2 Korin 5:18 - Aria New Testament

¹⁸ Wan bitna bitna tonari polou ke Ida Tapolngon. Oglou ite Ida Tapolngon ina oul ite deka ke Krais iye due aitno lite tipolou kene kap iye. Aitno lite kene kap iye deka iye kar bokongon ke ite ka itoboko e itodue osep leklou aitno lisak kene kap iye blang.

2 Korin 5:18 ပူးပေါင်းရင်းမြစ်များ

Luk 10:5

Alo ka umesep ke ninu gesa umawai langane mgo. ‘Ida Tapolngon ila elio ka due aitno lumu epen dong kap umu.’

Luk 24:47

E osep ma tinapapra ila pelengon ke osep ka pula keniye. Ma tinogrum ke Jerusalem e kla ke omur ka pula keniye. Ma tinapapra langane. ‘Umabauluk aitno lumu e aitno lumu la dagar ke Ida Tapolngon e ma iye sak lumu elio epmes ina la.’

Jon 3:16

“Ida Tapolngon lana iye ke osep ka pula keniye ka tidong ke taklak deka iye pagei Otno Arang ka kene vala ke osep. Ma osep seisei ka aitno lisak la dagar ke iye timete kovok. Aurou. Ma tidue urok mosongon ka dong vala dong.

Jon 3:27

E Jon koli wai ke isak langane. “Gute karanga due wan ka Ida Tapolngon kare ke iye vala.

Aposel 10:36

Umeile omon itau ka oglou iye pagei ke imi osep Israel ina. Pelengon tonari la ke Yesus Krais. Deka eknikane imi e Ida Tapolngon aitno limi epen pulu batne ke iye. Iye osep keniye Inarak Puda.

Pas ka Pol sogoe uti la ke osep Rom ina 11:36

Kesua Ida Tapolngon due wan ka pula keniye e iye wan ka pula keniye me ke iye. E wan ka pula keniye iye tona vala ila wan. Deka ma itakakai Ida Tapolngon angaine tito la egim lokono dong vala dong. Lokono.

Pas ka Pol sogoe uti la ke osep Rom ina 5:1

Eknikane itopolou itau e osuk ke Ida Tapolngon bitna kodong kesua batne aitno lite ila dagar la ke Ida Puda Yesus Krais mgo. Deka iye lua ite e due Ida Tapolngon aitno epen ke ite batne ke iye.

1 Korin 1:30

E Ida Tapolngon due umu umeneklep ke Krais Yesus. E Krais tona udo ilengen ka itau batne. Krais due ite itopolou itau e osuk ke Ida Tapolngon bitna. Iye due ite itopolou Ida Tapolngon ila osep ka itau lokono. Deka udo elio epmes ina munu pes ite kovok.

1 Korin 11:12

Mgongon Ida Tapolngon due apmang ke gute arang okurne e eknikane apmang tidivir osep arang. E Ida Tapolngon wan ka pula keniye batne.

1 Korin 12:6

Wan bitna bitna ka tipolou ke bokongon tonari dong e Ida Tapolngon kene vala dong ka kar ila osep urok elio isuk isuk ma tikaranga tidue ila bokongon.

1 Korin 3:5

Deka umeile umu itau. Apo-los iye gute sei? E ngong Pol ngong gute sei? Imorwo Ida Tapolngon ila osep bokongon ina vala. E Ida Puda kar imi kenmi kenmi limem bokongon. Limem bokongon ma due umu ma aitno lumu dagar ke Krais.

1 Korin 8:6

E iteile omur Ida Tapolngon kene vala dong ka iye Ida Tapolngon ka Pmada. Iye wan ka pula keniye batne e aitno lite la ke iye vala. E Ida Puda kene vala ka Yesus Krais dong. Iye due wan ka pula keniye e iye udo mosongon batne.

Kolosi 1:22

Deka Krais mete e mana ke ina akai kodong. Ke elio langane Ida Tapolngon due umu umodong aitno lumu epen pulu kap iye. Iye due langane ma lumu elio soulu gesa vri ke umu kovok e umodong itau lokono ke bitna.

Hibru 2:17

E ke batne langane iye polou langka itosep. Ma iye karanga polou udo gute loulou ina ka mgo ka makai ite. E iye didi Ida Tapolngon ila pelengon keniye ke ila bokongon ka iye loulou ke ite. Ma iye klok osep urok elio epmes ina kla.

Jems 1:17

Wan keniye ka itau e itau lokono duru me ke Pmada ka dong egim ka tapol oklou e taiko e gigimo. Iye dong e segesege kovok langka wan ano segesege alo ka oklou lila ke egim ke sirva.

1 Jon 2:2

Iye tona kli udo elio epmes ina. E iye kli ite tona udo elio epmes ina vala kovok. Aurou. Iye kli osep ka pula keniye ka tidong ke taklak urok elio epmes ina.

1 Jon 4:10

Ida Tapolngon lana iye ke ite lokono va. E ite lana ite ke Ida Tapolngon mgo kovok. Aurou. Iye lana iye ke ite mgo deka pagei Otno Arang duru ke taklak ma kli udo elio epmes ina.