2 Korin 10:1 - Aria New Testament

¹ Osep leklou tiwai ke umu langane. “Alo ka Pol dong kap umu langka iye pes iye vala e alo ka iye dong mawa iye wai dagar.” Deka ngawai ke umu ma aitno lumu mter ke Krais ila elio e umoklingen lou pelengon. Krais ila elio langane. Ila elio molil molil e iye due mada ke osep.

2 Korin 10:1 ပူးပေါင်းရင်းမြစ်များ

Matyu 11:29

Umomo ke ngong e umanana ke ngong deka umodue sigi ka ngakare ke umu e umakalke sigi tonari kesua ngong gute ka due mada e ngapes ngong tona e ma aitno lumu mtong e dong epen ke ngong.

Matyu 21:5

“Umapalongo osep Saion ina langane. ‘Umavati gute ka vri mgo ke umu me e iye dong molil e dong ke donki e me. Iye dong ke donki otno e me.’”

Aposel 8:32

Pelengon tonari ka iye ritim langane. “Osep tidue elio ke iye eriar langka tipaur sipsip ka tiwaiki timke ma mete. E eriar langka alo ka osep tiblou sipsip titno tarna elilo e sipsip tonari tiwai kovok iye wai kovok blang.

Pas ka Pol sogoe uti la ke osep Rom ina 10:20

Aisaia palongo osep Israel ina ke Ida Tapolngon ila pelengon ka wai langane. “Osep leklou ka tikrim ke ngong kovok isak tipado ngong kodong. E osep leklou ka tipmi isak pulu ke ngong kovok ngapolou ke isak kodong.”

Pas ka Pol sogoe uti la ke osep Rom ina 12:1

Sipmi. Ida Tapolngon aitno due ite kodong deka ngawai dagar ke umu langane. Ma umakar pampamu lumu ke Ida Tapolngon langka wan ka ila wan. Alo ka umu dau umodong ma umodong langka Ida Tapolngon ila osep ka itau lokono ma umodue elio itau ka Ida Tapolngon aitno itau ine. Umodue langane deka elio ka langane langka aitno lumu la dagar ke Ida Tapolngon vala.

Pas ka Pol sogoe uti la ke osep Rom ina 15:15

E pelengon leklou ka ngasogoe ke umu langka pelengon dagar. E aitno lungong kro ine kovok. Aurou. Ngawaiki ngasruk aitno lumu kesua batne ke ila makaingan ka dong ke ngong.

1 Korin 2:3

E alo ka ngadong kap umu lou arit kovok. Aurou. Anngong nesik e nganakarkar omba.

1 Korin 4:10

Aitno limi dagar ke Krais deka osep aitno lisak mter langka imi osep ka kaka e umodong langka osep ka umeile omur ke Krais. Limem arit kovok e lumu arit omba. Angainmi daudeng e angainmu omba.

1 Korin 4:21

E umawaiki ma ngadue elio ka lange? Umawaiki ma ngadue kanda e ma ngaules umu ine koke aurou? Koke umawaiki ngauti ke umu e ngong lana ngong ke umu e aitno lungong epen ke umu?

2 Korin 10:10

Osep leklou tiwai langane. “Pol sogo pelengon ka dagar ke ila pas keniye e alo ka iye polou ke amtada itavati iye langka ila arit kovok e elio ka iye wai ke osep are wan adai vala.”

2 Korin 10:2

E ngawai ke umu ma umaplau umu itau lama alo ka ngapolou ke umu ngawai dagar lokono ke umu. Eriar langka ngawai dagar lokono ke osep ka aitno lisak mter imedidi elio isuk isuk ka taklak ane ina.

2 Korin 10:7

Umawade elio bitna bitna ka umavati. Langka gute gesa aitno mter iye Krais ila gute ma aitno mter langane blang. Imi Krais ila osep eriar langka iye Krais ila gute.

2 Korin 11:21

Osep tonari tidue elio langane ke umu e imakaranga imodue langane blang kovok. Deka lange? Ma ngong mnak ngong ine? E dau langka gute gesa wai dagar ke ila elio e kakai angaine ine ma ngong blang ngawai dagar ke lou elio. Ngawai langka ngong gute ka kaka.

2 Korin 11:30

Ngakakai angain ngong ke wan pula kovok. Aurou. E langka ngakakai angain ngong io ma ngakakaie kesua lou arit dong kovok.

2 Korin 12:5

Ma ngakakai gute tonari angaine e ngakakai angain ngong kovok. Ngawai lou arit dong kovok e ke wan ane vala ngakaranga ngakakai angain ngong.

2 Korin 3:12

Aitno limi dagar e imapara ke elio oku ina ka Ano Itau due polou deka imanapapra ine e imoulou tarna limi kovok.

2 Korin 5:20

Deka imi Krais ila osep meriang ina. Are langka Ida Tapolngon wai ke osep ke epmi. Deka imepmi umu dagar ke Krais angaine ma aitno lumu kene kap Ida Tapolngon.

2 Korin 6:1

Imoboko kap Ida Tapolngon e ila makaingan polou ke umu deka imawaiki imawai dagar ke umu langane. Umeile umu itau lama aitno lumu mter ila makaingan wan adai vala.

2 Korin 7:4

Ngaile ngakaranga ngawai malak e osuk ke umu. Umodue aitno lungong itau. Aitno lungong dong epen batne ke umu. Agegeng bitna bitna tipolou ke imi e dau aitno lungong neser omba.

Galesia 4:13

E umeile langane. Dangon due ngong alo ka ngame nganapapra omon itau ke umu aling mgongon ina.

Galesia 5:2

Umoklingen. Ngong Pol ngawai ke umu langane. Langka osep tidue elio ulangngan ina ke umu are langka Krais ila bokongon ma lua umu kovok. Aurou lokono.

Efesus 3:1

Ngong Pol nganapapra Ida Tapolngon ila omon itau ke umu ka osep Yuda ina kovok. Deka osep Yuda ina leklou aitno lisak engil lokono ke ngong ine e tidue ngong ngadong ke kalabus ane. Ngadong ine e ngawai itau ke Ida Tapolngon ma iye lua umu.

Efesus 4:1

Osep leklou tidue ngong ngadong ke kalabus ane kesua ngaboko ke Ida Puda ila bokongon. E Ida Tapolngon rere umu ila osep umu deka ngawai dagar ke umu langane. Umodue elio itau ka iye waiki umodue ma lumu elio isuk isuk keniye itau.

Filipai 4:5

Umodue elio molil molil ke osep ka pula keniye ma tivati lumu elio itau kesua isuk boto Ida Puda ma iding me.

Kolosi 1:23

E ma umevri dagar ke aitno lumu ila dagar. Lama wan gesa nak umu e umosongon elio ka umapara ke wan itau lokono. Umonogrum umapara ke wan itau lokono alo ka umoklingen omon itau. Osep tinapapra omon itau ke osep ka pula keniye ka tidong ke taklak e ngong Pol ngapolou omon itau tonari ina gute bokongon ina blang.

2 Tesalonaika 3:17

Ngong Pol ngasogo angain ngong ke pas ane e ngawai “oklou itau” ke umu. Ngasogo langane ke pas ka pula keniye ka ngasogoe. Iye langka nisngen ke pas ka ngasogoe.

Filemon 1:19

Ngong Pol ngasogo pas ane. Ma ngakoli batne ke wan tonari. Ngawai langane lama emtem uli ke lem aglunga omba ke ngong kesua ompolou Krais ila gute batne ke lou bokongon.

Filemon 1:9

E dau ma ngadue langane kovok. Ngapmi wom ine vala kesua ngong lana ngong ke wom. Ngong Pol ngong gute namor e ngong Krais Yesus ila gute meriang ina e ke batne ane osep tidue ngong ngasep ke kalabus.

1 Pita 2:11

Sipmi ka ngong lana ngong ke umu. Umodong ke taklak ane langka osep kaulei e langka osep ka tilila ke omur omur deka ngawai dagar ke umu ma umopul dogur ke elio soulu ka pampamu lumu waiki umodue. Kesua aling aling elio soulu waiki mole umu.

Pelengon kukwopngon 1:9

Ngong Jon e ngong ngagosok umu itodong ke Yesus ila osua. Agegeng ka polou ke umu polou ke ngong blang kesua ngadong langka umu e itodong dagar ke elio ka opru ite. Nganapapra Ida Tapolngon ila pelengon e ngawai pelengon lokono ka la ke Yesus. Deka osep tisapir ngong e tidue ngong ngadong ke aidunu ka angaine Patmos.