2 Korin 2:14 - Aria New Testament

¹⁴ E eknikane ngakakai Ida Tapolngon angaine tito la egim. Kesua aling aling iye mgo ke imi e iye mole wan ka pula keniye e imedidi iye deka imala ke omur omur e imanapapra Krais ila omon itau e osep tiklingen ine e tile ke iye. E pelengon ka osep tiklingen ine langka amnangan itau ka engen ipue la ke omur omur.

2 Korin 2:14 ပူးပေါင်းရင်းမြစ်များ

Jon 16:33

Ngawai pelengon ane ke umu ma aitno lumu karanga tidong epen batne ke ngong. Ke taklak ane ma umanamani elio soulu e dau aitno lumu tidong dagar kesua ngamole osep ka pula keniye ka tidong ke taklak.”

Pas ka Pol sogoe uti la ke osep Rom ina 1:8

Lou pelengon mgongon lang-ane. Eknikane elio ka aitno lumu dagar ke Yesus kodong ina omon pakes lila ke omur ka pula keniye. E ngawai itau ke Ida Tapolngon ke Yesus Krais angaine kesua omon tonari itau. Ngawai ke Ngau Tapolngon langane. Aitno lungong itau ke wom kesua osep Rom ina leklou aitno lisak la dagar ke Yesus kodong.

Pas ka Pol sogoe uti la ke osep Rom ina 15:19

E Ida Tapolngon Ano Itau lua ngong blang deka ngadue elio arit ina ka nisngen ke osep. E langane. Oglou nganogrum ke armok Jerusalem e nganapapra Krais ila omon itau ke osep. E ngalila ngala ke omur omur la lama ngaiding ke omur Ilirikum.

Pas ka Pol sogoe uti la ke osep Rom ina 6:17

Oglou elio epmes ina plau umu e umodue elio epmes ina bitna bitna vala. Mase osep tiparere umu ke Ida Tapolngon ila pelengon deka aitno lumu la dagar ine. Aitno lumu dong dagar ine e ngakakai Ida Tapolngon angaine tito ine.

Pas ka Pol sogoe uti la ke osep Rom ina 8:37

Eknikane lama osep aitno lisak soulu ke ite langka Devit sogo ine ma itoulou tarna lite ke isak kovok. Ma elio soulu tonari mole ite kovok kesua Yesus lana iye ke ite. E ma itomole isak.

1 Korin 12:8

Ke gute gesa Ano Itau kere iye ma ile omur ke elio itau deka iye lua osep leklou ine. E ke gute silang Ano Itau kere iye ke ilengen ke elio ka iye kere Ida Tapolngon ila pelengon lana ine ke osep.

1 Korin 15:37

E londo ka gute usake langka wit londo koke wansua londo ane langka londo vala. Deka londo eriar langka wan ka nobolbol tito kovok.

1 Korin 15:57

E Ida Tapolngon lua ite ma itomole metengen kesua batne ke Ida Puda Yesus Krais ila arit dong ke ite. Deka itakakai Ida Tapolngon angaine tito la egim ine.

2 Korin 1:11

E ma umolua imi alo ka umawai itau ke Ida Tapolngon ke imi. Ma osep pula aitno lisak itau ke kerengen ka polou ke imi batne ke urok pmingen itau ke imi.

2 Korin 8:16

Aitno limi itau e imawai itau ke Ida Tapolngon kesua iye due Taitus aitno kene kap aitno limi. E iye waiki lua umu eriar langka imawaiki imolua umu.

2 Korin 9:15

Ida Tapolngon ila makaingan ke ite itau lokono e udo pelengon karanga wai ine kovok. Ma itawai tenkyu ke Ida Tapolngon e itakakai angaine tito la egim ine.

Efesus 5:2

Krais lana iye ke ite omba deka iye mana ke ina akai e mete ine. Iye pli tarna e polou langka sipsip gesa ka osep tidue elio opmu ina ine deka iye mete. Deka ina metengen e ina marau bakop Ida Tapolngon aitno e aitno itau ine. Deka umu lana umu ke osep eriar langka Krais lana iye ke umu. Ma lumu elio tonari langka amnangan itau lokono ka Ida Tapolngon aitno itau ine.

Efesus 5:20

E aling aling umawai tenkyu ke Ida Tapolngon ka Pmada kesua batne ke wan bitna bitna ka iye lua umu ine. Umawai tenkyu ke Ida Tapolngon kesua batne ke Ida Puda Yesus Krais dong.

Filipai 4:18

Deka langane. Gute Epafroditus kar ngong wan ka pula keniye ka umapagei ke ngong kodong. E wan tonari mole wan ka karanga ke ngong. Wan ka umapagei ke ngong iye langka wan ka osep tidue elio opmu ina ine deka ina amnangan itau tito la ke Ida Tapolngon e aitno itau lokono ine.

Kolosi 1:23

E ma umevri dagar ke aitno lumu ila dagar. Lama wan gesa nak umu e umosongon elio ka umapara ke wan itau lokono. Umonogrum umapara ke wan itau lokono alo ka umoklingen omon itau. Osep tinapapra omon itau ke osep ka pula keniye ka tidong ke taklak e ngong Pol ngapolou omon itau tonari ina gute bokongon ina blang.

Kolosi 1:6

E Ida Tapolngon ila omon itau kes lila la ke omur pula ke taklak e omon tonari due osep ka aitno lisak dagar ine aitno lisak itau e urok elio isuk isuk tipolou itau. Elio ane eriar langka elio ka polou ke umu alo ka aling kene ina umoklingen omon ke Ida Tapolngon ila makaingan e umeile omur ine.

Kolosi 2:15

Iye due wan ka ano e angelo soulu ka tiplau omur omur urok arit yagos. Ke Krais ina akai Ida Tapolngon nis osep ka pula keniye iye mole wan tonari e due isak tipolou langka isak wan adai vala.

1 Tesalonaika 1:8

Ida Puda ila pelengon ka umawai ine la ke osep pula e tiklingen ine. Pelengon tonari la ke provins Masedonia e provins Akaia vala kovok. Aurou. Osep pula tiklingen basikngen ka aitno lumu la dagar ke Ida Tapolngon. E imawai ke isak ine kovok kesua tiklingen ke umu kodong.

1 Tesalonaika 3:9

Imawai tenkyu ke Ida Tapolngon kesua iye due aitno limi neser omba batne ke umu. Umodong dagar deka imakakai Ida Tapolngon angaine tito la egim ine.

1 Timoti 2:8

Deka ngawaiki ma Ida Tapolngon ila osep ka tidong ke armok ka pula keniye ma tikar aitno lisak ke Ida Tapolngon lokono. E tidong itau lokono e ma tiwai itau ke Ida Tapolngon. E ngawaiki tisongon elio ka aitno lisak nevlik e amnga ke osep.

2 Timoti 2:2

Emklingen pelengon ka ngawai ke osep pula kodong. Deka ngawaiki amwai pelengon tonari ke osep ka tikis dagar ke Ida Tapolngon ila pele-ngon ma tikaranga tiparere osep leklou ine blang.

Pelengon kukwopngon 7:12

E tiwai langane. “Lokono. Aitno lite itau lokono ke Ida Tapolngon e itakakai angaine tito la egim. Ila ilengen itau e itawai tenkyu ke iye e itodue anit ke iye. Ila arit ombatno e iye karanga due elio ka pula keniye. Wan ka pula keniye tonari Ida Tapolngon ila wan aling aling. Lokono.”