2 Korin 11:25 - Aria New Testament

²⁵ Aling elku osep timluk ngong ke wan langka alika e aling kene osep tiuri opmu ke ngong ma ngamete ine e aling eklu ngadue langan ke sip e sip dardar e aling kene ngaples ke misuon oklou epmes kene.

2 Korin 11:25 ပူးပေါင်းရင်းမြစ်များ

Matyu 20:19

E ma tipaur iye ke osep ka isak osep Yuda ina kovok e osep tonari ma tidue apok ke iye e tiules iye e tinilim iye ke ina akai. E dau mase oklou eklu mela yagos deka ma iye poga tito ke ina denga.”

Matyu 21:35

E osep ka tidong tiboko ke yage tidue wokboi nating tonari e timluk gute kene e timter gute silang ma iye mete e tiuri opmu ke gute silang.

Aposel 14:19

Alo ari osep Yuda ina leklou ka tidong ke Antiok e Aikoniam tipolou ke Listra. E tisruk osep pula aitno lisak deka osep tonari tidue opmu e timluk Pol ine. Deka tiriri iye la munu ke armok ina boul kesua aitno lisak mter iye mete kodong.

Aposel 14:5

Deka osep Yuda ina e osep leklou blang ka isak osep Yuda ina kovok tigosok urok ngongle tiwaiki tidue asmel ke Pol e Barnabas. Tiwaiki tidue opmu ma timluk isak ine.

Aposel 16:33

Ari dau epmes e gute ka plau kalabus grong tarna lisak egle egle. Iye grong isak yagos deka lokono tipaunim iye gosok osep keniye ka tidong ke ila ninu.

Aposel 16:37

Deka Pol koli osep polis-man urok pelengon e wai ke isak langane. “Narep osep timluk imi ke osep pula amtarsak lama tiklingen limem pelengon kovok. E tidue imi imesep ke kalabus. Imi ane osep Rom ina e eknikane osep ka tidue agegeng ke imi tiwaiki tibisi urok elio e tiwaiki imala vala. Umo-klingen. Umawai ke isak ma isak tona time e tidue imi deka tipaur imi imala.”

Aposel 22:24

Deka osep ola ina inarak plaungan ka mgo wai dagar ke osep ola ina leklou langane. “Umodue gute ane sep ke udo ninu deka umoules iye pula e umepmi iye ke ila pelengon. Iye wai lange deka osep aitno lisak nevlik amnga e tidaiku omba ke iye? Ngawaiki ngaile omur ine.”

1 Timoti 1:19

Ke elio langane aling aling ma omdong dagar e ma aitno lugom dagar lokono ke Yesus ma emile langane. Lem elio soulu gesa vri ke wom ke Ida Tapolngon bitna kovok. Osep leklou tile ke elio itau e dau tipul dogur ine. Mase aitno lisak ila dagar dong dagar kovok e isak langka sip ka la nabak sep ke asar.

Hibru 11:37

E tiuri opmu ke osep leklou ma timete ine e tiblou osep leklou ke so ma pampamu lisak polou orwo e tiblou osep leklou ke elil omba ma timete ine. E osep leklou ka aitno lisak dagar ke Ida Tapolngon urok molo kovok e titnei sipsip tarna koke meme tarna e tilila ine. Urok wan sasi boto vala e osep tidue agegeng ke isak ka opru isak.