2 Korin 5:15 - Aria New Testament

¹⁵ Gute tonari mete ma iye lua osep ka dau tidong ma aitno lisak mter ke isak vala kovok. Aurou. Ma aitno lisak mter ke gute ka mete e kasip amunsak deka iye poga tito ke ina denga.

2 Korin 5:15 ပူးပေါင်းရင်းမြစ်များ

Luk 1:74

Ma iye pi ite ke ida oul limsak ma tivri mgo ke ite kovok e ma itakaranga itodue ila bokongon e itelim ke osep kovok.

Jon 5:24

“Ngawai lokono ke umu langane. Gute sei ka klingen lou pelengon e aitno la dagar ke Ida Tapolngon ka pagei ngong ngame iye due mosongon ka dong vala dong e Ida Tapolngon ma wade iye kovok. Aurou. Iye mole metengen kodong e due mosongon ka dong vala dong.

Jon 6:57

Livou ka iye mosongon batne pagei ngong ngame e ngadong batne ke iye e eriar langane gute sei ka ngen pampamu lungong ma iye due mosongon batne ke ngong.

Pas ka Pol sogoe uti la ke osep Rom ina 12:1

Sipmi. Ida Tapolngon aitno due ite kodong deka ngawai dagar ke umu langane. Ma umakar pampamu lumu ke Ida Tapolngon langka wan ka ila wan. Alo ka umu dau umodong ma umodong langka Ida Tapolngon ila osep ka itau lokono ma umodue elio itau ka Ida Tapolngon aitno itau ine. Umodue langane deka elio ka langane langka aitno lumu la dagar ke Ida Tapolngon vala.

Pas ka Pol sogoe uti la ke osep Rom ina 4:25

Oglou Yesus mete batne ma iye kli udo elio epmes ina. E Ida Tapolngon due poga tito ke ina denga. Deka iye due ite ka aitno lite dagar ine itopolou itau e osuk ke bitna.

Pas ka Pol sogoe uti la ke osep Rom ina 6:2

Aurou. Ma itodue elio epmes ina kovok. Kesua itemete kap Yesus kodong. E ma itodue elio epmes ina bitna bitna kovok kesua osep ka timete kodong tikaranga tidue elio epmes ina kovok.

Pas ka Pol sogoe uti la ke osep Rom ina 6:6

E silang blang langane. Eriar langka Yesus mana ke ina akai e mete ine ite blang udo elio oglou ina mana e mete kap iye kodong. Udo elio oglou ina mete kap iye. Ma elio tonari ila arit yagos e ma plau ite aling silang blang kovok.

Pas ka Pol sogoe uti la ke osep Rom ina 8:10

Umu ka Krais dong ke aitno lumu umopolou itau e osuk ke Ida Tapolngon bitna kodong. Lama pampamu lumu mete batne ke elio epmes ina ka dong ke isak ma anmu tidong itau lokono vala.

Pas ka Pol sogoe uti la ke osep Rom ina 8:2

Eknikane Ida Tapolngon Ano Itau plau ite kesua iteneklep ke Krais Yesus kodong. Iye plau ite e elio epmes ina e metengen karanga kis ite ma tiplau ite blang kovok.

Pas ka Pol sogoe uti la ke osep Rom ina 8:6

Silang blang langane. Osep ka aitno lisak mter ke elio epmes ina bitna bitna vala ma timete ine. E osep ka Ano Itau plau isak ma tidue mosongon ka itau dong vala dong e ma aitno lisak tidong epen vala.

1 Korin 10:33

Umakana lou elio ka ngadue. Aitno lungong vri ke ngong kovok e ngadue wan gesa ka lua ngong tona vala kovok. E aitno lungong vri ke osep ka pula keniye e ngawaiki ngadue elio ka aitno lisak itau ine. Kesua ngawaiki ma Ida Tapolngon lua osep pula.

2 Korin 12:10

Ngadue Krais ila bokongon e wan bitna bitna tipolou ke ngong. Lou arit kovok e osep tiwai soulu ke ngong e wan polou ka opru ngong. E agegeng e elio soulu polou ke ngong. Wan tonari polou ke ngong e aitno lungong mter isak wan gesa kovok kesua alo ka lou arit kovok deka Ida Tapolngon ila arit lua ngong.

2 Korin 3:6

Iye vala due imi imopolou ila osep bokongon ina ke kontrak oku. Kontrak oku iye wan ka tisogoe ke buk kovok. Aurou. Iye wan ka me ke Ano Itau. Kesua wan ka tisogoe ke buk paur metengen e wan ka me ke Ano Itau kar mosongon ka dong vala dong ke osep.

2 Korin 5:16

Ke oglou itawade Krais ke ilengen ka taklak ina e oku ane itawade iye langane kovok. E silang blang oku ane itedidi ilengen ka taklak ane ina e itawade osep ine kovok. Aurou.

Galesia 5:25

Ano Itau iye kar mosongon itau ke ite kodong deka ma itosongon Ano Itau ma iye nis ite ke udo langan.

Efesus 4:17

E ngawai dagar ke umu ke pelengon ane kesua batne Ida Puda dong. Umodue elio epmes ina bitna bitna eriar langka osep ka isak osep Yuda ina kovok tidue sakam. Kesua tididi aitno lisak ka kaka lokono vala.

Efesus 5:14

Deka alo ka umapalongo osep ke urok elio epmes ina urok elio tonari polou malak ke osep. Oglou gute gesa wai pelengon ano langane. “Wom ka omdong langka ommunu kudung emtipa. Wom ka omdong langka emmete emtito e Krais ma due wom omdong ke bublo-ngon.”

Kolosi 2:12

Alo ka umodue elio paunimngen ina umenis osep aitno lumu dagar ke Ida Tapolngon ka ila arit due Krais poga tito e dong blang. Deka ari osep tipaunim umu langka umogosok Krais umemete e osep tiyas umu kap iye. Deka Ida Tapolngon ila arit due umu umogosok Krais umopoga umetito e umodong blang.

Kolosi 3:1

Ida Tapolngon due umu umopoga umetito kap Krais kodong e Krais dong ke Ida Tapolngon limla odung. E aling aling umoboko dagar ma umodue wan ka omur heven ina.

Kolosi 3:17

Deka langane. Ke wan ka pula keniye ka umodue koke wan ka pula keniye ka umawai ine umodue batne aitno lumu dagar ke Ida Puda Yesus. E ke Yesus angaine umawai tenkyu ke Ida Tapolngon ka Pmada ke wan keniye ka iye due.

Kolosi 3:23

Deka umoboko nangurasau ke lumu bokongon keniye langka umoboko ke Upu Puda ila bokongon e langka umoboko ke osep urok bokongon vala kovok.

1 Tesalonaika 5:10

Yesus mete ma lua ite ma itodong kap iye. Langka itodong koke itemete kodong alo ka iye bauluk me ma itodong kap iye.

Taitus 2:14

Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.

1 Pita 4:6

Ke batne ane osep ka timete kodong tiklingen Ida Tapolngon ila omon itau alo ka dau tidong. E lama timete kodong langka osep taklak ina timete oku ane tidong ansak langka Ida Tapolngon dong ano.

1 Jon 4:9

Ida Tapolngon nis ite malak iye lana iye ke osep ke elio langane. Iye pagei Otno Arang ka kene vala me ke taklak ma itodue mosongon ka itau lokono batne ke iye.

Pelengon kukwopngon 1:18

E ngong gute ka mosongon itau batne. Ke oglou ngamete e eknikane ngadong vala ngadong. E lou arit dong e ngaplau osep ka timete kodong e ngaplau omur ka osep ansak tidong ine.