2 Korin 5:9 - Aria New Testament

⁹ Aimana lite langane. Lama itodong ke pampamu lite ane koke itosongone itawaiki ma Ida Puda aitno itau ke elio ka itodue.

2 Korin 5:9 ပူးပေါင်းရင်းမြစ်များ

Jon 6:27

Umoboko ma umodue ngangon ka karanga polou okus kovok. E umoboko ma umodue ngangon ka dong vala dong ka ngong ka Gute Ka Polou Langka Osep ma ngakare ke umu. Kesua Ida Tapolngon ka Pmada nis osep aitno itau ke ngong.”

Aposel 10:35

Eknikane Ida Tapolngon aitno itau ke osep ka pula keniye ka tidong ke omur ka pula keniye ka tidue anit ke iye e tidue elio itau.

Pas ka Pol sogoe uti la ke osep Rom ina 14:18

E gute ka didi Krais ila elio tonari ma Ida Tapolngon aitno itau ke ila elio e ma osep pula aitno lisak itau ke iye blang.

Pas ka Pol sogoe uti la ke osep Rom ina 15:20

Ke bokongon tonari aitno lungong neser omba lokono ine ma nganapapra Krais ila omon itau ke armok armok ke osep ka dau tiklingen ke Krais kovok. Ngawaiki ngauri ninu napal munu ke kadangdanga ka gute silang sinsin isak kovok.

1 Korin 15:58

E langane. Sipmi. Ma umo-dong dagar ke Ida Tapolngon ila elio e aitno lumu orwo ine sakam. Umodong umoboko dagar ke Ida Puda ila bokongon vala. Kesua Ida Puda ila bokongon ka umodue ma la adai kovok. Aurou. Ma dong vala kesua bokongon tonari Ida Puda ila bokongon.

2 Korin 5:6

Aitno lite mter langare e aling aling elio tonari due aitno lite dagar. Kesua iteile alo ka itodong ke pampamu lite ke taklak ane itodong kap Ida Puda ke ila omur kovok.

2 Korin 5:8

Aitno lite mter langane deka itodong dagar e itawaiki itosongon pampamu lite e itala itodong kap Ida Puda ke ila omur.

Efesus 1:6

E oku ane ngawaiki itakakai Ida Tapolngon angaine tito la egim. Kesua iye didi ila makaingan ka itau lokono e pagei Otno Arang ka iye lana iye omba ke iye me polou lite e itokoli batne la ke iye kovok.

Kolosi 1:10

Ma umelila ke elio ka Ida Puda waiki umedidie ma aitno itau lokono ke lumu elio. E ma umodue bokongon itau e ma umeile omur ke Ida Tapolngon. Deka aling aling ma lumu ilengen res polou omba.

Kolosi 1:29

Deka ke bokongon tonari ngaboko engil lokono ke Krais ila arit ka omba. Iye lua ngong ke ila arit deka ngaboko ine.

1 Tesalonaika 4:1

Sipmi. Ma imababrum limem pelengon ane. Oglou imaparere umu ke elio isuk isuk ka umodue ma Ida Tapolngon aitno itau ine. E umedidi elio tonari kodong. E eknikane imawai dagar ke umu ke Ida Puda Yesus angaine ma aling aling umodue elio langane lokono.

1 Tesalonaika 4:11

Umoboko engil ma aitno lumu dong epen e umotuk opmu pulu kap osep kovok. E aitno lumu mter ke lumu wan vala kovok. E aitno lumu mter ke osep leklou urok wan bitna bitna. Umoboko ma lumu wan bitna bitna tipolou langka oglou imawai ke umu ine.

1 Timoti 4:10

Ida Tapolngon dong vala dong e iye waiki lua osep ka pula keniye e dau iye karanga lua osep ka aitno lisak dagar ke iye vala. Aitno lite dagar lokono ke iye e itapara ma iye due elio itau ke ite. Deka aling aling ma itoboko engil ke ila bokongon.

Hibru 12:28

Deka langane. Mase ma itodong ke omur ka Ida Tapolngon plaue e omur tonari karanga nemilmil kovok. Deka ma itawai tenkyu ke Ida Tapolngon e itolotuim iye ke elio ka aitno itau ine. Ma itodue anit ke iye e iteini iye.

Hibru 4:11

Deka ite arit ite ma itakaranga itesep ke omur ka itomtong ine. Lama gute gesa airavu ke ite karanga sep ke omur tonari kovok kesua iye didi elio soulu ka oglou osep Israel ina tidue.

2 Pita 3:14

Sipmi. Ngong lana ngong ke umu e ngawai langane. Umapara ke alo ka wan tonari polou deka umu arit umu ma umodue elio itau vala ma umodong itau ke Ida Tapolngon bitna. E aitno lumu dong epen kap iye.