Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Korin 12:11 - Aria New Testament

11 Ngawai langka gute ka kaka e batne ke umu. Umakakai angain ngong ke lou elio kovok deka ngong tona ngakakai angain ngong. Ngong langka gute adai vala e dau ngamole osep ka uma-wai isak lumu osep aposel ka angainsak omba lokono.

အခန်းကိုကြည့်ပါ။ ကော်ပီ




2 Korin 12:11
17 ပူးပေါင်းရင်းမြစ်များ  

E umu blang langane. Alo ka umodue lumu bokongon ka Ida Tapolngon waiki umodue aitno lumu mter langane. ‘Imi wokboi nating vala e ma osep tiwai tenkyu ke imi kovok. Aurou. Imodue wan ka Ida Tapolngon waiki imodue vala.’”


E langka ngakaranga nganapapra Ida Tapolngon ila pelengon e ngaile Ida Tapolngon ila pelengon ka kukwop e ngaile ilengen bitna bitna keniye blang. E langka aitno lungong ila dagar omba lokono ma ngakaranga ngadue gigri yari la ke omur silang. E dau ngong lana ngong ke osep kovok ngong langka wan adai vala.


Ngong Pol e gute Apolos e gute Pita imi imodong ma imolua umu. E taklak ane e mosongon e metengen e wan ka dong eknikane e wan ka mase ma tipolou isak ka pula keniye tidong ma tilua umu blang ma umopolou dagar lokono.


Elio polou ka opru imi ma imakaranga imolua umu e ma Ida Tapolngon lua umu ke lumu elio epmes ina. E Ida Tapolngon due aitno limi itau deka elio ane polou ma imakaranga imodue aitno lumu itau blang. Langka umevri dagar ke elio ka opru umu langka imevri dagar ke elio ka opru imi ma Ida Tapolngon due aitno lumu dong itau.


Ngawaiki ngawai pelengon ane ke umu. E langka aitno lumu mter lou pelengon ulik ulik dau ngawaiki umoklingen lou pelengon vala.


Umawai osep tonari isak lumu aposel ka angainsak omba lokono e isak osep aposel lokono kovok. E aitno lungong langka timole ngong kovok.


Oglou alo ka ngadong kap umu ngadue wan pula ka nis umu ngong gute aposel lokono. Ngadong dagar ke lou bokongon e ngadue elio arit ina e elio bitna bitna ka osep tikaranga tidue kovok.


E dau langka ngakakai angain ngong ngawai langka gute ka kaka kovok. Kesua ngawai pelengon lokono vala. E ngawaiki ngakakai angain ngong kovok lama osep ka tivati lou elio e tiklingen lou pelengon aitno lisak mter ngong gute ka itau lokono.


Oku ane imonogrum ima-kakai angainmi i? Koke imawaiki imodue pas ke osep leklou ka palongo lumu langka imi osep itau langka osep leklou tidue? Koke imawaiki umosogo pas ka palongo osep leklou imi osep itau? Aurou lokono.


Langka aitno limi kaka ane wan ke imi e Ida Tapolngon vala. E langka aitno limi mter itau ane lua umu.


Langka gute gesa aitno mter langka angaine omba e dau angaine omba kovok deka gute tonari yak iye tona vala.


E angain ngong omba kovok. Aurou. Ida Tapolngon ila osep keniye angainsak timole angain ngong. Lama langane Ida Tapolngon kere ngong ke ila makaingan. E ngapaur Ida Tapolngon ila omon itau ke umu ka osep Yuda ina kovok. Omon tonari palongo udo ke wan keniye ka itau lokono ka Krais kare ke ite e itakaranga iteile aikovoli ine kovok.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ