2 Korin 12:21 - Aria New Testament

²¹ Oglou umodue elio epmes ina langane. Umodue elio soulu kap apmang e umodue okwa e umodue elio soulu ke osep amtarsak. E eknikane aitno lungong kro lama ngapolou ke umu e umu dau umabauluk aitno lumu ke lumu elio soulu kovok. E Ida Tapolngon due ngong mnak ngong ke omtomu e ngakngis omba ke umu pula.

2 Korin 12:21 ပူးပေါင်းရင်းမြစ်များ

Pas ka Pol sogoe uti la ke osep Rom ina 13:13

Ma itodue elio itau vala eriar langka osep tidue ke osep ka pula amtarsak langka ke oklou. Ma itekepis kovok. E ma iteinim aki dagar ma amtada balilu kovok. Ma itodue okwa kovok e ma itodue wan ulik ulik kovok. Ma itodue amnga kovok e ma aitno lite soulu ke gute silang kovok.

Pas ka Pol sogoe uti la ke osep Rom ina 9:2

Ngawai lokono e aitno lungong kro lokono e aitno lungong soulu lokono ke lou osua osep Israel ina.

1 Korin 5:1

Ngaklingen pelengon langka elio soulu kene polou airavu ke umu. Elio ane soulu lokono e osep ka isak osep Yuda ina kovok tidue langane kovok kesua urok pelengon dagar dangdang isak ine. Elio tonari langane. Gute kene due elio soulu kap apmang ka timla esna.

2 Korin 10:6

E imapara ke alo ka umeini limem pelengon keniye. E langka umeini limem pelengon keniye deka ma imoules osep ka tiklingen limem pelengon kovok.

2 Korin 12:7

Ida Tapolngon nis ngong ke wan ka itau lokono deka lama aitno lungong mter langka ngong gute ka itau lokono Ida Tapolngon songon Satan ma iye due wan soulu polou ke pampamu lungong. E wan soulu tonari polou ke ngong ma lua ngong lama ngakakai angain ngong ke elio itau lokono ka polou ke ngong.

2 Korin 13:2

Alo ka ngadong kap umu aling orwo ina ngawai dagar kodong ke osep ka oglou tidue elio epmes ina e ke osep leklou blang ma tidue langare kovok. Eknikane ngadong mawa ke umu e ngawai ke umu blang langane. Alo ka ngapolou aling silang blang ngasongon umu ma umodue elio epmes ina kovok.

2 Korin 8:24

Deka ngawaiki umenis sios pula ke elio ka umu lana umu ke Taitus e ke osep ka tidong kap iye. E ngawaiki osep Kristen tile imapakaru umu ke lumu elio itau adai kovok.

Galesia 5:19

Umeile kodong ke elio ka aitno lumu oglou ina. Elio tonari langane. Okwa e isungon e elio ka soulu lokono.

Kolosi 3:5

Umemete kap Krais kodong deka umopul dogur ke elio bitna bitna ka taklak ina ka soulu. Elio bitna bitna langka elio ka osep tikepis pulu e elio isungon ina e elio ka aling aling osep tiwaiki tidue elio epmes ina bitna bitna e elio ka osep tingale osep leklou urok wan. Elio ngalengen ina iye langka osep tilotuim sapingen.

Hibru 13:4

Pelengon silang blang lang-ane. Gingen elio itau e osep ka tigi ma tidue anit pulu. Ma gute due elio kap apmang silang koke apmang due elio kap gute arang silang kovok. Kesua Ida Tapolngon ma wade osep ka tidue okwa e osep ka tiusu pulu.

2 Pita 2:18

Tiwai omba e tiwai ulik ulik ma tikaranga tinak osep leklou ma tididi pampamu lisak e tidue elio soulu ka nak osep ka oku ane vala tikos ke osep ka tididi aitno lisak vala.

Pas ka Jut sogoe 1:23

E osep leklou tidong langka isuk boto eiou ngen isak. Deka umolua isak suong langka umepi isak ke eiou. E aitno lumu due osep leklou e dau umoulou tarna lumu ke urok elio soulu. Aitno lumu engil ke urok elio soulu ka langka klos ka amum e amna sasi lokono.

Pas ka Jut sogoe 1:7

E silang blang ngawai ke osep ke armok Sodom e armok Gomora kap osep ke armok armok ka lelei armok orwo tonari. Tidue okwa e tidue elio soulu bitna bitna leklou blang ka soulu lokono. Osep tonari tinis ite ke osep ka Ida Tapolngon wade isak ke eiou ka dong vala dong.

Pelengon kukwopngon 21:8

“E osep ka tilim ke wan bitna bitna koke osep ka tisongon aitno lisak ila dagar isak blang kla ke eiou ombatno. E osep ka tidue elio epmes ina bitna bitna ka soulo lokono e osep ka tipagam osep isak blang kla ke eiou ombatno. E osep ka tidue elio isungon e osep muso ina isak blang kla ke eiou ombatno. E osep ka tilotuim sapingen e osep yakngan ina isak blang kla ke eiou ombatno. Eiou ombatno tonari engil lokono e opmu salfa ka eiou ngene dong ine blang. Eiou tonari metengen orwo ina.”

Pelengon kukwopngon 22:15

E osep ka tidue elio isuk isuk ka soulu lokono e osep muso ina e osep ka tidue elio isungon e osep ka tipagam osep e osep ka tilotuim sapingen e osep yakngan ina ka tidue langane aling aling tidong dogur ke armok tonari e tikaranga tisepe kovok.

Pelengon kukwopngon 22:20

Gute ka palongo ke elio bitna bitna ka polou wai langane. “Ngawai lokono langane. Isuk boto ma ngame.” E ngong Jon ngawai langane. “Lokono. Ida Puda Yesus omo.”