2 Korin 4:8 - Aria New Testament

⁸ Aling pula elio ka opru polou ke imi e dau elio tonari due limem arit polou yagos kovok. E aling leklou imeile omur ke wan ka ma imodue kovok e dau imeile sasi boto ine.

2 Korin 4:8 ပူးပေါင်းရင်းမြစ်များ

Jon 14:18

“Ma ngasongon umu langka osep ka isak bimsei kovok. Aurou. Mase ma ngame ke umu.

1 Korin 10:13

E langane. Tokngon bitna bitna ka tipolou ke umu ane isak eriar langka tokngon bitna bitna ka tipolou ke osep ka pula keniye. E Ida Tapolngon didi ila elio itau e songon tokngon gesa ma polou ke umu kovok ka umakaranga ine kovok. Langka tokngon gesa polou ke umu ma Ida Tapolngon mosi ekreng e lua umu ma umepren ke tokngon tonari e ma iye due umu umakaranga umevri dagar ine.

2 Korin 12:10

Ngadue Krais ila bokongon e wan bitna bitna tipolou ke ngong. Lou arit kovok e osep tiwai soulu ke ngong e wan polou ka opru ngong. E agegeng e elio soulu polou ke ngong. Wan tonari polou ke ngong e aitno lungong mter isak wan gesa kovok kesua alo ka lou arit kovok deka Ida Tapolngon ila arit lua ngong.

2 Korin 6:12

Imopono aitno limi ke umu kovok. E imi lana imi ke umu. E umopono aitno lumu ke imi e umu lana umu ke imi kovok vala.

2 Korin 6:4

Aurou. Imodue elio itau vala ka nis osep imi Ida Tapolngon ila osep bokongon ina. Imodong dagar lokono alo ka agegeng e wan soulu e wan polou ka opru imi.

2 Korin 7:5

Alo ka imopolou ke provins Masedonia imakaranga imomtong boto kovok. Imopolou e elio soulu bitna bitna tipolou ka opru imi. Osep ka tidong dogur orsak timluk pelengon pulu kap imi e imedigrik e anmi nesik.

Galesia 4:20

Aisudo. Eknikane ngadong kap umu kovok. Langka ngadong kap umu ma ngawai pelengon itau ke umu. Aitno lungong kro lokono ke umu e ngaile kovok ma ngalua umu ke elio lange.