lama osep leklou tipagolgol aitno lumu. Umeile pelengon langane. Langka umodong kap osep soulu bitna ma tidue agegeng ke lumu elio itau.

1 Korin 5:9

Ke pas silang ngasogo ke umu langane. Umodong kap osep ka tidue elio soulu langka okwa sakam.

1 Korin 6:6

Ina lange gute Kristen kene paur ila aten ka Kristen blang la ke kot e lasu ke osep ka aitno lisak dagar ke Krais kovok amtarsak?

1 Korin 7:39

Langka apmang gesa ila boget dong dau ma apmang dong kap iye. E langka ila boget mete apmang langka neklep ke iye kovok. Langka iye waiki gi gute silang iye karanga gi iye e dau iye karanga gi gute ka aitno dagar ke Ida Puda vala.

Filipai 2:15

Umodue langare kovok ma umu ka Ida Tapolngon titno umu lumu moso-ngon itau e osep tikaranga tisin elio soulu gesa vri ke umu kovok. Umeile umodong airavu ke osep epmes ina e aling aling tidue elio soulu. E umopolou langka bublo-ngon ka nis isak ke elio itau.

Jems 4:4

Umopul dogur ke Ida Tapolngon langka apmang ka songon ila boget e la due okwa. E osep ka tididi elio ka taklak ina tipul dogur ke Ida Tapolngon. Deka gute ka waiki didi elio ka taklak ina iye polou Ida Tapolngon ina oul.