2 Korin 13:9 - Aria New Testament

⁹ Aitno limi itau alo ka limem arit dong kovok e lumu arit dong kap umu. E imawai itau ke Ida Tapolngon ma aitno lumu ila dagar dong dagar vala.

2 Korin 13:9 ပူးပေါင်းရင်းမြစ်များ

Pas ka Pol sogoe uti la ke osep Rom ina 15:2

Ite kente kente ma itolua sudo ke elio ka due aitno lisak itau ine vala. Itodue langane ma tididi elio itau e ma aitno lisak ila dagar polou dagar lokono.

1 Korin 1:10

Sipmi. Ida Puda Yesus Krais iye kene deka ngawai ke umu langane. Ngawai ma aitno lumu kene pulu ke pelengon kene. Ma aitno lumu mter ke elio kene e ma lumu pelengon kene. Ma umadardar ke elio bitna bitna sakam.

1 Korin 2:3

E alo ka ngadong kap umu lou arit kovok. Aurou. Anngong nesik e nganakarkar omba.

1 Korin 4:10

Aitno limi dagar ke Krais deka osep aitno lisak mter langka imi osep ka kaka e umodong langka osep ka umeile omur ke Krais. Limem arit kovok e lumu arit omba. Angainmi daudeng e angainmu omba.

2 Korin 11:30

Ngakakai angain ngong ke wan pula kovok. Aurou. E langka ngakakai angain ngong io ma ngakakaie kesua lou arit dong kovok.

2 Korin 13:11

Sipmi. Ngababrum lou pelengon ane. Aitno lungong itau ke umu. Ngawaiki umomosi lumu elio ka ulik ulik. Ngawaiki umoklingen e umedidi lou pelengon ka ngawai ine kodong. Ngawaiki aitno lumu kene pulu e aitno lumu epen pulu. Umodue langane e Ida Tapolngon ka iye lana iye ke osep e due aitno lisak epen pulu ma dong kap umu.

2 Korin 13:4

Lokono. Alo ka osep tinilim Krais mana ke ina akai iye didi ila arit kovok. E oku ane Ida Tapolngon ila arit due poga tito ke ina denga. E imeneklep ke Krais e imi kenmi kenmi limem arit kovok. E dau alo ka imodong kap umu ma umeile omur Ida Tapolngon ila arit dong kap imi.

2 Korin 4:12

Aling aling metengen dong olwo boto ke imi ma umodue mosongon ka dong vala dong.

2 Korin 7:1

Lou saten. Imodue Ida Tapol-ngon ila promis kodong. Deka ma itopul dogur ke elio soulu bitna bitna ka tidue pampamu lite e ante amum. Ma itodue anit ke Ida Tapolngon e itodue elio itau ka aitno itau ine.

Kolosi 1:28

E imanapapra Krais ila omon itau ke osep keniye. E imedidi ilengen ka itau e imeile omur imawai osuk ke isak e imaparere isak kesua imawaiki ma tineklep ke Krais e tipolou osep ngongle ke aitno lisak ila dagar.

Kolosi 4:12

Gute Epafras ka iye lumu aten gesa e iye Krais Yesus ila gute bokongon ina wai “oklou itau” ke umu blang. Aling aling iye wai itau pula lokono ma Ida Tapolngon due umu ma umodong dagar langka osep ngongle ka umeile omur ke aitno lumu ila dagar. Iye wai itau ma umedidi Ida Tapolngon aitno ke wan ka pula keniye ka iye waiki umodue.

1 Tesalonaika 3:10

Aling aling ke oklou e epmes imepmi Ida Tapolngon ma imakaranga imavati umu blang. Imawaiki imavati umu ma imakaranga imapalongo lumu ke pelengon bitna bitna ka dau umeile omur ine kovok.

2 Timoti 3:17

Deka pelengon tonari lua ite ka Ida Tapolngon titno ite ma itevri dagar ke bokongon itau. Ma itakaranga itodue ila bokongon bitna bitna itau.

Hibru 12:23

E umopolou ke duningen ka ila osep aitno lisak neser ine. Osep tonari tidong langka Ida Tapolngon ina sirngen sirngen e angainsak dong ke Ida Tapolngon ila buk ka dong ke omur heven. E umopolou ke Ida Tapolngon ka wade osep ka pula keniye urok elio isuk isuk. E umopolou ke osep ka Ida Tapolngon due isak tipolou itau e osuk ke iye bitna kodong ansak.

Hibru 13:21

Ngawaiki Ida Tapolngon kere umu ke wan keniye ka itau ma umakaranga umedidi aitno ke wan ka iye waiki umodue. Ngawaiki Yesus Krais due umu ma umodue elio isuk isuk ka Ida Tapolngon aitno itau ine. E ma itakakai Krais angaine tito la egim dong vala dong. Lokono.

Hibru 6:1

Deka langane. Ma imawai ke umu ke Ida Tapolngon ila pelengon ka dagar vala. Ma imawai ke umu ke pelengon mgo ka la ke Krais kovok. E ma imawai ke umu ke elio ka langane blang kovok. Elio ka umabauluk aitno lumu ke elio bitna bitna ka tikaranga tilua umu kovok e elio ka aitno lumu la dagar ke Ida Tapolngon. Langka imawai ke umu blang ke elio tonari ane langka gute sin kadangdanga aling pula e dau uri ninu ine kovok.

1 Pita 5:10

Ida Tapolngon iye makaingan batne e iye gi umu ke Krais angaine ma umodong kap iye ke ila bublongon ka dong vala dong. Lama oku ane umanamani agegeng mase ma agegeng yagos e Ida Tapolngon ma due umu umodong itau blang. E iye due aitno lumu ila dagar dong dagar lokono e due umu ma umevri dagar.