2 Korin 5:1 - Aria New Testament

¹ Iteile pampamu lite langka ninu molo ina. Langka ninu tonari polou yagos Ida Tapolngon ma kere ninu oku ina ke ite ka osep tiurie kovok. Ninu oku ina tonari dong vala dong ke omur heven.

2 Korin 5:1 ပူးပေါင်းရင်းမြစ်များ

Mak 14:58

“Oglou imeklingen gute ane wai ma iye dar Ida Tapolngon ila ninu ka osep tiurie ke limsak. Iye wai ma iye dare deka mase ke oklou eklu ma iye uri Ida Tapolngon ila ninu oku ina ka osep tiurie ke limsak kovok.”

Aposel 7:48

E Ida Tapolngon ka mole tapolngon ka pula keniye dong ke ninu gesa ka osep tiurie kovok. Aurou. Iye dong ke omur ka egim lokono vala. Oglou gute napaprangan ina gesa wai langane.

1 Korin 3:9

Imorwo Ida Tapolngon ila osep bokongon ina. E umu langka Ida Tapolngon ila yage. E umu blang langka Ida Tapolngon ila ninu.

2 Korin 4:7

E Ida Tapolngon due ila pelengon sep ke imi osep aposel pampamu limi ka isak wan adai langka ulo. Elio langane dong ma osep tikaranga tile arit me ke Ida Tapolngon e me ke imi kovok.

2 Korin 5:4

Alo ka itodong ke ninu molo ina ane itapara ke alo ka wan ka opru ite yagos. Ane langka itawaiki itosongon pampamu lite oglou ina vala kovok. Aurou. Itawaiki itesep ke pampamu lite oku ina vala ma pampamu lite ane polou yagos deka itodue mosongon oku ina.

Kolosi 2:11

Umeneklep ke iye deka umodue elio ulangngan ina. E elio ulangngan ina tonari langka elio ka osep tidue ke pampamu lumu kovok. Aurou. Krais ulang umu langka iye klok lumu elio epmes ina deka elio epmes ina plau umu blang kovok.

2 Timoti 1:12

Ngadue bokongon tonari deka ke batne langane osep tidue agegeng ke ngong. E ngong mnak ngong ke bokongon tonari kovok. Kesua ngaile omur ke Ida Luangan ka aitno lungong dagar ke iye. Ngaile omur iye ma plau ila pelengon ka iye kare ke ngong itau lokono la lama iding ke oklou ka wan ka pula keniye yagos.

Hibru 11:10

Alo ari Abraham dong e para ke mase alo ka iye dong ke armok ka Ida Tapolngon urie ke omur heven ka dong vala dong.

Hibru 9:11

Eknikane Krais polou kodong e iye gute loulou ina ka mgo ke wan bitna bitna ka itau ka polou kodong. Iye due Ida Tapolngon ila bokongon ke ninu molo ina ka osep tiurie ke taklak ane kovok. Iye sep ke Ida Tapolngon ila ninu molo ina ka dong ke omur heven. Ninu molo ina tonari mole ninu molo ina ka osep tiurie ke taklak.

Hibru 9:24

E Krais mete ma iye sep ke ninu molo ina ka osep tiurie kovok. Ninu molo ina tonari nisngen ke Ida Tapolngon ila ninu ka dong ke omur heven. Krais mete e sep ke omur heven e dong ke Ida Tapolngon bitna e loulou ke ite.

1 Pita 1:4

E itapara ke kerengen itau ka Ida Tapolngon due dong para ke ila osep. Kerengen tonari dong ke omur heven e karanga polou okus koke polou soulu koke polou yagos kovok. Aurou.

2 Pita 3:11

Ngawaiki aitno lumu mter itau. Mase wan tonari ma polou yagos e oku ane umu kenmu kenmu umodue elio isuk isuk ka lange? Ma umodue elio isuk isuk ka itau ka Ida Tapolngon aitno itau ine.

1 Jon 3:14

Oglou itodong langka osep ka timete e oku ane itodong ke mosongon ka dong vala dong. E iteile itodong ke mosongon tonari kesua ite lana ite ke Ida Tapolngon ila osep. E osep ka isak lana isak ke osep leklou kovok isak dau tidong langka osep ka timete.

1 Jon 3:19

Langka ite lana ite ke sudo deka iteile omur ite Ida Tapolngon ila osep lokono. Iteile itodong itau ke Ida Tapolngon bitna deka aitno lite mtong ine.

1 Jon 3:2

Lou saten. Ngong lana ngong ke umu e ngawai ke umu langane. Oku ane ite Ida Tapolngon titno. E iteile mase ma itodong langka wansua kovok e dau iteile langane. Alo ka Krais me polou ma itodong eriar langka iye kesua ma itavati iye malak deka ma iteile omur ke iye.