2 Korin 13:5 - Aria New Testament

⁵ Umawade umu itau ke aitno lumu ila dagar. Langka aitno lumu ila dagar dau dong dagar koke aurou. Umeneklep ke Yesus Krais kodong deka iye dong ke aitno lumu. Langka iye dong ke aitno lumu kovok umu ila osep kovok.

2 Korin 13:5 ပူးပေါင်းရင်းမြစ်များ

Jon 14:23

E Yesus koli wai ke iye langane. “Langka gute lana iye ke ngong ma iye ini lou pelengon e ma Livou lana iye ke gute tonari e ma imorwo imeme ke iye e ma imodong kap iye.

Jon 15:4

Deka umodong kap ngong e ma ngadong kap umu. Langka galou wain tetna dong dagar ke palma ma iye karanga usu otna. E langka galou wain tetna dong dagar ke palma kovok iye karanga usu otna kovok. E eriar langane ke umu blang. Langka umodong dagar ke ngong kovok umakaranga umodue elio itau kovok.”

Jon 17:23

Ngadong kap isak e omdong kap ngong. Ma aitno lisak polou kene pulu lokono ma osep taklak ina tile ampagei ngong ngame e wom lana wom ke isak eriar langka wom lana wom ke ngong.”

Jon 17:26

Ngapalongo urok ke wom kodong e ma ngapalongo urok ke wom blang ma elio ka wom lana wom ke ngong dong ke isak e ngadong kap isak blang.”

Jon 6:56

Gute sei ka ngen pampamu lungong e inim ngau marau ngadong kap iye e iye dong kap ngong.

Jon 6:6

Iye wai langane ma iye tok Filip e ile ila kolingen vala kesua iye ile kodong elio ka iye ma due.

Pas ka Pol sogoe uti la ke osep Rom ina 1:28

­E silang blang langane. Aitno lisak mter langka amtarsak uli Ida Tapolngon ma tidong itau lokono. Deka Ida Tapolngon pul dogur ke isak ma aitno lisak tipolou soulu lokono ma tidue elio bitna bitna ka Ida Tapolngon waiki osep tidue kovok.

Pas ka Pol sogoe uti la ke osep Rom ina 8:10

Umu ka Krais dong ke aitno lumu umopolou itau e osuk ke Ida Tapolngon bitna kodong. Lama pampamu lumu mete batne ke elio epmes ina ka dong ke isak ma anmu tidong itau lokono vala.

1 Korin 11:28

Umu kenmu kenmu umawade lumu elio mgo deka ma umangen bret e umeinim aki wain.

1 Korin 11:31

E langka itawade itau ke ite kente kente udo elio e itangen e iteinim ma Ida Tapolngon mulu ite ine kovok.

1 Korin 3:16

Umeile umu Ida Tapolngon ila ninu e Ano Itau dong ke aitno lumu kovok? Aurou. Umeile ine.

1 Korin 6:15

Lange? Umeile langane ko-vok? Pampamu lumu kene kene Krais pampamu ine ongwa ine. E langka ngadue Krais pampamu ine ongwa ine e ngadue neklep ke apmang ekreng palma ina elio langane itau? Aurou lokono.

1 Korin 6:19

Lange? Umeile langane kovok? Pampamu lumu Ida Tapolngon Ano Itau ila ninu. Ida Tapolngon kar Ano Itau ke umu e iye dong ke aitno lumu. E pampamu lumu umu tona lumu wan kovok.

1 Korin 6:2

Lange? Umeile langane kovok? Ida Tapolngon ila osep ma tiwade osep ka tidong ke taklak ane urok elio. E langka umodue langane ina lange umakaranga umawade elio isuk isuk ka polou airavu ke umu tona kovok?

1 Korin 9:24

Umeile langane. Osep ka tidue resis isak keniye tisuong dagar e dau gute kene vala due prais. E umu blang umosuong dagar ma umodue prais.

1 Korin 9:27

E langane. Nganana engil ma ngakaranga ngaplau pampamu lungong itau. Lama nganapapra omon itau ke osep pula e mase ngong tona ngakaranga ngadue prais kovok.

2 Korin 6:16

Koke Ida Tapolngon ila ninu e sapingen tikaranga tidong pulu? Kesua ite keniye langka Ida Tapolngon ila ninu. Ila pelengon wai langane. “Ma ngadong kap isak e ngalila kap isak. E ma ngadong Inarak Tapolngon e ma tidong lou osep.”

Galesia 2:20

E ke elio ka eknikane ngadong itau kap Ida Tapolngon ngamana kap Ida Puda Yesus Krais ke ina akai kodong e ngamete kap iye. Deka ngadue mosongon oku. E mosongon tonari lou mosongon kovok. Aurou. Krais dong ke aitno lungong deka lou elio isuk isuk e lou bokongon ka ngadue ke taklak ngadue ke aitno lungong ila dagar vala. Aitno lungong dagar ke Ida Tapolngon Otno Arang e aitno itau lokono ke ngong e iye soro pampamu ine ma lua ngong.

Galesia 4:19

Dirgu. Eknikane blang nganamani omba lokono langka apmang ka namani mimi ngen iye. Umu Ida Tapolngon titno kodong e dau ngawaiki umopolou eriar langka Krais.

Galesia 6:4

Osep ka pula keniye ma isak kensak kensak tiwade urok bokongon langka bokongon itau koke soulu. Gute ka due langane ma aitno itau ke iye tona ila elio e iye ma wade ila elio kap osep leklou urok elio kovok.

Efesus 3:17

Ngapmi Ida Tapolngon ma Krais dong vala dong ke aitno lumu. Ngapmi Ida Tapolngon ma aitno lumu ila dagar dong dagar ke iye. Ngapmi Ida Tapolngon ma iye lua umu ma umeile omur iye lana iye omba ke umu. Deka umu langka akai ka vri ke taklak e gigitno kis dagar ke taklak.

Kolosi 1:23

E ma umevri dagar ke aitno lumu ila dagar. Lama wan gesa nak umu e umosongon elio ka umapara ke wan itau lokono. Umonogrum umapara ke wan itau lokono alo ka umoklingen omon itau. Osep tinapapra omon itau ke osep ka pula keniye ka tidong ke taklak e ngong Pol ngapolou omon itau tonari ina gute bokongon ina blang.

Kolosi 1:27

Ida Tapolngon didi aitno e nis ila osep ke pelengon ka oglou dong kukwop ma tile omur ine. Pelengon tonari itau lokono e karanga lua osep ka pula keniye. Pelengon ka kukwop langane. Krais dong kap umu e ma umapara ke iye ma iye me kum umu e umala umodong kap iye ma umodue wan ka pula keniye ka omur heven ina.

Kolosi 2:19

Osep ka langare tisongon elio ka tikis dagar ke Krais ka iye mgo ke ila osep ka pula keniye. Krais langka otuk lite e ite pampamu ine. Krais kar ngangon ke ite e ila arit due ite itodong kene pulu ma itopolou dagar langka Ida Tapolngon waiki itopolou dagar. Itopolou dagar langka pampamu lite ina papalma bitna bitna due pampamu lite dong dagar.

Kolosi 2:7

Ngawaiki umevri dagar ke iye langka akai ka gigitno tiduru ke taklak aitno e vri dagar ine. E silang blang langka kadanga dong ke taklak e due ninu vri dagar ngawaiki aitno lumu ila dagar due umu umopolou dagar lokono. Eriar langka oglou osep tiparere umu deka eknikane umedidi pelengon tonari e umawai tenkyu ke Ida Tapolngon ke wan ka pula keniye ka iye due ke umu.

1 Timoti 2:15

E langane. Langka apmang aitno lisak dagar ke Krais aling aling e tikar aitno lisak ke iye ma tidong itau. E tididi elio itau langka isak lana isak ke osep leklou e tiplau isak itau. Deka ma Ida Tapolngon lua isak alo ka tidivir mimi.

2 Timoti 3:8

Osep tonari tiwaiki tidangdang pelengon lokono eriar langka oglou gute Janes e gute Jambres tiwaiki tidangdang Moses ila pelengon. Osep tonari kaka lokono e tiyakyak alo ka tiwai aitno lisak la dagar ke Ida Tapolngon.

Taitus 1:13

Gute tonari ila pelengon lokono. Deka ngawaiki amwai dagar ke isak e ommosi urok elio ma aitno lisak dagar ke Ida Tapolngon vala.

Taitus 1:16

Tiwai langane. “Imeile Ida Tapolngon.” E dau urok elio ka tidue iye nisngen langane. Tipul dogur ke Ida Tapolngon kodong. Tididi Ida Tapolngon ila pelengon kovok e tikaranga tididi elio itau gesa kovok. Deka Ida Tapolngon aitno engil lokono ke isak.

Taitus 2:2

Amparere osep arang ka namormor ma tinim aki dagar ma amtarsak balilu kovok. Ma tile isak itau e tididi elio itau vala. E tivri dagar ke aitno lisak ila dagar e ke elio ka isak lana isak ke osep ka pula keniye. E langka wan gesa polou ka opru isak ma tivri dagar ine.

Hibru 12:15

Umeile umu itau lama umopul dogur ke Ida Tapolngon ila makaingan. E umeile umu itau lama gute gesa airavu ke umu polou langka wan ka meli e ila elio due elio soulu polou ke osep leklou e elio tonari due asmel ke osep pula.

Hibru 4:1

E oku ane Ida Tapolngon ila promis dau dong e wai ma itesep ke omur ka itomtong ine. Deka umeile umu itau lama gute gesa dong airavu ke umu ka karanga sep ke omur ka Ida Tapolngon wai dagar ine kovok.

Hibru 6:8

E langka galou marak e aswei tipolou ke taklak osep tivati taklak are langka taklak ka sasi vala. Deka isuk boto ma Ida Tapolngon wai ina soulu ina duru ine e ma eiou ngene.

Jems 4:4

Umopul dogur ke Ida Tapolngon langka apmang ka songon ila boget e la due okwa. E osep ka tididi elio ka taklak ina tipul dogur ke Ida Tapolngon. Deka gute ka waiki didi elio ka taklak ina iye polou Ida Tapolngon ina oul.

1 Pita 5:9

Umevri dagar ke aitno lumu ila dagar e umopul Satan ila tokngon. Kesua umeile omur supmu ke omur ka pula keniye tinamani agegeng eriar langka umanamani agegeng.

Pelengon kukwopngon 2:5

Ke oglou umodue elio itau e eknikane umosongon lumu elio tonari e umegene kodong. Deka omtomu sisir ke elio ka oglou umodue. E umabauluk aitno lumu ke lumu elio epmes ina e umodue elio itau blang langka oglou umodue. Langka umodue langane kovok ma ngame ke umu e ngapi lumu wan ka lam dong ine ke umu.