2 Korin 12:7 - Aria New Testament

⁷ Ida Tapolngon nis ngong ke wan ka itau lokono deka lama aitno lungong mter langka ngong gute ka itau lokono Ida Tapolngon songon Satan ma iye due wan soulu polou ke pampamu lungong. E wan soulu tonari polou ke ngong ma lua ngong lama ngakakai angain ngong ke elio itau lokono ka polou ke ngong.

2 Korin 12:7 ပူးပေါင်းရင်းမြစ်များ

Matyu 26:67

E tiuri omsok ke bitna e timluk tarna e isak leklou limsak timluk bitna.

Matyu 4:10

Deka Yesus koli wai langane. “Satan amla. Kesua gute sogo Ida Tapolngon ila pelengon palma langane. ‘Omlotuim Ngap Puda ka Ngap Tapolngon e due ila bokongon vala.’”

Luk 13:16

E apmang ane iye Abraham ila napakngan gesa ka Satan pou iye ke tobor songotno lumeklu kodong. Aitno lumu lange? Ngakaranga ngakles apmang ane ina paiangan ke oklou sabat koke aurou?”

1 Korin 4:11

Ke oglou me iding ke eknikane imodong langka sapanga due imi e kre limi kakrak lokono. E imetnei klos ka itau kovok. Osep timluk imi e limem ninu gesa dong ka imodong ine kovok.

1 Korin 5:5

Deka umapaur gute tonari ma iye dong ke Satan limla ma Satan due agegeng ke pampamu ine. Umodue langane e alo ka Ida Puda ma polou lokono gute tonari ano ma dong itau kap iye.

2 Korin 10:10

Osep leklou tiwai langane. “Pol sogo pelengon ka dagar ke ila pas keniye e alo ka iye polou ke amtada itavati iye langka ila arit kovok e elio ka iye wai ke osep are wan adai vala.”

2 Korin 10:5

Imomole pelengon bitna bitna ka para pulu ke Ida Tapolngon ila pelengon e pelengon ka waiki pagolgol osep aitno lisak ma tile Ida Tapolngon kovok. Limem pelengon mole osep ka aitno lisak mter pelengon ka para pulu ke Ida Tapolngon ila pelengon deka ma tini Krais.

2 Korin 11:20

E ngaile osep leklou tiwaiki tipagei umu e tiplau umu koke tiwaiki tipi lumu wan bitna bitna deka umosongon isak ma tidue langane. Koke tiwaiki tiyak umu ma umedidi isak koke aitno lisak langka isak itau e timole umu koke tiwaiki tiuri limsak ke banga lumu deka umosongon isak tidue langane.

2 Korin 12:1

Alo ka osep tikakai angainsak ke urok elio ane lua osep kovok. E dau ma ngakakai angain ngong sasi boto blang. Ngawai ke wan ka Ida Puda nis ngong ine alo ka ngamunu anngong e wan ka iye wai ke ngong ine ka osep leklou tile ine kovok.

Galesia 4:13

E umeile langane. Dangon due ngong alo ka ngame nganapapra omon itau ke umu aling mgongon ina.

1 Timoti 3:6

Gute ka Kristen oku iye karanga polou sios ina plaungan kovok. Lama aitno mter langka iye gute ka itau lokono e tala kovok. Langka Satan ka tala klingen kovok. Deka ma Ida Tapolngon mulu iye langka iye mulu Satan.