2 Korin 2:9 - Aria New Testament

⁹ Oglou ngasogo pas uti ke umu batne ngawaiki ngatok umu e ngawaiki ngaile langka ma umedidi lou pelengon keniye koke aurou.

2 Korin 2:9 ပူးပေါင်းရင်းမြစ်များ

2 Korin 10:6

E imapara ke alo ka umeini limem pelengon keniye. E langka umeini limem pelengon keniye deka ma imoules osep ka tiklingen limem pelengon kovok.

2 Korin 2:3

Umu osep ka umodue aitno lungong neser deka ngawaiki ngauti ke umu e aitno lungong polou soulu ine kovok. Oglou ngasogo pas uti ke umu batne langane. Ngaile langka aitno lungong neser deka umu keniye aitno lumu neser blang.

2 Korin 2:4

Alo ka oglou ngasogo pas ke umu aitno lungong soulu e kro lokono e ngakngis ine. E dau ngasogo pas tonari ma aitno lumu soulu ine kovok e ma umeile omur ngong lana ngong omba ke umu.

2 Korin 2:8

Deka ngawai dagar ke umu ma umawai ke iye langane. “Imi dau lana imi ke wom.”

2 Korin 8:2

Wan pula tipolou ka opru isak e dau aitno lisak neser omba. E lama urok wan bitna bitna isuk boto vala dau aitno lisak mter ke osep Kristen leklou e tituktuk urok mani e tikare ke isak e aitno lisak mter ke isak tona vala kovok.

2 Korin 8:24

Deka ngawaiki umenis sios pula ke elio ka umu lana umu ke Taitus e ke osep ka tidong kap iye. E ngawaiki osep Kristen tile imapakaru umu ke lumu elio itau adai kovok.

Filipai 2:12

Sipmi. Ngong lana ngong ke umu. E langka oglou umedidi lou pelengon alo ka ngadong kap umu deka eknikane alo ka ngadong kap umu kovok ma umedidi lou pelengon lokono. Ida Tapolngon lua umu ke lumu elio epmes ina kodong deka eknikane umodong dagar ke aitno lumu ila dagar e umodue anit ke Ida Tapolngon e umoboko ma lumu mosongon ke taklak ane dong itau.

Filipai 2:22

E umeile Timoti ila elio itau. Umeile iye boko kap ngong alo ka imanapapra omon itau. Iye boko kap ngong langka gute otno arang boko kap iye ke ila bokongon.

2 Tesalonaika 3:14

Langka gute gesa pul dogur ke pelengon ka imosogo ke pas ane deka umavati iye e umeile itau ke iye e umodong mawa ke iye. Umodue langane ma iye mnak iye ke ila elio ka iye due.

Filemon 1:21

Ngasogo pas ane e aitno lungong dagar ma emdidi lou pelengon e silang blang aitno lungong dagar ma omdue elio itau ka mole wan ka ngasogoe kodong.