2 Korin 4:10 - Aria New Testament

¹⁰ Aling aling osep tiwaiki tidue burwa ke imi langka oglou tidue ke Yesus. E imodong ma tikaranga tile Yesus dong ke aitno limi.

2 Korin 4:10 ပူးပေါင်းရင်းမြစ်များ

Jon 14:19

Isuk boto dau e osep ke taklak ma tivati ngong blang kovok. E ma umavati ngong. Ngadong ke mosongon e ke batne ane umu blang ma umodong ke mosongon.

Pas ka Pol sogoe uti la ke osep Rom ina 6:5

Langka oglou itogosok Yesus itemete ma Ida Tapolngon due ite itopoga itetito ke ida denga eriar langka oglou iye due Yesus poga tito ke ina denga.

Pas ka Pol sogoe uti la ke osep Rom ina 6:8

E silang blang langane. Ite ka itemete kap Yesus aitno lite dagar Ida Tapolngon ma due ite itodong itau blang kap iye.

Pas ka Pol sogoe uti la ke osep Rom ina 8:36

Oglou ari gute Devit sogo Ida Tapolngon ila pelengon palma ka wai langane. “Oklou aling aling osep tiwaiki tidue burwa ke ite kesua batne ite lem osep. Tivati ite eriar langka sipsip ka tiwaiki timter isak deka timete.”

2 Korin 1:5

Eriar langka osep tidue agegeng ke Krais e iye namani ine deka agegeng polou ke imi blang. E silang blang eriar langka Ida Tapolngon lua Krais ke agegeng ma iye lua imi ine blang.

2 Korin 1:9

E lokono imanamani langka imi osep ka kot wai ma timete ke urok elio soulu. Elio ane polou ma aitno limi mter ke limem arit kovok. Aurou. Ma aitno limi mter ke Ida Tapolngon ka due osep tipoga titito ke inarak denga.

2 Korin 13:4

Lokono. Alo ka osep tinilim Krais mana ke ina akai iye didi ila arit kovok. E oku ane Ida Tapolngon ila arit due poga tito ke ina denga. E imeneklep ke Krais e imi kenmi kenmi limem arit kovok. E dau alo ka imodong kap umu ma umeile omur Ida Tapolngon ila arit dong kap imi.

2 Korin 4:11

Aling aling imodong e osep tiwaiki timluk imi ma imemete batne aitno limi dagar ke Yesus. Imawaiki ma osep tivati Yesus ke pampamu limi.

Galesia 6:17

Ngawaiki ma gute gesa kar ngong elio ka opru ngong kovok. Aurou. Osep timluk ngong kodong deka tarna lungong amal amal kodong. Deka amal tonari nisngen langka ngong Yesus ila gute bokongon ina lokono.

Kolosi 1:24

Eknikane aitno lungong itau lokono alo ka nganamani elio ka polou ka opru ngong ma ngalua umu. Elio opru tonari langka elio opru ka Krais namani ka ma lua sios ine e elio opru tonari dau yagos kovok. E ngawaiki ngalua Krais ila sios ka pampamu ine. E ke elio opru ka nganamani ke pampamu lungong ngawaiki ma ngalua sios blang.

2 Timoti 2:11

Ida Tapolngon ila pelengon ane lokono. Langka itemete kap Krais mase ma itodong kap iye blang.

1 Pita 4:13

E aitno lumu neser alo ka umanamani agegeng eriar langka Krais namani agegeng. Ma alo ka Krais ila elio ka itau itau lokono polou malak ke osep amtarsak umu blang aitno lumu neser e aitno lumu itau kap iye.

1 Pita 4:14

Langka osep tiwai soulu ke umu batne umu Krais ila osep aitno lumu itau itau ine. Kesua elio ane nis ite Ida Tapolngon Ano Itau ka itau lokono dong kap umu.

Pelengon kukwopngon 1:17

Ngavati iye deka ngagene ngaduru ngamunu olwo boto ke kamla. Ngamunu langka gute ka mete kodong. Deka iye due limla odung duru kai ngong e wai langane. “Aitno lugom nesik sakam. Ngong gute ka oglou kodong ngadong e mase ma ngadong blang.