2 Korin 2:12 - Aria New Testament

¹² Oglou alo ka ngapolou ke Troas ma nganapapra Krais ila omon itau Ida Puda klok ekreng kodong ma ngadue bokongon tonari.

2 Korin 2:12 ပူးပေါင်းရင်းမြစ်များ

Aposel 14:27

Tipolou ke Antiok kodong deka tiduni pulu kap Ida Tapolngon ila osep e tipalongo urok ke bokongon ka Ida Tapolngon lua isak ine. Tiwai langane. “Ida Tapolngon due elio itau ke osep ka isak osep Yuda ina kovok deka aitno lisak la dagar ke iye blang.”

Aposel 16:11

Deka imodue sip e imo-songon Troas e imala ke aidunu Samotres e imopolou ine. Deka oklou silang imosongon aidunu Samotres imala imopolou ke armok Neapolis.

Aposel 16:8

Deka tilila lelei omur Misia e tiduru kla tipolou ke armok Troas.

Aposel 20:8

Ari imoduni pulu ke ninu gesa ka ina asang kene ina tito la ke asang orwo ina tito la ke asang eklu ina. E imoduni pulu ke ina eliang ka dong egim lokono. Eliang tonari ina lam pula mana ine. E gute auram ka angaine Yutikus dong ke limem duningen. Iye dong ke windo gesa e munu kudung ngangik lokono alo ka Pol dong tauni ke ila pelengon deka iye gene duru ke taklak. Deka osep tisongon eliang ka egim e tiduru kla tipolou ke iye e tikalke kesua iye mete.

Pas ka Pol sogoe uti la ke osep Rom ina 1:1

Ngong Pol ka Yesus Krais ila gute bokongon ina gesa ngasogo pas ane. Oglou Ida Tapolngon rere ngong ila aposel gesa. Iye rere ngong ma ngapaur ila omon itau ke osep pula.

1 Korin 16:9

Kesua Ida Tapolngon kar bokongon omba ke ngong. E iye waiki ngadue bokongon tonari ma ngalua osep pula ma tipolou osep Kristen. E silang blang osep pula aitno lisak soulu ke lou bokongon e tiwaiki tidangdang ngong ine.

1 Korin 9:12

Langka osep leklou tidue wan sasi boto ke umu deka imi blang ma imakaranga imodue wan pula ke umu. E dau wan ka imakaranga imodue ke umu imodue kovok. Imodong vala lama imodue wan ka dangdang osep leklou ma tinapapra Yesus ila omon itau kovok.

1 Korin 9:14

Deka langane. Ida Puda kar pelengon langane ke ite. “Osep ka tinapapra omon itau tikaranga tidue inarak ngangon e wan bitna bitna ke osep ka tinapapra omon ke isak.”

1 Korin 9:16

Langka nganapapra Ida Puda ila omon itau ngakaranga ngakakai angain ngong ine kovok. Aurou. Ida Puda kar bokongon ane ke ngong ma ngaboko ine. Aisudo. Langka nganapapra omon itau kovok ma ngadong soulu va.

2 Korin 10:14

Ida Tapolngon rere omur ka iye waiki imoboko ine e umodong ke omur tonari. E imi osep ka imopolou mgo ke umu e imanapapra Krais ila omon itau ke umu.

2 Korin 11:4

Ngawai langare kesua ngaile langane. Langka gute gesa me ke umu e yak umu ke basikngen silang ka la ke Yesus ma umoklingen ine e umedidie. Koke umodue ano silang ka Ano Itau kovok ma aitno lumu itau ke iye. Koke umodue omon silang ka eriar langka omon itau ka imanapapra umu ine kovok ma umoklingen ine. Ngaile osep tidue langane ke umu deka umekis dagar ine. E ngawaiki umodue langane kovok.

2 Korin 11:7

Alo ka nganapapra Ida Tapol-ngon ila omon itau ke umu io umekli ngong ine kovok. Ngapes ngong tona ma ngakaranga ngadue anit ke umu. Aitno lumu lange? Lou elio tonari elio soulu?

2 Korin 4:3

E lama osep leklou tile omur ke omon itau ka imanapapra ke isak kovok io omon tonari malak kovok ke osep ka ma isak kla ke omur hel vala.

2 Korin 4:4

Satan ka iye plau taklak ane due osep ka aitno lisak dagar ke Ida Tapolngon kovok aitno lisak aivoro ma tikaranga tivati bublongon ke Krais ila omon itau kovok. E Krais eriar langka Ida Tapolngon.

2 Korin 8:18

E imapagei limem aten kene kap iye. Sios pula tidue anit ke gute tonari kesua iye boko engil e napapra omon itau.

2 Korin 9:13

E osep pula tivati lumu bokongon itau deka tile umedidi Krais ila omon itau ka umawai ine lokono e tikakai Ida Tapolngon angaine ine. E silang blang tikakai angaine kesua umotuktuk lumu wan pula e umolua isak e osep leklou blang ine.

Kolosi 4:3

Alo ka umawai itau umepmi Ida Tapolngon ke imi blang ma iye due ekreng ma imakaranga imanapapra ila pelengon ka oglou dong kukwop ka lana ine la ke Krais. Nganapapra ila pelengon e ke batne langane ngadong ke kalabus ane.

1 Tesalonaika 3:2

E imapagei Timoti la ke umu. Timoti iye limen aten e boko kap imi ke Ida Tapolngon ila bokongon ka imanapapra omon itau ka la ke Krais ke osep. Imapagei iye uti lumu ma iye due umu umevri dagar e aitno lumu ila dagar dong dagar.