2 Korin 3:7 - Aria New Testament

⁷ Oglou Ida Tapolngon kar ila pelengon ke Moses e pelengon tonari due metengen polou ke osep. E alo ka Ida Tapolngon sogoe ke opmu pelengon polou kap Ida Tapolngon ila bublongon. Deka Moses bitna bublo omba e osep Israel ina amtarsak tikaranga tinekek ine kovok. E dau bublongon dong tauni kovok e mase yagos.

2 Korin 3:7 ပူးပေါင်းရင်းမြစ်များ

Aposel 6:15

Tisin elio vri ke iye langane deka osep kaunsil ina amtarsak tinekek dagar ke gute tonari. Deka tipalem Stiven bitna eriar langka ensel bitna.

Pas ka Pol sogoe uti la ke osep Rom ina 10:4

Krais polou ke ite kodong deka ari iye due Moses ila sogongon ka oglou plau ite ila arit polou yagos. Deka plau ite kovok. E Ida Tapolngon due osep ka aitno lisak dagar ke Krais tipolou itau e osuk ke bitna.

Pas ka Pol sogoe uti la ke osep Rom ina 4:15

Moses ila sogongon nis ite ke udo elio soulu vala. E osep ka tidar sogongon tonari e tidue elio soulu vala Ida Tapolngon aitno ila engil ma due isak. E langka pelengon dagar gesa ka plau ite dong kovok ma itakaranga itadar pelengon dagar tonari kovok.

Pas ka Pol sogoe uti la ke osep Rom ina 5:20

Oglou ari Ida Tapolngon due Moses aitno deka iye sogo Ida Tapolngon ila pelengon ka dong kap osep. E osep ka tile omur ke sogongon tonari tidare aling pula e urok elio epmes ina pula vri ke isak. E alo ari Ida Tapolngon didi aitno e pagei ila makaingan ke osep ari e ila makaingan tonari res polou ombatno e mole elio soulu ka dong ke osep ari.

Pas ka Pol sogoe uti la ke osep Rom ina 7:10

E Ida Tapolngon waiki ma osep ka pula keniye tididi ila pelengon vala. E osep ka tididie itau ma tidong itau vala. E ngaile ngakaranga ngadidie itau kovok e ma ngamete ine vala.

Pas ka Pol sogoe uti la ke osep Rom ina 7:22

E aitno lungong dagar lokono ma ngadidi Moses ila sogongon vala.

Pas ka Pol sogoe uti la ke osep Rom ina 7:5

Oglou elio oglou ina pagei pampamu lite e itodue elio epmes ina bitna bitna vala. Alo ari iteile ke Moses ila sogongon kodong. Iteile ila sogongon dangdang ite ke elio epmes ina bitna bitna. Iteile omur ke sogongon tonari e aitno lite dau dagar ke udo elio soulu bitna bitna. E itodue elio epmes ina pula. E udo elio isuk isuk ka pula keniye soulu ma itemete ine.

1 Korin 13:10

Mase alo ka wan lokono polou deka wan ka emkil emkil ka eknikane tidong ma tipolou yagos.

2 Korin 3:3

Umodong malak langka pas ka me ke Krais. Ke limem bokongon Krais sogo pas are. Iye sogoe ke ing kovok. Iye sogoe ke Ida Tapolngon ka dong vala dong Ano Itau. E silang iye sogoe ke opmu kovok e iye sogoe ke osep aitno lisak vala.

2 Korin 3:6

Iye vala due imi imopolou ila osep bokongon ina ke kontrak oku. Kontrak oku iye wan ka tisogoe ke buk kovok. Aurou. Iye wan ka me ke Ano Itau. Kesua wan ka tisogoe ke buk paur metengen e wan ka me ke Ano Itau kar mosongon ka dong vala dong ke osep.

2 Korin 3:8

E lama langane Ano Itau ila bublongon ma mole bublongon tonari e Ida Tapolngon ila bublongon bublo ombatno lokono.

Galesia 3:10

E Ida Tapolngon ma due agegeng ke osep ka tiwaiki tididi Moses ila sogongon ma sogongon tonari due isak tipolou itau ke bitna. Kesua Ida Tapolngon ila pelengon wai langane. “Langka gute gesa didi pelengon keniye ka dong ke Moses ila sogongon kovok ma Ida Tapolngon due agegeng ke iye.”

Galesia 3:21

Ane langka Moses ila sogo-ngon para pulu kap Ida Tapolngon ila pelengon dagar koke aurou? Aurou lokono. Kesua langka Moses ila sogongon karanga lua ite ma itodong itau ke Ida Tapolngon bitna iye due kodong. E aurou lokono.

Hibru 12:18

Umopolou ke gigri langka oglou osep Israel ina tipolou ke gigri Sainai kovok. Aurou. Tikaranga tikai gigri tonari e tivati eiou ngene e omur aivoro e engen omba polou.

Hibru 3:3

Iteile gute ka uri ninu due angaine omba ka mole angaine ke ninu ka iye urie. Deka Ida Tapolngon due Yesus angaine tito omba e mole Moses angaine.

Hibru 9:4

Ke eliang orwo ina wan orwo tidong ine. Bota ka osep loulou ina tikamlu wan ka amna itau ine ka tikadinge ke gol e karoro ka Ida Tapolngon ila pelengon dagar dong ine ka tikadinge ke gol. E ke karoro tonari wan eklu tidong. Sospan gol ka ngangon mana dong ine e Aron ila matu ka nobolbol e opmu orwo ka oglou Ida Tapolngon sogo ila pelengon ke isak.