2 Korin 3:12 - Aria New Testament

¹² Aitno limi dagar e imapara ke elio oku ina ka Ano Itau due polou deka imanapapra ine e imoulou tarna limi kovok.

2 Korin 3:12 ပူးပေါင်းရင်းမြစ်များ

Jon 10:24

E osep Yuda ina tidong lelei Yesus e tipmi iye langane. “Ma imodong tauni e aitno limi mter ke wom koke aurou? Langka wom gute Krais ka Ida Tapolngon rere ma omlua osep ke urok elio epmes ina amwai malak ke imi.”

Jon 16:25

“Ngawai pelengon ane ke umu ke pelengon ano e mase ma ngawai ke umu ke pelengon ano kovok. Ma ngapalongo lumu ke Livou ke pelengon malak vala.

Jon 16:29

Yesus wai langane deka ila disaipel tiwai ke iye langane. “Itau. Oku ane amwai pelengon malak e amwai ke pelengon ano kovok.

Aposel 14:3

­Pol orwo Barnabas tidong tauni ke Aikoniam e tiwai dagar pula ke osep ari. Alo ari Ida Puda lua isak ke ila arit deka tilua osep pula ke elio arit ina. Deka osep pula tivati elio arit ina tonari e tile omur ine e tiwai langane. “Urok pelengon ka la ke Ida Tapolngon ila makaingan pelengon lokono.”

Aposel 4:13

Osep kaunsil ina tiklingen urok kolingen e aitno lisak mter tidue skul kovok. Deka tidigrik ine e tile omur isak orwo tiulou tarna lisak kovok. Deka aitno lisak mter oglou tidong kap Yesus.

Aposel 9:27

Deka gute Barnabas due Sol e isak orwo kla ke osep aposel amtarsak deka Barnabas palongo urok langane. “Oglou alo ka Sol didi ekreng iye vati Ida Puda. Iye vati e klingen pelengon ka iye kare ke iye. Mase iye dong ke Damaskus e napapra osep ke Yesus e ulou tarna kovok.”

Aposel 9:29

Iye wai pula e kot pelengon pulu kap osep Yuda ina ka tiwai pelengon Grik. Deka aitno lisak engil ke iye e tiwaiki tidue burwa ke iye.

1 Korin 14:19

E alo ka Yesus ila osep tiduni pulu ke duningen e langka ngawai pelengon sasi boto ka osep tikaranga tile ine e ngaparere isak ane itau. E langka ngawai pelengon pula pula ke tokples ka tile ine kovok ane ma lua isak kovok.

2 Korin 10:1

Osep leklou tiwai ke umu langane. “Alo ka Pol dong kap umu langka iye pes iye vala e alo ka iye dong mawa iye wai dagar.” Deka ngawai ke umu ma aitno lumu mter ke Krais ila elio e umoklingen lou pelengon. Krais ila elio langane. Ila elio molil molil e iye due mada ke osep.

2 Korin 3:11

E langka bublongon dong kap wan ka dong sasi boto vala bublongon dong lokono kap wan ka dong vala dong.

2 Korin 4:13

Oglou gute napaprangan ina sogo Ida Tapolngon ila pelengon ka wai langane. “Aitno lungong dagar ke Ida Tapolngon ila pelengon e ke batne langane nganapapra ine.” E imi blang aitno limi dagar ke Yesus deka imanapapra ine.

2 Korin 7:4

Ngaile ngakaranga ngawai malak e osuk ke umu. Umodue aitno lungong itau. Aitno lungong dong epen batne ke umu. Agegeng bitna bitna tipolou ke imi e dau aitno lungong neser omba.

Filipai 1:14

E sudo leklou pula aitno lisak tipolou dagar lokono ke Ida Puda batne ke lou elio alo ka ngadong ke kalabus. Deka tinapapra Ida Tapolngon ila pelengon e tiulou tarna lisak ine kovok.

Filipai 1:20

Deka lana lungong omba ma ngadue wan ka osuk vala e ngadue wan gesa ka mnak ngong ine kovok. Aurou. Aitno lungong mter langane. Eknikane e mase blang ngadong dagar e ngadue elio itau vala. Deka langka ngadong koke ngamete kodong ngawaiki wan keniye ka ngadue kakai Krais angaine tito la egim.

Kolosi 4:4

E umawai itau ma ngakaranga nganapapra Ida Tapolngon ila pelengon malak ma osep tikaranga tile omur ine.

1 Tesalonaika 2:2

Umeile alo ka imeme ke umu dau kovok imodong ke Filipai. E are osep tidue agegeng ke imi e tiwai soulu ke imi. E alo ka imeme ke umu osep pula tiwaiki tidangdang imi ma imanapapra Ida Tapolngon ila omon itau ke umu kovok. E dau Ida Tapolngon due aitno limi dagar lokono e imevri dagar e imanapapra omon itau ke umu.

1 Timoti 3:13

Gute ka boko ke sios e due ila bokongon itau ma osep tidue anit ke iye. E ma iye lim alo ka iye palongo osep ke aitno ila dagar ka la ke Krais Yesus kovok.

Filemon 1:8

Omdue elio tonari kodong e ngawaiki ngawai ke wom ke elio silang. E ke Krais ngakaranga ngawai dagar ma emdidi lou pele-ngon.