2 Korin 5:11 - Aria New Testament

¹¹ Imodue anit ke Ida Puda e ke batne langane imawai ke osep ma aitno lisak la dagar ke iye. Ida Tapolngon ile ke limem elio kodong e ngawaiki umeile ine blang.

2 Korin 5:11 ပူးပေါင်းရင်းမြစ်များ

Matyu 10:28

Umelim ke osep kovok. Tikaranga timter umu ma pampamu lumu timete e dau tikaranga timluk aitno lumu kovok. E umodue anit ke Ida Tapolngon kesua iye karanga due pogle ke osep pampamu lisak e aitno lisak ke omur hel.

Matyu 25:46

E Yesus babrum ila pelengon langane. “Osep tonari ma tidue ulesngen ka dong vala dong. E osep ka tidong itau e osuk ma tidue urok mosongon ka dong vala dong.”

Luk 12:5

E ngawai ke umu ke gute ka umelim ine. Umelim ke Ida Tapolngon ka mluk pampamu lumu ma umemete deka iye karanga uri umu ke omur hel. Ngawai ke umu langane. Umelim ke gute tonari.

Luk 16:31

E Abraham wai ke iye langane. ‘Aurou. Langka tiklingen Moses ila sogongon e osep napaprangan ina urok sogongon kovok ma tiklingen e tididi gute ka poga tito ke ina denga ila pelengon kovok blang.’”

Aposel 13:43

Deka osep tisongon duningen ina ninu e tidardar kla. E osep Yuda ina pula tigosok osep ka tididi osep Yuda ina inarak apu tididi Pol orwo Barnabas. E tikar pelengon dagar ke osep tonari ma aitno lisak dong dagar ke Ida Tapolngon ila makaingan.

Aposel 18:13

E tisin elio vri ke iye langane. “Gute ane ila pelengon mter osep pula aitno lisak ma tipli limem pelengon dagar. Iye waiki osep tididi pelengon dagar silang ma tilotuim Ida Tapolngon.”

Aposel 18:4

Ari sabat kene kene Pol la sep ke osep Yuda ina urok duningen ina ninu e wai kap osep. Iye wai pula ke Ida Tapolngon ila pelengon kesua iye waiki osep Yuda ina e osep Grik ina ka tiklingen ila pelengon aitno lisak la dagar ine.

Aposel 19:26

E eknikane gute Pol wai pula ke udo bokongon langane. ‘Tapolngon ka osep tiboko ine isak tapolngon yakngan vala.’ E osep pula ka tidong ke Efesus e ka tidong ke provins Esia aitno lisak la dagar ke Pol ila pelengon kodong eriar langka umoklingen ine e umavati.

Aposel 26:26

E silang blang gute ka vri mgo Agripa ile omur ke pelengon ka ngawai ine kodong. Ngawai malak ine kesua ngaile omur iye ile ine kodong. Kesua elio ka ngawai ine polou kukwop kovok.”

Aposel 28:23

E tirere oklou gesa ma tiduni pulu kap Pol ma tiklingen ila pelengon. E ke oklou tonari osep pula time tiduni pulu ke ninu ka Pol dong ine. E ke kotkotu la iding ke epmes Pol parere isak. Iye palongo urok ke alo ka Ida Tapolngon ma plau omur ka pula keniye. Iye parere isak ke Moses ila sogongon e osep napaprangan ina urok sogongon ka la ke Yesus. E iye kere sogongon tonari ma tile omur ke lana ine.

2 Korin 2:17

Osep pula leklou tiboko langka Ida Tapolngon ila pelengon iye wan ka tidue burong ine. E imi langka isak kovok. Aurou. Ida Tapolngon rere imi ila osep bokongon ina e imawai pelengon lokono ke Krais angaine e imawai ke Ida Tapolngon bitna.

2 Korin 5:20

Deka imi Krais ila osep meriang ina. Are langka Ida Tapolngon wai ke osep ke epmi. Deka imepmi umu dagar ke Krais angaine ma aitno lumu kene kap Ida Tapolngon.

2 Korin 6:1

Imoboko kap Ida Tapolngon e ila makaingan polou ke umu deka imawaiki imawai dagar ke umu langane. Umeile umu itau lama aitno lumu mter ila makaingan wan adai vala.

Galesia 1:10

E aitno lumu lange? Pele-ngon ka eknikane ngawai ine ma lange? Ngawaiki ma osep aitno lisak itau ke ngong koke ngawaiki ma Ida Tapolngon aitno itau ke ngong? Koke lange? Ngawai dikngen ke umu vala? Umoklingen. Langka ngawai dikngen ke osep ngong Krais ila gute bokongon ina kovok.

Efesus 5:21

Umu kenmu kenmu ume-didi aitno lumu ke lumu elio bitna bitna kovok. Aurou. Umodue anit ke Yesus ila osep keniye e umodue elio ka itau vala ma isak keniye aitno lisak itau ine. Umodue elio langane kesua umodue anit ke Krais.

Hibru 10:31

Deka iteile omur langane. Osep ka Ida Tapolngon ka dong vala dong ules isak ma tinakarkar e tilim omba ke iye.

Hibru 12:29

Kesua Ida Tapolngon langka eiou ka ngen wan ka pula keniye.

Pas ka Jut sogoe 1:23

E osep leklou tidong langka isuk boto eiou ngen isak. Deka umolua isak suong langka umepi isak ke eiou. E aitno lumu due osep leklou e dau umoulou tarna lumu ke urok elio soulu. Aitno lumu engil ke urok elio soulu ka langka klos ka amum e amna sasi lokono.

Pelengon kukwopngon 20:15

Deka osep ka angainsak dong ke buk ka mosongon ina tonari kovok tiuri isak kla ke eiou ombatno blang.