2 Korin 13:11 - Aria New Testament

¹¹ Sipmi. Ngababrum lou pelengon ane. Aitno lungong itau ke umu. Ngawaiki umomosi lumu elio ka ulik ulik. Ngawaiki umoklingen e umedidi lou pelengon ka ngawai ine kodong. Ngawaiki aitno lumu kene pulu e aitno lumu epen pulu. Umodue langane e Ida Tapolngon ka iye lana iye ke osep e due aitno lisak epen pulu ma dong kap umu.

2 Korin 13:11 ပူးပေါင်းရင်းမြစ်များ

Matyu 1:23

Iye wai langane. “Apmang ka due elio kap gute arang kovok ma polou somugu e divir mimi arang. Iye divir iye deka osep ma tisir angaine Emanuel.” Emanuel lana ine langane. Ida Tapolngon dong kap ite.

Matyu 5:48

E umodue elio ka itau vala kesua Pmomu ka dong ke omur heven due elio ka itau vala.”

Mak 10:49

Gute tonari due elio langane deka Yesus lila kovok e vri e wai langane. “Umegi gute tonari ma me polou ke ngong.” Deka osep tigi ke gute ka bitna evin e tiwai ke iye langane. “Oka aitno lugom itau e emtito. Yesus gi wom ma amla ompolou ke iye.”

Mak 9:50

“Sol wan ka itau. E langka sol emlel ma umakaranga umodue ma polou galo blang kovok. Deka langane. Eriar langka sol ka galo lua itosep deka umodue elio itau ka tilua umu. E aitno lumu tidong epen pulu.”

Luk 9:61

E gute silang wai ke iye langane. “Puda ma ngadidi wom e dau mgo omsongon ngong ma ngala ngavati lou osua.”

Jon 17:23

Ngadong kap isak e omdong kap ngong. Ma aitno lisak polou kene pulu lokono ma osep taklak ina tile ampagei ngong ngame e wom lana wom ke isak eriar langka wom lana wom ke ngong.”

Aposel 15:29

Ma umangen ngangon ka kakai sapi-ngen gesa angaine e ke elio langane umopolou soulu ke Ida Tapolngon bitna sakam. Ma umangen marau e ongwa ka osep tiger agune e ka ina marau dau dong ine sakam. Ma umodue elio okwa e elio isungon sakam. Langka umadar pelengon ane kovok ma umodong itau. Limem pelengon ane yagos.”

Aposel 18:21

Mase iye songon isak e wai ke isak langane. “Langka Ida Tapolngon waiki ngabauluk ke umu blang ma ngabauluk ke umu. E langka aurou ma ngabauluk kovok.” Deka iye sep ke sip e sip songon Efesus la.

Aposel 23:30

Mase gute gesa me palongo lou langane. “Osep Yuda ina tilalo pelengon ma tidue burwa ine.” Ngaklingen ine deka lokono ngapagei iye polou ke wom. Silang blang ngakar osep ka tisin elio vri ke iye pelengon ma tipolou ke emtem ma emklingen urok pelengon.

Pas ka Pol sogoe uti la ke osep Rom ina 12:16

Ma aitno lumu kene pulu. E ma aitno lumu vri ke umu vala kovok. Umepli osep ka angainsak omba kovok sakam. E aitno lumu itau ke isak vala. Ma umakakai umu tona angainmu kovok lama aitno lumu mter umu osep ka umeile omur ine.

Pas ka Pol sogoe uti la ke osep Rom ina 12:18

Aitno lumu epen pulu. Langka aitno lumu langane ma umodong itau pulu.

Pas ka Pol sogoe uti la ke osep Rom ina 14:19

Ma itedidi elio bitna bitna ka due aitno lite epen pulu e elio isuk isuk ka ma due aitno lite ila dagar polou dagar lokono.

Pas ka Pol sogoe uti la ke osep Rom ina 15:13

Ida Tapolngon wai dagar ma iye kar wan ka pula keniye ka itau ke ite deka itapara ine. Aitno lumu dagar ke iye ma iye due aitno lumu itau lokono e due aitno lumu dong epen e ma aitno lumu neser omba lokono. E ke Ida Tapolngon Ano Itau ila arit elio ka umapara ke Ida Tapolngon ma iye kar wan itau ke umu ma polou omba ke umu.

Pas ka Pol sogoe uti la ke osep Rom ina 15:33

Ngapmi Ida Tapolngon ma iye due aitno lite tidong epen pulu. E iye dong kap umu ka pula keniye. Lokono.

Pas ka Pol sogoe uti la ke osep Rom ina 16:20

Deka Ida Tapolngon ka due aitno lite tidong epen ma paiavu Satan ma ila arit yagos. Ma iye karanga due elio soulu ke umu kovok. Ma umomole iye vala. E ngawai ke Ida Tapolngon ma Ida Puda Yesus Krais ila makaingan dong ke umu.

1 Korin 1:10

Sipmi. Ida Puda Yesus Krais iye kene deka ngawai ke umu langane. Ngawai ma aitno lumu kene pulu ke pelengon kene. Ma aitno lumu mter ke elio kene e ma lumu pelengon kene. Ma umadardar ke elio bitna bitna sakam.

2 Korin 1:4

Iye lua imi ke elio ka polou ka opru imi ma imakaranga imolua osep leklou ke elio ka polou ka opru isak. Imolua isak ke elio ka Ida Tapolngon lua imi ine.

2 Korin 13:9

Aitno limi itau alo ka limem arit dong kovok e lumu arit dong kap umu. E imawai itau ke Ida Tapolngon ma aitno lumu ila dagar dong dagar vala.

Efesus 4:12

Krais rere osep tonari ma tiboko langane. Iye waiki urok bokongon lua Yesus ila osep keniye ma isak kensak kensak tiboko itau ke Ida Tapolngon ila bokongon. Ma urok bokongon due Yesus ila osep keniye ka isak Krais pampamu ine tipolou dagar ke Ida Tapolngon ila elio itau.

Efesus 4:3

Ida Tapolngon tuk Ano Itau me dong ke aitno lumu e due aitno lumu kene pulu. Deka umoboko dagar ke elio ka aitno lumu kene pulu. Kesua elio ka Ano Itau due aitno lumu epen pulu eriar langka akai ka apmang tigrume e tidue galou e tigilgile batne kene.

Efesus 6:23

Sipmi. Aitno lungong lang-ane. Ngawaiki Ida Tapolngon ka Pmada e Ida Puda Yesus Krais tidue aitno lumu epen pulu. Ngawaiki tidue aitno lumu ila dagar dong dagar e ma umu lana umu pulu.

Filipai 1:27

Wan ka omba langane. Ngawaiki lumu mosongon didi pelengon ka Krais ila omon itau wai ine. Ngawaiki langka ngauti ke umu koke ngauti kovok ma ngaklingen pelengon langane. Umevri dagar e aitno lumu kene pulu e lana lumu kene vala. E umoboko dagar pulu ma umosruk osep ma aitno lisak la dagar ke omon itau.

Filipai 3:16

E ma aling aling itodong itodue elio itau ka itekise kodong.

Filipai 4:2

Ngawai dagar ke apmang orwo Yuodia e Sintike langane. Oglou aitno lumu kene pulu kovok e eknikane ngawaiki aitno lumu kene pulu kesua umorwo umeneklep ke Ida Puda.

Filipai 4:4

Aling aling aitno lumu neser kesua umeneklep ke Ida Puda. E ngawai lumu blang langane. Aitno lumu neser ke Ida Puda.

Filipai 4:9

Ngaparere umu ke pelengon pula e umekis dagar ine kodong. Deka ngawaiki umedidi pelengon ka oglou umoklingen ine ke ngong e ka umavati ngong ngadue. Umodue langane deka Ida Tapolngon ka due aitno lite epen ma dong kap umu.

1 Tesalonaika 3:10

Aling aling ke oklou e epmes imepmi Ida Tapolngon ma imakaranga imavati umu blang. Imawaiki imavati umu ma imakaranga imapalongo lumu ke pelengon bitna bitna ka dau umeile omur ine kovok.

1 Tesalonaika 4:1

Sipmi. Ma imababrum limem pelengon ane. Oglou imaparere umu ke elio isuk isuk ka umodue ma Ida Tapolngon aitno itau ine. E umedidi elio tonari kodong. E eknikane imawai dagar ke umu ke Ida Puda Yesus angaine ma aling aling umodue elio langane lokono.

1 Tesalonaika 4:18

Deka ngawai langane. Sipmi. Umawai pulu ke pelengon ane ma due aitno lumu dong dagar ine e aitno lumu kro kovok.

1 Tesalonaika 5:13

Umodue anit ke isak e umu lana umu ke isak. Kesua urok bokongon lua umu pula. E aitno lumu dong epen pulu.

1 Tesalonaika 5:16

Aling aling aitno lumu neser.

1 Tesalonaika 5:23

Ngawaiki Ida Tapolngon ka due aitno lite epen due umu umopolou itau lokono. E ngawaiki iye kere anmu e aitno lumu e pampamu lumu ma umodong itau lokono. E ma elio soulu gesa vri ke umu kovok alo ka Ida Puda Yesus Krais bauluk me.

2 Tesalonaika 2:16

Ida Puda Yesus Krais iye tona kap Ida Tapolngon ka Pmada isak lana isak ke ite e timakai ite. E tisruk aitno lite ma itodong dagar e itodong itapara ke alo ka Ida Tapolngon ma due ite itodong itau kap iye.

2 Tesalonaika 3:1

Sipmi. Ngababrum lou pele-ngon langane. Ngawaiki umawai itau ke Ida Tapolngon ma iye lua imi. Ma Ida Puda ila omon itau kes lila suong ke omur omur. E osep aitno lisak la dagar ine eriar langka aitno lumu la dagar ine.

2 Tesalonaika 3:16

Ngawaiki Ida Puda ka due aitno lite epen ma aling aling iye tona due aitno lumu dong epen ke wan bitna bitna keniye. Ngawaiki Ida Puda dong kap umu ka pula keniye.

2 Timoti 2:22

Osep auram aitno leklou urok elio bitna bitna soulu. E ngawaiki ompul dogur ke elio soulu tonari. E emdidi Ida Puda ila elio ka langane vala. Aitno lugom dong dagar ke Ida Puda e wom lana wom ke osep e omgosok isak aitno lumu epen pulu. Omdue langane kap Ida Puda ila osep ka aitno lisak itau lokono e tiwai itau ke Ida Puda.

Hibru 12:14

Umu arit umu ma aitno lumu epen kap osep ka pula keniye e umodue elio isuk isuk ka Ida Tapolngon aitno itau ine. E langka osep tidue elio isuk isuk ka Ida Tapolngon aitno itau ine kovok deka tikaranga tivati Ida Puda kovok.

Hibru 13:20

Ida Puda Yesus plau ite itau langka gute ka plau sipsip plau isak itau. Yesus ina marau due Ida Tapolngon ila kontrak oku ina ka dong vala dong polou lokono. E Ida Tapolngon ka due aitno lite dong epen due Yesus poga tito ke ina denga.

Jems 1:4

E alo ka umodong dagar ke tokngon ma umopolou ngongle ke aitno lumu ila dagar. Deka umakaranga umodong itau ke elio ka pula keniye ka polou ke umu. E ma lumu wan bitna bitna ka karanga ke umu dong ke umu.

1 Pita 3:11

Ma iye pul dogur ke elio soulu e due elio itau vala. Iye arit iye e boko engil ma aitno epen kap osep leklou.

1 Pita 3:8

Ngababrum lou pelengon langane. Ngawaiki aitno lumu kene pulu e aitno lumu itau ke osep leklou e umu lana umu ke supmu leklou. E umodue mada ke osep leklou e umepes umu tona.

1 Pita 5:10

Ida Tapolngon iye makaingan batne e iye gi umu ke Krais angaine ma umodong kap iye ke ila bublongon ka dong vala dong. Lama oku ane umanamani agegeng mase ma agegeng yagos e Ida Tapolngon ma due umu umodong itau blang. E iye due aitno lumu ila dagar dong dagar lokono e due umu ma umevri dagar.

Pelengon kukwopngon 22:21

Deka ngawai ke umu lang-ane. Ida Puda Yesus ila makaingan dong kap Ida Tapolngon ila osep keniye. Lokono.