2 Korin 5:19 - Aria New Testament

¹⁹ Ane langka ke Krais Ida Tapolngon due osep ka pula keniye aitno lisak kene kap iye e urok elio soulu vri ke isak kovok. E iye kar bokongon ke ite ka itanapapra omon itau ma itodue osep aitno lisak tipolou kene kap iye.

2 Korin 5:19 ပူးပေါင်းရင်းမြစ်များ

Matyu 1:23

Iye wai langane. “Apmang ka due elio kap gute arang kovok ma polou somugu e divir mimi arang. Iye divir iye deka osep ma tisir angaine Emanuel.” Emanuel lana ine langane. Ida Tapolngon dong kap ite.

Jon 14:20

E alo ka elio tonari polou ma umeile ngadong kap Livou e umodong kap ngong e ngadong kap umu.

Jon 17:23

Ngadong kap isak e omdong kap ngong. Ma aitno lisak polou kene pulu lokono ma osep taklak ina tile ampagei ngong ngame e wom lana wom ke isak eriar langka wom lana wom ke ngong.”

Pas ka Pol sogoe uti la ke osep Rom ina 11:15

Alo ka Ida Tapolngon pul dogur ke osep Israel ina iye due osep ka isak osep Yuda ina kovok tidong itau kap iye. Deka langka Ida Tapolngon due osep Israel ina tibauluk ke iye ane eriar langka iye due osep ka pula keniye ka timete kodong tipoga titito ke inarak denga.

1 Korin 13:5

Ma iye due elio soulu ke osep kovok. Ma iye omsu kovok. Aurou. Iye due tovro ke osep. Ma aitno nevlik paide kovok. Ma aitno la ke elio soulu ka osep tidue ke iye kovok.

Kolosi 2:9

Umeile oglou Krais polou langka itosep e Ida Tapolngon ila elio keniye dong ke Krais e isak orwo eriar.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

1 Jon 4:10

Ida Tapolngon lana iye ke ite lokono va. E ite lana ite ke Ida Tapolngon mgo kovok. Aurou. Iye lana iye ke ite mgo deka pagei Otno Arang duru ke taklak ma kli udo elio epmes ina.