2 Korin 11:15 - Aria New Testament

¹⁵ E Satan ila osep bokongon ina ka isak osep aposel yakngan ina tonari tibisi urok elio langka osep ka tidue elio itau. Deka itedigrik ine kovok. Mase Ida Tapolngon ma koli batne ke urok elio soulu ka tidue.

2 Korin 11:15 ပူးပေါင်းရင်းမြစ်များ

Aposel 13:10

“Wom Satan otno arang wom. Elio itau ina oul wom. Lem elio keniye yakngan. Eknikane oklou aling aling amwaiki Ida Puda ila elio osuk polou kolok.

Pas ka Pol sogoe uti la ke osep Rom ina 2:6

Alo ari ma Ida Tapolngon koli batne ke osep ka pula keniye urok elio ka oglou tidue. Langka oglou tidue elio itau ma iye kar isak elio itau. E langka oglou tidue elio soulu ma iye kar isak elio soulu.

Pas ka Pol sogoe uti la ke osep Rom ina 3:8

Osep tonari ka tiwai soulu langane tisin elio vri ke ngong blang. Tiwai langane. “Osep umoklingen. Gute Pol wai umodue elio soulu kesua ma elio soulu tonari due elio itau polou.” Isak ka tiwai langane tipes angain ngong ine. Ma urok elio ngen isak kesua Ida Tapolngon ma mulu isak ine.

1 Korin 9:11

Alo ka imanapapra Ida Tapolngon ila pelengon ke umu ane langka imousak londo koke wan esle ke yage. E oku ane imakaranga imodue ngangon e wan bitna bitna ke umu.

2 Korin 11:13

Osep tonari isak osep aposel lokono kovok. Aurou. Isak osep aposel yakngan ina e tiyak osep ke urok bokongon. E tibisi urok elio ma osep aitno lisak mter isak Krais ila osep aposel lokono.

2 Korin 11:23

Tiwai langka isak Krais ila osep bokongon ina i? Ma ngawai langka gute ka kaka. Ngong Krais ila gute bokongon ina e ngamole isak. Ngaboko engil lokono e aling pula osep tidue ngong ngasep ke kalabus e aling pula osep timluk ngong omba e aling pula isuk boto ngamete.

2 Korin 3:9

Kesua langka wan ka wade ite e paur metengen ke ite bublo omba deka wan ka due ite itodong itau e osuk ke Ida Tapolngon bitna ma mole e bublo ombatno lokono.

Efesus 6:12

Itekere ite itau lokono kesua itodong itodue evlei ke ida oul ka isak osep kovok. Aurou. Oku ane langka aivoro lokono e itodong itodue evlei ke Satan e angelo soulu. Itodue evlei ke angelo soulu leklou ka tivri mgo e angelo soulu leklou ka tiplau angelo soulu ka pula e angelo soulu leklou ka urok arit ombatno.

Filipai 3:19

Osep tonari tidue wan ka pampamu lisak waiki tidue vala. Aitno lisak neser ke wan ka osep pula mnak isak ine e aitno lisak mter ke wan bitna bitna ka taklak ina vala. Osep ka tidue elio langane ma tikluk ke omur hel.

2 Pita 2:3

Osep parerengen yakngan ina tiwaiki tidue mani pula e tiwai basikngen adai ma tidue lumu mani ine. E ke oglou lila me Ida Tapolngon dong para e isuk boto ma iye wade isak e due agegeng ke isak.

Pas ka Jut sogoe 1:4

E oku ane osep yakngan ina leklou tisep ke sios. Ke oglou kodong Ida Tapolngon wai ke isak ma tikluk ke omur hel. Osep tonari tipul dogur ke Ida Tapolngon e tiwaiki tipalele ila makaingan deka tiwai langane. “Langka itodue elio epmes ina bitna bitna are wan gesa kovok kesua Ida Tapolngon ma makai ite.” Tiwai langane e tipul dogur ke Ida Puda Yesus Krais ka iye Ida Plaungan.

Pelengon kukwopngon 13:14

Ida Tapolngon songon iye ma iye due elio arit ina bitna bitna ke ongwa kevena kene ina bitna. Ke elio langane iye yak osep ka pula keniye ka tidong ke taklak. E iye wai ke osep langane. “Umodue sapingen ke ongwa kevena kene ina ka oglou timter iye ke elil omba e eknikane iye dong. Ma umodue anit ke iye.”

Pelengon kukwopngon 13:2

Ongwa kevena ka ngavati iye bitna langka pusi omba ka tisire lepat e kamla langka bea kamla e ene langka laion ene. Deka mota tonari kar ila arit ke ongwa e kar iye kova ka osep ka tivri mgo ke omur omur tidong ine deka due iye plau osep pula pula.

Pelengon kukwopngon 9:11

Inarak plaungan kene dong mgo ke isak. Inarak plaungan tonari iye ensel ka plau ovuk ka duru la moli lokono. Ke pelengon Hibru tisir ensel tonari angaine Abadon. E ke pelengon Grik tisir iye Apolion ka lana ine langane. Gute ka due agegeng ke wan.