2 Korin 4:4 - Aria New Testament

⁴ Satan ka iye plau taklak ane due osep ka aitno lisak dagar ke Ida Tapolngon kovok aitno lisak aivoro ma tikaranga tivati bublongon ke Krais ila omon itau kovok. E Krais eriar langka Ida Tapolngon.

2 Korin 4:4 ပူးပေါင်းရင်းမြစ်များ

Matyu 13:22

E wit londo ka tiduru timunu ke galou marak isak eriar langka gute ka klingen Ida Tapolngon ila pelengon e dau aitno kro ke wan bitna bitna ke mosongon ane e aitno itau ke mani. E elio orwo tonari tikading Ida Tapolngon ila pelengon e pelengon karanga due gute ma iye due elio itau kovok.

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 1:18

Gute kene vati Ida Tapolngon kovok e dau Otno Arang nis ite malak ke iye ma iteile omur ke iye. Otno Arang tonari iye kene vala e iye dong olwo boto ke Ida Tapolngon e iye Ida Tapolngon blang.

Jon 12:31

E oku ane ma Ida Tapolngon wade osep ka pula keniye ke taklak urok elio. E ma iye sapir Satan ka plau taklak ane.

Jon 12:35

Deka Yesus wai ke isak langane. “Bublongon dong dau sasi boto vala kap umu e umelila alo ka bublongon dong kap umu. Umelila ke bublongon lama epmes polou e omur aivoro kesua gute ka lila ke aivoro ile omur ka iye lila ine kovok.

Jon 12:40

“Ida Tapolngon due amtarsak evin ma tikaranga tivati omur kovok. E iye pono aitno lisak ma ti-karanga tile itau kovok. Lama tibauluk aitno lisak ke ngong e ngadue isak tidong itau blang.”

Jon 12:45

E gute ka vati ngong vati Ida Tapolngon ka pagei ngong ngame blang.

Jon 14:30

Ma ngawai ke umu dau tauni kovok kesua Satan ka plau osep ka pula keniye ke taklak me. E iye karanga mole ngong kovok.

Jon 15:24

Ngadong airavu ke isak e ngadue elio itau langka gute silang due kovok. E langka ngadue langane kovok urok elio epmes ina vri ke isak e munu pes isak kovok. E oku ane tivati lou elio e aitno lisak engil e amnga ke ngong e ke Livou blang.

Jon 16:11

E ma iye nis isak malak ke elio ka Ida Tapolngon wade osep kesua iye wade Satan ka plau osep taklak ina kodong.”

Jon 8:12

E Yesus wai ke osep blang langane. “Ngong bublongon ke osep ka pula keniye ka tidong ke taklak. Osep ka tididi ngong ma tilila ke aivoro kovok. Aurou. Ma tilila ke bublongon ka kar isak mosongon ka dong vala dong.”

Aposel 26:18

Ngapagei wom ke isak ma lem pelengon due osep ari amtarsak pal ma tibauluk aitno lisak ke urok elio epmes ina e aitno lisak la ke elio itau. E ma tisongon Satan limla e tidong ke Upu Tapolngon limla vala. Ma aitno lisak la dagar ke ngong e ma ngasak urok elio epmes ina la e ma tidong kap osep ka Upu Tapolngon rere isak ila osep itau lokono kodong.’”

Aposel 26:23

Oglou tiwai osep ma tidue burwa ke gute ka Ida Tapolngon rere Krais ka iye lua osep ke urok elio epmes ina. E ma iye mgo ke osep keniye ka tipoga titito ke inarak denga. Deka ma iye napapra ke osep Yuda ina e ke osep ka isak osep Yuda ina kovok ke elio ka iye lua osep ke urok elio epmes ina. E elio ane langka bublongon ke isak.”

1 Korin 10:20

Aurou. Ngawai langane. Wan ka osep ka tile Ida Tapolngon kovok tidue elio opmu ina ine tidue ke angelo soulu e tidue ke Ida Tapolngon kovok. Ngawaiki ma umeneklep ke angelo soulu kovok.

2 Korin 2:11

Ngadue langane lama Satan karanga yak ite e mole ite. Kesua iteile omur ke Satan aitno e ke ila elio bitna bitna ka iye waiki due.

2 Korin 2:12

Oglou alo ka ngapolou ke Troas ma nganapapra Krais ila omon itau Ida Puda klok ekreng kodong ma ngadue bokongon tonari.

2 Korin 3:11

E langka bublongon dong kap wan ka dong sasi boto vala bublongon dong lokono kap wan ka dong vala dong.

2 Korin 3:14

E bara lisak pono e tikaranga tile itau kovok. E alo ari lila me ke eknikane alo ka tiritim Moses ila sogongon langka wan dau pono bara lisak. Krais vala karanga pi wan are la.

2 Korin 3:18

E wan gesa kading ite keniye amtada kovok deka Ida Puda ila bublongon polou ke ite e itopolou langka glas ka osep tikaranga tivati Ida Puda ine. Deka aling aling itolumus itopolou nisngen ke Ida Puda. E Ida Puda iye Ano Itau.

2 Korin 4:6

Ke oglou Ida Tapolngon wai langane. “Ma esluk polou bublo airavu ke aivoro.” Ida Tapolngon tona due esluk polou bublo ke aitno limi ma imeile omur ke Ida Tapolngon ila bublongon ka bublo ke Yesus Krais bitna.

Galesia 1:4

Krais didi Ida Tapolngon ka Pmada aitno e soro pampamu ine ma lua ite ke udo elio epmes ina. Iye due langane ma lua ite ke elio soulu ka dong ke taklak ane.

Efesus 2:2

Deka ari umodue elio epmes ina bitna bitna eriar langka osep epmes ina ka tidong ke taklak ane tidue. Alo ari Satan ka plau angelo soulu plau umu blang. Iye plau umu kesua iye plau osep ka talsak klingen Ida Tapolngon ila pelengon kovok.

Efesus 6:12

Itekere ite itau lokono kesua itodong itodue evlei ke ida oul ka isak osep kovok. Aurou. Oku ane langka aivoro lokono e itodong itodue evlei ke Satan e angelo soulu. Itodue evlei ke angelo soulu leklou ka tivri mgo e angelo soulu leklou ka tiplau angelo soulu ka pula e angelo soulu leklou ka urok arit ombatno.

Filipai 2:6

Yesus tona iye Ida Tapolngon e dau aitno mter langka iye kis dagar ke elio ka iye dong eriar langka Ida Tapolngon ka Pmada kovok. Aurou.

Kolosi 1:15

Itakaranga itavati Ida Tapolngon kovok e dau Otno Arang iye eriar langka Ida Tapolngon. Iye Ida Tapolngon Otno Arang ka ina sirngen e iye mgo ke wan ka pula keniye ka Ida Tapolngon due polou.

Kolosi 1:27

Ida Tapolngon didi aitno e nis ila osep ke pelengon ka oglou dong kukwop ma tile omur ine. Pelengon tonari itau lokono e karanga lua osep ka pula keniye. Pelengon ka kukwop langane. Krais dong kap umu e ma umapara ke iye ma iye me kum umu e umala umodong kap iye ma umodue wan ka pula keniye ka omur heven ina.

1 Timoti 1:11

Pelengon lokono tonari Ida Tapolngon ila omon itau ka iye kare ke ngong ma nganapapra ine. Omon itau tonari me ke Ida Tapolngon ka ila elio keniye itau itau. Deka omon tonari itau itau blang.

Taitus 2:13

E aitno lite dagar ke Ida Tapolngon e itapara ke oklou ka ite ma itavati iye e itapara ke Ida Luangan Krais Yesus ka iye itau lokono. Ma iye polou malak lokono deka itavati iye kap ila bublongon e ila arit.

Hibru 1:3

E Otno Arang nis ite ke Ida Tapolngon ila elio ka itau lokono e iye eriar langka Ida Tapolngon. E ila arit due wan ka pula keniye tiboko itau e tidong itau. Iye duru ke taklak e mete kodong deka ina marau kli osep urok elio epmes ina. Iye due langane yagos deka iye bauluk tito ke omur heven e dong ke Ida Tapolngon ka ila arit ombatno lokono limla odung.

Hibru 6:4

Langka osep aitno lisak kis dagar ke Ida Tapolngon ila pelengon kodong e mase tipul dogur ine ma tididi ekreng ka lange ma tibauluk tididi pelengon tonari blang? Kesua Ida Tapolngon nis isak ke ila wan ka itau ka omur heven ina e tile omur ke Ano Itau ila bokongon kodong.

2 Pita 1:19

Imeklingen pelengon tonari e aitno limi dagar ke osep napaprangan ina urok pelengon e imeile omur urok pelengon lokono. E umu blang aitno lumu dagar ke urok pelengon ka langka lam ka bublo ke aivoro. Lam bublo ke aivoro la lama iding ke alo ka gaga tito. Bitna langka langane alo ka Krais dong ke aitno lumu langka gigimo marupo bublo.

1 Jon 2:11

E gute ka aitno engil ke iye sisrok dong ke aivoro e lila ke aivoro. E iye ile itau ke omur ka iye la ine kovok kesua iye dong ke aivoro e dong langka bitna evin.

1 Jon 2:8

E dau ngasogo pelengon dagar oku ina ke umu blang ka la ke elio lokono ka oglou Yesus due. E elio tonari elio ka umu blang umodue. Kesua wan ka aivoro lila duru e mase yagos e bublongon ka lokono bublo kodong.

1 Jon 5:19

E silang blang langane. Iteile Ida Tapolngon ila osep ite e dau Satan ila arit plau osep ka pula keniye ka taklak ina.