2 Korin 11:3 - Aria New Testament

³ Oglou mota ka ila aiding yakngan yak Eva e Eva didi iye. E aitno lungong kro lokono lama osep leklou tiyak umu e aitno lumu ila dagar segesege e dong dagar ke Krais kovok.

2 Korin 11:3 ပူးပေါင်းရင်းမြစ်များ

Matyu 24:24

Kesua osep yakngan ina ma tipolou ka tisir isak Krais koke tisir isak osep napaprangan ina. E ma tidue elio arit ina ka omba ma osep tididi isak ke elio soulu. E tiwaiki titok osep ka Ida Tapolngon rere isak ila osep blang.

Jon 8:44

Umopolou ke pmomu Satan e umawaiki umedidi pmomu aitno vala. Ke oglou lila me ke eknikane ila aiding iye gute ka due burwa e iye kis pelengon lokono kovok kesua pelengon lokono dong ke iye kovok. Alo ka iye wai pelengon yakngan iye didi ila aiding vala kesua iye gute yakngan ina e iye pelengon yakngan batne.

Pas ka Pol sogoe uti la ke osep Rom ina 12:8

Langka gute gesa ila bokongon langka iye kar osep leklou pelengon ka due aitno lisak tipolou dagar lokono e tile omur lokono Ida Tapolngon waiki ma iye boko dagar ine. E gute ka lua osep leklou ka urok wan isuk boto vala ma iye due langane aling aling. E gute ka mgo ke osep Kristen leklou ma iye boko dagar ine. E gute ka aitno due osep leklou e lua isak Ida Tapolngon waiki ma aitno neser ine.

2 Korin 1:12

Aitno lungong itau ke elio kene. Ke aitno lungong ngaile Ida Tapolngon lua ngong ma ngadue elio osuk lokono e elio itau. Ida Tapolngon makai ngong deka ngadidi elio tonari e ngadidi ilengen ka taklak ane ina kovok. Ngadidi elio itau ke osep pula e dau ngadidie kap umu lokono.

2 Korin 11:20

E ngaile osep leklou tiwaiki tipagei umu e tiplau umu koke tiwaiki tipi lumu wan bitna bitna deka umosongon isak ma tidue langane. Koke tiwaiki tiyak umu ma umedidi isak koke aitno lisak langka isak itau e timole umu koke tiwaiki tiuri limsak ke banga lumu deka umosongon isak tidue langane.

2 Korin 11:29

Langka gute gesa aitno ila dagar yagos aitno lungong kro ine. E langka gute kene due gute silang iye due elio epmes ina aitno lungong engil ke gute tonari ka due gute gene.

2 Korin 2:17

Osep pula leklou tiboko langka Ida Tapolngon ila pelengon iye wan ka tidue burong ine. E imi langka isak kovok. Aurou. Ida Tapolngon rere imi ila osep bokongon ina e imawai pelengon lokono ke Krais angaine e imawai ke Ida Tapolngon bitna.

2 Korin 4:2

Imopul dogur ke elio bitna bitna ka osep tikukwop isak kesua batne isak mnak isak ine alo ka tidue. Imedidi elio ka yakngan kovok e imobuli wan sasi kap Ida Tapolngon ila pelengon kovok. Aurou. Imanapapra pelengon ka lokono malak ma osep tikaranga tiwade limem elio e tikaranga tile omur ke limem mosongon ke Ida Tapolngon bitna.

Galesia 1:6

E oku ane ngadigrik lokono ke elio ka umodue. Krais ila bokongon lua umu e Ida Tapolngon due umu umopolou ila osep ine. Deka tauni kovok umosongon iye e umedidi omon silang ka umesire omon itau.

Galesia 2:4

Osep leklou ka isak sudo yakngan ina time tisep ke limem duningen e tidong langka esim. Ma tivati wansua ka Krais due ke ite alo ka iye lua ite ke udo elio epmes ina e iye pi ite ma itodong moli ke Moses ila sogongon kovok. Osep tonari tiwaiki tidue ite ma itodong ke kalabus ke Moses ila songongon.

Galesia 3:1

Umu osep Galesia ina umu manga manga. Imenis Yesus Krais ke umu kodong. Deka umavati langka iye mana ke ina akai e mete ke osep amtarsak. Deka sei nak aitno lumu?

Galesia 4:11

Aitno lungong mter ke lumu elio langane e aitno lungong kro langka bokongon ka ngadue airavu ke umu polou adai vala.

Efesus 4:14

Deka ite ka aitno lite dagar langane ma itodong langka agau sondia ka aitno lisak ila dagar dau polou dagar kovok? Aurou. E langka osep soulu bitna tiwaiki urok pelengon yakngan pagolgol aitno lite ma itedidie ma urok pelengon bure vala. Ma aitno lite segesege ke pelengon yakngan langka sip ka misuon ina boitini bakulkule kovok. Ma aitno lite dong dagar vala.

Efesus 4:22

Deka umosongon lumu elio epmes ina bitna bitna ka oglou tiplau umu. Umosongon elio tonari kesua elio epmes ina bitna bitna tonari due aitno lumu soulu lokono e paiavu umu.

Efesus 6:24

Ngawaiki Ida Tapol-ngon ila makaingan dong kap umu ka aling aling umu lana umu ke Ida Puda Yesus Krais. E oku ane lou pelengon yagos.

Kolosi 2:18

Langka gute gesa waiki pi lumu wan itau batne ke wan ka iye vati alo ka iye munu ano koke langka iye waiki umepes umu umoduru e umolotuim ensel io umosongon iye ma iye due langane kovok. Gute ka ila elio langare didi aitno oglou ina e aitno mter langka iye itau lokono e iye due ilengen itau.

Kolosi 2:4

Ngawaiki ma gute gesa karanga wai dikngen ke umu e yak umu kovok deka ngawai pelengon ane.

Kolosi 2:8

Deka umaplau umu itau lama osep tiyak umu e tipagolgol aitno lumu ke urok pelengon vala. Tidue pelengon tonari ke urok seia e ke ano soulu ka tiplau sirva e taklak. E pelengon tonari me ke Krais kovok.

1 Tesalonaika 3:5

Ke batne langane ngakaranga ngapara kovok. E ngapagei Timoti la ke umu ma ngaile omur langka aitno lumu ila dagar dau dong dagar koke aurou. Lama Satan polou ke umu e tok umu kodong e umosongon aitno lumu ila dagar e limem bokongon ke umu polou adai.

1 Timoti 1:3

Eknikane ngawai ke wom eriar langka oglou ngawai ke wom alo ka ngala ke provins Masedonia. Ngawaiki ma omdong dau ke armok Efesus ma amwai pelengon dagar ke osep leklou. Isak osep ka tiwai pelengon yakngan alo ka tiparere Ida Tapolngon ila osep. Amwai ke isak ma tiparere osep langane kovok.

1 Timoti 2:14

E Satan yak Adam e iye due elio epmes ina kovok. Aurou. Iye yak Eva deka iye due elio epmes ina.

2 Timoti 3:13

E osep soulu bitna e osep yakngan ina ma urok elio soulu res polou omba. E tiyak osep leklou e Satan yak isak.

Taitus 1:10

Emrere osep ka tiplau sios kene kene ke aidunu Krit itau. Kesua Ida Tapolngon ila osep pula ke omur ari urok aiding langka tipul ila pelengon. Tiwai pelengon bitna bitna ka adai e tiyakyak osep ine. Osep leklou tonari urok osua osep Yuda ina. E tiwaiki osep tididi inarak apu langka elio ulangngan ina.

Hibru 13:9

Langka osep tiwai ke umu ke pelengon bitna bitna ka eriar langka omon itau kovok umosongon urok pelengon pagolgol aitno lumu kovok. Ma itosongon Ida Tapolngon ila makaingan due aitno lite ila dagar polou dagar lokono. E apu bitna bitna ka la ke ngangon karanga due ite itodong dagar kovok. Langka oglou apu tonari karanga lua osep ka tididi isak kovok.

2 Pita 3:17

Sipmi. Ngong lana ngong ke umu e ngawai langane. Umeile elio tonari kodong deka umaplau umu itau lama umedidi osep ka tidar Ida Tapolngon ila pelengon e tipagolgol aitno lumu ke urok pelengon yakngan. E lama umodong dagar ke aitno lumu ila dagar kovok.

2 Pita 3:3

Pelengon omba ka ngawaiki aitno lumu mter ine langane. Alo ka isuk boto wan keniye yagos osep ma time e tidue apok ke umu e tididi aitno lisak ke elio epmes ina bitna bitna ka tiwaiki tidue.

1 Jon 2:18

Dirgu ngawai ke umu langane. Isuk boto wan ka pula keniye ina yagosngon ma polou. Umoklingen kodong Krais ina oul kene ina ma polou e oku ane osep pula ka isak Krais ina oul tipolou kodong. Elio ane langka nisngen ke wan ka pula keniye isuk boto yagos.

1 Jon 4:1

Sipmi. Ngong lana ngong ke umu e ngawai ke umu langane. Osep napaprangan yakngan ina tidong ke taklak. E langka gute gesa wai ke umu langane. “Ngawai ke Ano Itau ila pelengon.” Deka umawade ila pelengon ma umeile omur langka ila pelengon ka iye wai batne ke Ida Tapolngon koke aurou.

Pas ka Jut sogoe 1:4

E oku ane osep yakngan ina leklou tisep ke sios. Ke oglou kodong Ida Tapolngon wai ke isak ma tikluk ke omur hel. Osep tonari tipul dogur ke Ida Tapolngon e tiwaiki tipalele ila makaingan deka tiwai langane. “Langka itodue elio epmes ina bitna bitna are wan gesa kovok kesua Ida Tapolngon ma makai ite.” Tiwai langane e tipul dogur ke Ida Puda Yesus Krais ka iye Ida Plaungan.

Pelengon kukwopngon 12:15

Deka mota tonari uru aki ke ene e aki tonari polou omba e suong la didi apmang tonari. Mota waiki aki tonari uri apmang langka ongon uri wan bitna bitna ma iye mete ine.

Pelengon kukwopngon 12:9

Deka Maikel isak tisapir mota isak ke omur heven. E mota ina sirngen orwo. Sirngen kene Satan e sirngen silang Gute Ka Sin Elio Vri Ke Osep. Iye yak osep ka pula keniye e due isak tidue elio epmes ina. Maikel kap ila ensel tiuri mota kap ila angelo soulu tiduru ke taklak.

Pelengon kukwopngon 20:2

Deka iye kis mota ka ombatno dagar. Mota tonari ka iye dong ke oglou oglou lokono. Iye angaine Satan e angaine silang Gute Ka Sin Elio Vri Ke Osep. Deka ensel pou iye ke sen omba la lama iding ke tobor 1,000 mela yagos.