2 Korin 12:2 - Aria New Testament

² Oglou ke tobor songotno apanal la kodong Ida Tapolngon due gute Kristen kene tito ke omur heven ka Ida Tapolngon dong ine. E ngaile kovok langka gute tonari pampamu ine la kap ano ke omur heven koke ano vala la ke omur heven. Ida Tapolngon vala ile ine.

2 Korin 12:2 ပူးပေါင်းရင်းမြစ်များ

Luk 24:51

Alo ka iye dau wai langane ke isak iye songon isak e tito la ke omur heven.

Jon 6:56

Gute sei ka ngen pampamu lungong e inim ngau marau ngadong kap iye e iye dong kap ngong.

Aposel 14:6

Pol orwo Barnabas tile omur ke osep tonari aitno lisak deka tiulou kla ke omur Likonia. Deka tidong ke Listra e Derbe e ke omur ka lelei armok orwo tonari.

Aposel 22:17

“Mase alo ka ngabauluk ke Jerusalem ngala ke Ida Tapolngon ila ninu e ngawai itau ke iye deka ari ngavati ano gesa.

Pas ka Pol sogoe uti la ke osep Rom ina 16:10

Umawai “oklou itau” ke gute Apeles. Iye didi Krais itau lokono. E umawai “oklou itau” ke gute Aristobulus gosok ila osua blang.

Pas ka Pol sogoe uti la ke osep Rom ina 16:3

Umawai “oklou itau” ke gute Akwila orwo esna Prisila. Isak orwo tiboko kap ngong ke Krais Yesus ila bokongon.

Pas ka Pol sogoe uti la ke osep Rom ina 16:7

Umawai “oklou itau” ke gute Andronikus orwo gute Junias. Isak lou osua e oglou tidong ke kalabus kap ngong. Isak orwo osep aposel blang e osep pula tile ke isak. E aitno lisak la dagar ke Krais mgo ke ngong.

Pas ka Pol sogoe uti la ke osep Rom ina 16:9

Umawai “oklou itau” ke gute Urbanus. Iye lou aten lokono ke Krais ila bokongon. E umawai “oklou itau” ke gute Stakis blang. E ngong lana ngong ke iye blang.

Pas ka Pol sogoe uti la ke osep Rom ina 8:1

E eknikane Ida Tapolngon aitno engil ke itosep ka iteneklep ke Krais Yesus kodong kovok. Aurou. Aitno epen ke ite vala e ma iye mulu ite kovok.

1 Korin 1:30

E Ida Tapolngon due umu umeneklep ke Krais Yesus. E Krais tona udo ilengen ka itau batne. Krais due ite itopolou itau e osuk ke Ida Tapolngon bitna. Iye due ite itopolou Ida Tapolngon ila osep ka itau lokono. Deka udo elio epmes ina munu pes ite kovok.

2 Korin 11:11

Aitno lumu lange? Ngapang mani ke umu kovok kesua ngong lana ngong ke umu kovok? Aurou. Ida Tapolngon ile ngong lana ngong ke umu.

2 Korin 13:5

Umawade umu itau ke aitno lumu ila dagar. Langka aitno lumu ila dagar dau dong dagar koke aurou. Umeneklep ke Yesus Krais kodong deka iye dong ke aitno lumu. Langka iye dong ke aitno lumu kovok umu ila osep kovok.

2 Korin 5:17

Langka gute gesa nepir ke Krais iye polou gute oku ina. Ila mosongon oglou ina yagos la e ila mosongon oku ina polou kodong.

2 Korin 5:21

Alo ka Krais dong ke taklak iye due elio epmes ina kovok. E Ida Tapolngon waiki lua osep deka iye due udo elio epmes ina ina klingen munu pes Krais e iye kasip amunte. Iye due langane ma itakaranga itodong itau e osuk ke bitna batne ke Krais.

Galesia 1:22

E osep ka tidong ke Krais ila osua ka tidong ke omur Judia tivati ngong dau kovok.

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

Efesus 4:10

E langane. Gute ka duru dong ke taklak iye tona gute ka mase bauluk tito ke omur ka dong egim. Deka iye dong ke omur ka pula keniye ka tidong ke taklak e ka tidong egim.

1 Tesalonaika 4:17

E alo ari ite ka dau itodong ma itetito itala ke gaup ke sirva kap osep ka pula keniye ari. E ite ka pula keniye ma itososon Ida Puda are. Deka ma itodong kap Ida Puda dong vala dong.

Hibru 4:14

Ida Tapolngon Otno Arang Yesus iye udo gute loulou ina ka mgo e iye dong ke omur heven. Deka ite ma itodong dagar ke aitno lite ila dagar.

Hibru 9:24

E Krais mete ma iye sep ke ninu molo ina ka osep tiurie kovok. Ninu molo ina tonari nisngen ke Ida Tapolngon ila ninu ka dong ke omur heven. Krais mete e sep ke omur heven e dong ke Ida Tapolngon bitna e loulou ke ite.

Pelengon kukwopngon 1:10

Tisapir ngong ngadong ke aidunu Patmos deka ke oklou gesa ka Ida Tapolngon ila osep tiduni pulu ine Ano Itau polou dagar ke ngong e ke dogur ngong ngaklingen gute kreine wai dagar langka kuliep wai.

Pelengon kukwopngon 12:5

Deka apmang divir otno arang ka Ida Tapolngon rere ma iye didi ila arit e plau osep ka pula keniye ke taklak. Ma iye kis ila matu ka ain ka langka nisngen ke ila arit. Apmang divir mimi kodong deka suong ensel gesa kis mimi e paur iye la egim ke Ida Tapolngon e ke ila kova.

Pelengon kukwopngon 4:2

E suong paide Ano Itau polou dagar ke ngong e ngavati kova kene ke omur heven. E gute gesa dong ke kova tonari.