Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Korin 5:14 - Aria New Testament

14 Kesua elio ka Krais lana iye ke imi plau imi. E imeile gute kene mete e kasip osep ka pula keniye amunsak e elio ane langka isak ka pula keniye timete blang.

အခန်းကိုကြည့်ပါ။ ကော်ပီ




2 Korin 5:14
43 ပူးပေါင်းရင်းမြစ်များ  

Kesua Gute Ka Polou Langka Osep me ma osep tidue wan ka lua iye tona kovok. Aurou. Iye me ma iye lua osep e mete ma iye kli osep urok elio epmes ina.”


Aitno lite neser kesua erigu arang ane langka iye mete e eknikane iye dong blang. E iye imina e oku ane itapado iye blang.’ Deka tinogrum tiketir.”


E eknikane ngap aiver ka langka iye mete dong blang e iye langka imina e oku ane itapado iye blang. E ke batne langane wan ka itau itodue rogo e aitno lite neser.’”


E tiwai dagar ke iye langane. “Omdong kap imi kesua kirui kodong e isuk boto epmes polou.” E Yesus la dong kap isak.


E ke oklou silang Jon vati Yesus lila me ke iye e wai ke osep langane. “Umavati. Gute are gute ka Ida Tapolngon ila Sipsip Otno ka due osep ke taklak urok elio epmes ina noklok la.


Deka Yesus wai ke iye langane. “Ngong tona batne ke osep ka tipoga titito ke inarak denga e ngong mosongon batne blang. Gute ka aitno dagar ke ngong ma dau dong lama pampamu ine mete.


Ngawai lokono ke umu langane. Mase oklou ma polou e lokono polou kodong alo ka osep ka tidong langka ansak timete ma tiklingen Ida Tapolngon Otno Arang kreine e osep ka tiklingen e aitno lisak la dagar ke iye ma tidue mosongon ka dong vala dong.


Mase Sailas orwo Timoti tisongon provins Masedonia e time tipolou ke Korin. E ari Pol due elio kene vala. Iye napapra ke osep Yuda ina langane. “Yesus gute ka Ida Tapolngon rere Krais ka lua osep ke urok elio epmes ina.”


Iteile omur ma Ida Tapolngon ila wadengen due osep ka tidue elio soulu bitna bitna langka ngasogo ine kodong. Ma iye didi ila elio itau lokono e wade osep urok elio ine.


E Adam ka mgo ke ite e gute ka mase dau tauni me polou ke ite urok elio la pulu kovok. Kesua oglou Adam due elio epmes ina. Deka osep ka pula keniye ka tipolou batne ke iye timete batne ke elio epmes ina tonari ka iye due. E gute Yesus due elio epmes ina gesa langka oglou Adam due kovok. Aurou. Yesus me polou ke ite e lua ite vala e dong itau vala. Deka Ida Tapolngon due ila makaingan polou ke osep ka pula keniye e lua isak ke urok elio epmes ina. Iye lua osep langane batne ke gute kene Yesus Krais vala.


E umadangdang pampamu lumu lama umodue elio epmes ina bitna bitna ine. Umadangdang pampamu lumu keniye ma umodue elio epmes ina ine kovok. Ida Tapolngon waiki pampamu lumu dong itau vala. Kesua umodong eriar langka osep ka oglou timete deka mase tipoga titito ke inarak denga. Ma umakar pampamu lumu ke Ida Tapolngon ma iye plau isak e ma umodue elio itau ine vala.


E silang blang langane. Eriar langka Yesus mana ke ina akai e mete ine ite blang udo elio oglou ina mana e mete kap iye kodong. Udo elio oglou ina mete kap iye. Ma elio tonari ila arit yagos e ma plau ite aling silang blang kovok.


Langka gute gesa lana iye ke Ida Puda kovok ma agegeng polou ke iye. E ngawaiki Ngau Puda suong me.


Langka Ano Itau dong ke gute gesa aitno kovok iye karanga due kerengen ke Ida Tapolngon Ano Itau kovok. Kesua aitno mter langka kerengen tonari wan adai vala. Itodue kerengen ke Ida Tapolngon Ano Itau. Deka osep ka Ano Itau dong ke aitno lisak isak vala tikaranga tiwade e tile Ida Tapolngon ila kerengen.


Oglou Ida Tapolngon kar ila pelengon ke Moses e pelengon tonari due metengen polou ke osep. E alo ka Ida Tapolngon sogoe ke opmu pelengon polou kap Ida Tapolngon ila bublongon. Deka Moses bitna bublo omba e osep Israel ina amtarsak tikaranga tinekek ine kovok. E dau bublongon dong tauni kovok e mase yagos.


Kesua langka wan ka wade ite e paur metengen ke ite bublo omba deka wan ka due ite itodong itau e osuk ke Ida Tapolngon bitna ma mole e bublo ombatno lokono.


E ke elio ka eknikane ngadong itau kap Ida Tapolngon ngamana kap Ida Puda Yesus Krais ke ina akai kodong e ngamete kap iye. Deka ngadue mosongon oku. E mosongon tonari lou mosongon kovok. Aurou. Krais dong ke aitno lungong deka lou elio isuk isuk e lou bokongon ka ngadue ke taklak ngadue ke aitno lungong ila dagar vala. Aitno lungong dagar ke Ida Tapolngon Otno Arang e aitno itau lokono ke ngong e iye soro pampamu ine ma lua ngong.


Ngawaiki Ida Tapol-ngon ila makaingan dong kap umu ka aling aling umu lana umu ke Ida Puda Yesus Krais. E oku ane lou pelengon yagos.


Oglou umodue elio soulu bitna bitna e umedidi elio ke aitno lumu oglou ina deka ke elio tonari langka anmu timete. E Ida Tapolngon due umu umodue lumu mosongon oku ina kap Krais deka Ida Tapolngon klok lumu elio epmes ina la.


Umemete kodong kap Krais e umeneklep ke iye. E umeile omur ke lumu mosongon itau keniye dau kovok e mase ma Ida Tapolngon due mosongon tonari polou malak.


Alo ka Ida Tapolngon rere io Krais soro pampamu ine ma iye lua ite ma itodong itau ke Ida Tapolngon bitna. E ke elio tonari Ida Tapolngon nis ite langka iye waiki lua osep ka pula keniye.


E langka apmang ka isak sasap batne mase tididi pampamu lisak vala deka apmang tonari tidong langka ansak vala timete kodong.


Emile oglou ite blang iteile omur ke Ida Tapolngon kovok e itotuk ila pelengon. Alo ari Satan pagolgol aitno lite deka itedidi Ida Tapolngon ila pelengon kovok. Deka itodong langka elio epmes ina plau ite e itedidi elio soulu. E aitno lite itau ke elio soulu e itedidi pampamu lite. Itedidi elio ka aitno lite amnga e aitno lite soulu ke osep leklou e itangale urok wan bitna bitna. Aitno lite engil ke osep e aitno lisak engil ke ite blang.


Iteile oglou Ida Tapolngon due Yesus polou langka itosep e ke sasi boto vala iye dong moli ke ensel. Ida Tapolngon due elio langane kesua batne iye makai ite e Yesus mete e kasip amunte. E eknikane Ida Tapolngon kakai Yesus angaine tito la egim e osep tidue anit ke iye.


Ida Tapolngon didi ila elio itau vala e wade osep urok elio isuk isuk ine. Deka ma bitna sisir ke lumu elio itau e elio ka umu lana umu ke iye alo ka oglou umolua ila osep. E eknikane umu dau umolua isak blang.


Lama oglou umavati Krais kovok dau umu lana umu ke iye. E oku ane lama umavati iye kovok aitno lumu la dagar ke iye. E umeketir omba ke ketirngen ka mole ketirngen ke taklak e umakaranga umawai pelengon ka wai ke ketirngen tonari kovok.


E silang blang langane. Iteile Ida Tapolngon ila osep ite e dau Satan ila arit plau osep ka pula keniye ka taklak ina.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ