2 Korin 11:26 - Aria New Testament

²⁶ Aling pula ngalila ngala ke omur mawa e lou langan pula kakluk metengen. Langan tonari kakluk metengen ke aki e ke osep panakongon ina e ke osep ka lou osua e ke osep ka isak osep Yuda ina kovok. E lou langan kakluk metengen ke armok e ke omur ka dong adai vala e ke misuon e ke osep Kristen yakngan ina.

2 Korin 11:26 ပူးပေါင်းရင်းမြစ်များ

Aposel 13:45

­Deka osep Yuda ina tivati osep pula pula tiduni pulu e aitno lisak rim ine. E tipara pulu Pol ila pelengon e tiwai soulu ke iye.

Aposel 13:50

Ari osep Yuda ina tisruk apmang ngongle ka tidue elio itau e tidue anit ke Ida Tapolngon aitno lisak e osep ngongle aitno lisak deka osep tonari tidue agegeng ke Pol orwo Barnabas. Deka tisik isak e tisongon omur tonari kla.

Aposel 14:19

Alo ari osep Yuda ina leklou ka tidong ke Antiok e Aikoniam tipolou ke Listra. E tisruk osep pula aitno lisak deka osep tonari tidue opmu e timluk Pol ine. Deka tiriri iye la munu ke armok ina boul kesua aitno lisak mter iye mete kodong.

Aposel 14:5

Deka osep Yuda ina e osep leklou blang ka isak osep Yuda ina kovok tigosok urok ngongle tiwaiki tidue asmel ke Pol e Barnabas. Tiwaiki tidue opmu ma timluk isak ine.

Aposel 15:40

E Pol rere Sailas ma isak orwo kla. Deka sisrok ari tiwai ke isak langane. “Ida Puda ila makaingan dong kap umu.” Deka tisongon armok e kla.

Aposel 17:13

Osep Yuda ina ka tidong ke Tesalonaika tiklingen omon Pol napapra Ida Tapolngon ila pelengon ke osep ka tidong ke Beria blang. Deka tisongon Tesalonaika e kla ke Beria e ari tisruk osep matamur aitno lisak e aitno lisak tipolou soulu ke Pol orwo Sailas.

Aposel 17:5

E osep Yuda ina leklou blang aitno lisak rim ke isak deka tidue osep ropo leklou e tiduni pulu e osep Yuda ina tisruk osep pula ka tidong ke armok aitno lisak. E tisuong kla ke gute Jeson ila ninu e tikrim ke Pol e Sailas ine ma tidue isak tipolou ke osep pula amtarsak.

Aposel 18:12

Mase alo ka gute Galio vri mgo ke provins Akaia ke omur Grik osep Yuda ina aitno lisak kene pulu e soulu ke Pol. Deka tikis iye dagar e tidadai iye la polou ke Galio bitna ma tikotim iye.

Aposel 19:1

Alo ka Apolos dau dong ke Korin Pol didi ekreng ka munu airavu ke provins Esia e la polou ke Efesus e soson Yesus ila disaipel leklou.

Aposel 19:23

Alo ari osep pula ka tidong ke Efesus aitno lisak soulu e amnga kesua osep pula tididi elio oku ina.

Aposel 20:19

­Lama osep Yuda ina tiwaiki tidue agegeng ke ngong e ngakngis pula ine dau ngaboko Ida Puda ila bokongon e aitno lungong mter ke ngong kovok. Aurou.

Aposel 20:3

E iye dong ine iding ke taiko eklu. Iye dong ke omur tonari e taiko eklu mela yagos mase iye waiki kli sip ka la ke provins Siria. Alo ari iye klingen osep Yuda ina tilalo pelengon ma tidue burwa ke iye. Deka Pol aitno mter ma iye la ke provins Siria kovok. Aurou. Ma iye bauluk ke provins Masedonia vala.

Aposel 23:10

Ari osep tikot pulu omba deka osep ola ina inarak plaungan ka mgo vati elio ane e iye lim ine. Kesua iye ulou tarna langka osep tipi pulu Pol ma Pol pampamu ine notrum e ma iye mete. Deka iye wai ke osep ola ina langane. “Umala umoduru umepi Pol ke isak deka umapaur iye ke limem ninu.” Deka osep ola ina tididi ila pelengon.

Aposel 25:3

“Imawaiki omlua imi e ampagei Pol tito me ke armok ane.” Tiwai langane kesua tilalo pelengon kodong langka alo ka Pol didi ekreng me ma tidue burwa ke iye.

Aposel 27:42

E osep ola ina aitno lisak mter ma timluk osep kalabus ina timete lama tisisu ke taklak e tiulou kla.

Pas ka Pol sogoe uti la ke osep Rom ina 15:19

E Ida Tapolngon Ano Itau lua ngong blang deka ngadue elio arit ina ka nisngen ke osep. E langane. Oglou nganogrum ke armok Jerusalem e nganapapra Krais ila omon itau ke osep. E ngalila ngala ke omur omur la lama ngaiding ke omur Ilirikum.

Pas ka Pol sogoe uti la ke osep Rom ina 8:35

Krais lana iye omba lokono ke osep ka ila osep. E sei dong ka karanga dangdang elio ka iye lana iye ke ite? Aurou. Gute kene gesa e elio kene gesa dong ka karanga dangdang elio ka iye lana iye ke ite kovok. Langka elio soulu e elio ka opru tipolou ke ite ma tikaranga tidangdang elio ka iye lana iye ke ite kovok. Langka agegeng e sapanga ombatno polou ke ite ma tibure blang. Langka udo klos kovok ma Yesus dau lana iye ke ite. Langka elio soulu polou ke ite ka itoulou tarna lite ine ma Yesus dau lana iye ke ite. Langka evlei polou ke ite ma Yesus dau lana iye ke ite blang.

1 Korin 15:30

E ina lange ke imi? Langka osep ka timete kodong tipoga titito ke inarak denga kovok ina lange imi dau imodue limem bokongon e imosongone kovok? Kesua osep pula tiwaiki tidue agegeng ke imi batne ke limem bokongon. E aitno limi dagar ke limem bokongon.

1 Korin 15:32

Langka ngadidi aitno lungong vala e ngadue bokongon ane ina lange ngadue evlei ke ongwa kevena ke armok Efesus? Langka osep ka timete kodong tikaranga tipoga titito ke inarak denga kovok deka ma itedidi osep leklou urok pelengon ka wai langane vala. “Eknikane ma itangen ida ngangon e iteinim ida aki kesua masalang ma itemete.”

2 Korin 11:32

Oglou alo ka ngadong ke armok Damaskus gute Aretas vri mgo ke omur ka Damaskus dong ine. E gute ka plau armok tonari due osep ola ina tiplau armok ina ari ina ekreng bitna. Iye due langane kesua iye waiki due ngong ngasep ke kalabus.

Galesia 2:4

Osep leklou ka isak sudo yakngan ina time tisep ke limem duningen e tidong langka esim. Ma tivati wansua ka Krais due ke ite alo ka iye lua ite ke udo elio epmes ina e iye pi ite ma itodong moli ke Moses ila sogongon kovok. Osep tonari tiwaiki tidue ite ma itodong ke kalabus ke Moses ila songongon.