2 Korin 11:9 - Aria New Testament

⁹ E silang blang alo ka ngadong kap umu e lou wan isuk boto vala ngapang ke umu kovok. Aurou. Sipmi ka time ke provins Masedonia tilua ngong ke wan bitna bitna. Oglou ngawaiki lou bokongon pes umu kovok e eknikane blang ngawaiki lou bokongon pes umu kovok.

2 Korin 11:9 ပူးပေါင်းရင်းမြစ်များ

Aposel 18:3

Ari Pol la dong kap isak kesua isak tigosok Pol urok bokongon kene. Tiboko ke ninu molo ina langka oglou Pol boko ine. E ari tidong e tiboko ke ninu molo ina e tidue burong ke isak.

Aposel 18:5

Mase Sailas orwo Timoti tisongon provins Masedonia e time tipolou ke Korin. E ari Pol due elio kene vala. Iye napapra ke osep Yuda ina langane. “Yesus gute ka Ida Tapolngon rere Krais ka lua osep ke urok elio epmes ina.”

Aposel 20:33

Ngadong kap umu e ngangale lumu wan langka silva e gol e klos bitna bitna kovok.

Pas ka Pol sogoe uti la ke osep Rom ina 15:26

Kesua osep ka Ida Tapolngon ila osep ka tidong ke provins Masedonia e ke provins Akaia tituktuk urok mani ma tilua Ida Tapolngon ila osep ke omur are. E ma tivai mani tonari la ke Jerusalem ma tilua Ida Tapolngon ila osep ka urok wan isuk boto vala ine.

1 Korin 16:17

Gute Stefanas e gute For-tunatus e gute Akaikus time ke ngong e aitno lungong neser alo ka ngavati isak. Kesua umu ka pula keniye umakaranga umomo umavati ngong kovok.

2 Korin 6:4

Aurou. Imodue elio itau vala ka nis osep imi Ida Tapolngon ila osep bokongon ina. Imodong dagar lokono alo ka agegeng e wan soulu e wan polou ka opru imi.

2 Korin 9:12

E lumu bokongon ane ma lua Ida Tapolngon ila osep ka urok wan isuk boto vala. E silang blang lumu bokongon ane due isak tikakai Ida Tapolngon angaine tito la egim.

Filipai 2:25

E aitno lungong mter langka ma ngapagei udo aten Epafroditus iding ke umu blang. Iye sudo gesa e iye boko kap ngong e imogosok imoboko pulu langka osep ola ina ke Ida Tapolngon ila bokongon. Oglou umapagei iye me ma iye lua ngong.

1 Tesalonaika 2:6

E alo ka imoboko imawaiki umu koke osep leklou umakakai angainmi ine kovok. Aurou.

1 Tesalonaika 2:9

Sipmi. Omtomu sisir ke bokongon engil ka imodue alo ka imodong kap umu. Imoboko engil lokono ke oklou e epmes ke wan ka imodue burong ine ma imakaranga imekli limem wan bitna bitna kesua imawaiki imodue elio ka opru umu kovok alo ka imanapapra Ida Tapolngon ila omon itau.

Hibru 11:37

E tiuri opmu ke osep leklou ma timete ine e tiblou osep leklou ke so ma pampamu lisak polou orwo e tiblou osep leklou ke elil omba ma timete ine. E osep leklou ka aitno lisak dagar ke Ida Tapolngon urok molo kovok e titnei sipsip tarna koke meme tarna e tilila ine. Urok wan sasi boto vala e osep tidue agegeng ke isak ka opru isak.