2 Korin 10:7 - Aria New Testament

⁷ Umawade elio bitna bitna ka umavati. Langka gute gesa aitno mter iye Krais ila gute ma aitno mter langane blang. Imi Krais ila osep eriar langka iye Krais ila gute.

2 Korin 10:7 ပူးပေါင်းရင်းမြစ်များ

Matyu 23:5

Tidue wan bitna bitna ma osep tipalem isak. Tipou Ida Tapolngon ila pelengon palma palma ke bara lisak e tidue emi ka alang ke urok molo ene.

Luk 16:15

E Yesus wai ke isak langane. “Umu osep ka umawaiki osep tivati umu langka umu osep itau lokono e dau Ida Tapolngon ile aitno lumu. Wan ka osep tivati langka wan ka itau lokono Ida Tapolngon vati wan tonari langka wan ka soulu lokono.”

Jon 7:24

Ma umawade osep ke elio bitna bitna ka umavati vala kovok. Aurou. Aitno lumu mter ke elio lokono e umawade osep ke elio are.”

1 Korin 1:12

Umotuk opmu pulu ke pelengon deka umu leklou umawai langane. “Ngadidi gute Pol.” E gute silang wai langane. “Ngadidi gute Apolos.” E gute silang blang wai langane. “Ngadidi gute Pita.” E gute silang blang wai langane. “Ngadidi Krais.”

1 Korin 14:37

Langka gute gesa aitno mter langka Ida Tapolngon rere iye gute napaprangan ina koke aitno mter langka iye due kerengen ke Ano Itau ngawaiki iye ile langane. Pelengon ka ngasogoe ke umu ane Ida Puda ila pelengon.

1 Korin 15:23

Deka langane. Ite ka pula keniye ma itopoga itetito ke ida denga alo ka Ida Tapolngon rere ke ite ma iye due langane. Mgongon iye due Krais poga tito ke ina denga e mase alo ka iye iding me ite ka pula keniye ka ila osep ma itopoga itetito ke ida denga.

1 Korin 3:23

E umu Krais ila osep e Krais iye Ida Tapolngon Otno Arang.

1 Korin 9:1

Lange? Wan gesa dong ka plau ngong? Ngong aposel koke aurou? Koke lange? Ngavati Ida Puda Yesus koke aurou? Ngadue Ida Puda ila bokongon e umopolou osep Kristen ke lou bokongon koke aurou?

2 Korin 10:1

Osep leklou tiwai ke umu langane. “Alo ka Pol dong kap umu langka iye pes iye vala e alo ka iye dong mawa iye wai dagar.” Deka ngawai ke umu ma aitno lumu mter ke Krais ila elio e umoklingen lou pelengon. Krais ila elio langane. Ila elio molil molil e iye due mada ke osep.

2 Korin 11:18

Osep pula tididi elio ka taklak ina e tikakai angainsak deka ngong blang ma ngakakai angain ngong.

2 Korin 11:23

Tiwai langka isak Krais ila osep bokongon ina i? Ma ngawai langka gute ka kaka. Ngong Krais ila gute bokongon ina e ngamole isak. Ngaboko engil lokono e aling pula osep tidue ngong ngasep ke kalabus e aling pula osep timluk ngong omba e aling pula isuk boto ngamete.

2 Korin 11:4

Ngawai langare kesua ngaile langane. Langka gute gesa me ke umu e yak umu ke basikngen silang ka la ke Yesus ma umoklingen ine e umedidie. Koke umodue ano silang ka Ano Itau kovok ma aitno lumu itau ke iye. Koke umodue omon silang ka eriar langka omon itau ka imanapapra umu ine kovok ma umoklingen ine. Ngaile osep tidue langane ke umu deka umekis dagar ine. E ngawaiki umodue langane kovok.

2 Korin 12:11

Ngawai langka gute ka kaka e batne ke umu. Umakakai angain ngong ke lou elio kovok deka ngong tona ngakakai angain ngong. Ngong langka gute adai vala e dau ngamole osep ka uma-wai isak lumu osep aposel ka angainsak omba lokono.

2 Korin 13:3

Umawaiki umeile omur langka ngong Krais ila aposel gesa e ngong ila gute meriang ina koke aurou. Alo ka iye didi ila arit e boko airavu ke umu ma umeile omur ine.

2 Korin 5:12

E imawaiki imawai ke umu aling silang blang ma aitno lumu itau ke imi kovok. Aurou. Imosogo pas ane uti ke umu ma aitno lumu neser ke limem elio isuk isuk. Imawaiki ma umakaranga umokoli pelengon ke osep ka tikakai angainsak ke wan bitna bitna ka tikaranga tidue. E aitno lisak mter ke wan ka dong ke aitno lisak kovok.

Galesia 3:29

E langka umodong ke Krais ila osua umodong langka Abraham titno blang. E ma umodue wan ka oglou Ida Tapolngon wai dagar ine ke Abraham deka iye kare ke Abraham.

1 Jon 4:6

E ite Ida Tapolngon ila osep ite. Gute ka ile Ida Tapolngon ma klingen udo pelengon e gute ka ile Ida Tapolngon kovok ma klingen udo pelengon kovok. Ke batne langane itakaranga iteile omur ke osep ka tididi Ano Itau ila pelengon e osep ka tididi osep napaprangan yakngan ina urok pelengon.