2 Korin 12:14 - Aria New Testament

¹⁴ Oglou ngapolou ke umu aling orwo kodong e oku ane ngawaiki ngadue lou langan eklu ina ke umu. E alo ka ngapolou ma ngapang wan bitna bitna ke umu kovok. Aurou. Ngawaiki ngalua umu vala. Umeile agau tikere wan ke sipmarak e titnarak kovok. Aurou. Sipmarak e titnarak tikere wan ke titorok vala.

2 Korin 12:14 ပူးပေါင်းရင်းမြစ်များ

Aposel 20:33

Ngadong kap umu e ngangale lumu wan langka silva e gol e klos bitna bitna kovok.

1 Korin 10:24

Aitno lite vri ke ite kovok e silang aitno lite mter langka ma itolua ite tona vala kovok. Aurou. Aitno lite vri ke osep leklou ma itolua isak.

1 Korin 10:33

Umakana lou elio ka ngadue. Aitno lungong vri ke ngong kovok e ngadue wan gesa ka lua ngong tona vala kovok. E aitno lungong vri ke osep ka pula keniye e ngawaiki ngadue elio ka aitno lisak itau ine. Kesua ngawaiki ma Ida Tapolngon lua osep pula.

1 Korin 11:34

Langka sapanga due umu ma umangen ke lumu ninu paide. Lama lumu duningen polou soulu e Ida Tapolngon mulu umu ine. E pelengon leklou dau dong e ma ngawai ine alo ka ngame ngavati umu.

1 Korin 16:5

Ma ngala ngavati osep ka tidong ke provins Masedonia paide. Deka mase ngauti ngapolou ke umu.

1 Korin 4:19

E langane kovok. Langka Ida Puda waiki ngauti ke umu ma ngauti paide ke umu. Alo ka ngauti ma ngaklingen osep tonari ka aitno lisak vri ke isak urok pelengon kovok. Aurou. Ngauti ma ngaile omur urok arit lange.

1 Korin 9:12

Langka osep leklou tidue wan sasi boto ke umu deka imi blang ma imakaranga imodue wan pula ke umu. E dau wan ka imakaranga imodue ke umu imodue kovok. Imodong vala lama imodue wan ka dangdang osep leklou ma tinapapra Yesus ila omon itau kovok.

1 Korin 9:18

E ma ngadue klingen sua? Lou klingen langane. Wan ka ngakaranga ngadue ke lou bokongon ka nganapapra omon itau ane ngadue kovok. Ngaketir lokono ke elio ka nganapapra omon itau adai ke osep. E ketirngen ka ngadue ane langka lou klingen.

1 Korin 9:19

Ngadong vala e gute silang dong ka plau ngong kovok. E ke aitno lungong ngapolou langka wokboi nating ke osep pula ma ngadue osep pula tisep ke Krais ila osua.

2 Korin 1:15

Ngaile langare itau e ngalalo lou langan ma ngawaiki ngame ngavati umu e ma umodue kerengen aling orwo ine.

2 Korin 11:9

E silang blang alo ka ngadong kap umu e lou wan isuk boto vala ngapang ke umu kovok. Aurou. Sipmi ka time ke provins Masedonia tilua ngong ke wan bitna bitna. Oglou ngawaiki lou bokongon pes umu kovok e eknikane blang ngawaiki lou bokongon pes umu kovok.

2 Korin 12:13

Ngadue elio ke umu eriar langka elio ka ngadue ke sios leklou. E ngadue elio kene ka silang ke umu. Ngapang mani ke umu kovok kesua ngawaiki ngadue wan ka opru umu kovok. E langka lou elio tonari soulu ngawaiki umasak lou elio soulu.

Galesia 4:19

Dirgu. Eknikane blang nganamani omba lokono langka apmang ka namani mimi ngen iye. Umu Ida Tapolngon titno kodong e dau ngawaiki umopolou eriar langka Krais.

Filipai 4:1

Sipmi. Ngong lana ngong ke umu e ngawaiki ngavati umu kesua aitno lumu la dagar ke Yesus batne ke lou bokongon. Alo ka aitno lungong mter ke umu aitno lungong itau ke umu e aitno lungong neser ke umu. Sipmi. Ngawaiki umevri dagar ke Ida Puda vala.

Filipai 4:17

E ngawaiki umeile langane. Ngawaiki ngadue wan silang ke umu kovok. Aurou. Ngawaiki lumu elio itau ka umotuktuk lumu mani e umakare ke osep leklou res polou omba ma Ida Tapolngon kar ila kerengen ke umu ine.

1 Tesalonaika 2:11

Umeile imodue elio itau ke umu kenmu kenmu eriar langka gute due ke titno. Imawai pelengon ka sruk aitno lumu e ka due aitno lumu dong itau. E imakar umu pelengon ma umodong itau.

1 Tesalonaika 2:8

Imi lana imi omba ke umu deka imawaiki imanapapra Ida Tapolngon ila omon itau ke umu. E silang blang langka osep tiwaiki tidue agegeng ke imi aitno limi kro ine kovok. Kesua aitno limi itau lokono ke umu.