2 Korin 1:23 - Aria New Testament

²³ Langka ngawai lokono ke umu kovok ngawaiki Ida Tapolngon mluk ngong ine. Ngauti ke Korin kovok lama lou langan due wan ka opru umu. E ngawaiki ngadue langane kovok.

2 Korin 1:23 ပူးပေါင်းရင်းမြစ်များ

Aposel 18:1

Mase Pol songon Atens e la polou ke armok Korin.

Aposel 18:8

Ari gute Krispus ka duningen ina ninu ina plaungan gosok osep keniye ka tidong ke ila ninu aitno lisak la dagar ke Ida Puda. E silang osep pula ka tidong ke Korin tiklingen Pol ila pelengon deka aitno lisak la dagar ke Yesus e osep tipaunim isak.

Pas ka Pol sogoe uti la ke osep Rom ina 1:9

Eknikane aitno lu-ngong la dagar ke Ida Tapolngon lokono deka ngaboko dagar lokono ma ngapaur ila omon itau ka la ke Otno Arang Yesus la ke osep pula. Ida Tapolngon ile omur oklou aling aling ngawai itau ke iye e ngapmi iye ma iye lua umu. E ngapmi iye ma iye didi aitno e lua ngong blang ma mase ngapolou ke umu.

Pas ka Pol sogoe uti la ke osep Rom ina 9:1

Ngawai pelengon lokono e ngayak kovok. Kesua ngong Krais ila gute bokongon ina. Ano Itau plau aitno lungong ma ngakaranga ngaile elio itau e elio soulu deka ngaile ngayak kovok e ngawai lokono vala.

1 Korin 4:21

E umawaiki ma ngadue elio ka lange? Umawaiki ma ngadue kanda e ma ngaules umu ine koke aurou? Koke umawaiki ngauti ke umu e ngong lana ngong ke umu e aitno lungong epen ke umu?

1 Korin 5:5

Deka umapaur gute tonari ma iye dong ke Satan limla ma Satan due agegeng ke pampamu ine. Umodue langane e alo ka Ida Puda ma polou lokono gute tonari ano ma dong itau kap iye.

2 Korin 1:1

Ngong Pol ngong Krais Yesus ila aposel gesa. Ida Tapolngon didi aitno e rere ngong aposel. Ngong imorwo udo aten Timoti imosogo pas ane uti ke umu ka pula keniye ka umodong ke Ida Tapolngon ila sios ke Korin kap Ida Tapolngon ila osep ke armok keniye ke provins Akaia.

2 Korin 1:18

Eriar langka Ida Tapolngon wai deka iye didi ila pelengon lou pelengon ke umu segesege kovok.

2 Korin 10:2

E ngawai ke umu ma umaplau umu itau lama alo ka ngapolou ke umu ngawai dagar lokono ke umu. Eriar langka ngawai dagar lokono ke osep ka aitno lisak mter imedidi elio isuk isuk ka taklak ane ina.

2 Korin 11:10

Nga-didi Krais ila elio ka iye wai lokono vala deka langane. Ngawai ke osep pula ke elio ka ngapang mani ke umu kovok e gute gesa ke provins Akaia karanga dangdang lou pelengon kovok.

2 Korin 11:11

Aitno lumu lange? Ngapang mani ke umu kovok kesua ngong lana ngong ke umu kovok? Aurou. Ida Tapolngon ile ngong lana ngong ke umu.

2 Korin 11:31

Ngawai lokono e Ida Tapolngon ile ngawai pelengon yakngan kovok. Ma itakakai Ida Tapolngon ka Ida Puda Yesus Timla angaine tito la egim dong vala dong.

2 Korin 12:20

Ma ngapolou ke umu e dau aitno lungong nesik lama lumu elio langka elio ka ngawaiki umodue kovok. E silang blang ngawaiki aitno lumu itau ke lou elio blang. Aitno lungong kro lama ngavati elio soulu ke umu ka langane. Opmu mluk pulu e aitno lumu rim ke osep leklou e aitno lumu nevlik amnga. E aitno lumu mter ke umu kenmu kenmu vala e umawai soulu ke osep e umodue adis. E aitno lumu mter langka umomole osep leklou e umodue elio ulik ulik vala.

2 Korin 13:10

Ngasogo pas ane uti ke umu alo ka ngong dau ngadong mawa ke umu. Ngasogoe batne langane. Ngasogoe lama alo ka ngapolou ke umu lumu elio soulu dau dong e ma ngamosi umu ine. Ida Puda rere ngong ma ngakaranga ngadue elio langane e dau ngawaiki ngalua umu e ngaules umu kovok.

2 Korin 13:2

Alo ka ngadong kap umu aling orwo ina ngawai dagar kodong ke osep ka oglou tidue elio epmes ina e ke osep leklou blang ma tidue langare kovok. Eknikane ngadong mawa ke umu e ngawai ke umu blang langane. Alo ka ngapolou aling silang blang ngasongon umu ma umodue elio epmes ina kovok.

2 Korin 6:6

E Ano Itau lua imi ke limem bokongon deka imodue elio isuk isuk ka itau vala e imedidi ilengen itau. E aitno limi epen e imodue mada ke osep e imi lana imi ke osep e imayak ine kovok.

Galesia 1:20

Ke pelengon ka ngasogoe ke umu ngawai lokono ke Ida Tapolngon bitna e ngayak umu kovok.

Filipai 1:8

Ida Tapolngon ile ngawaiki ngavati umu lokono e ngong lana ngong omba ke umu langka Krais Yesus lana iye ke umu.

1 Tesalonaika 2:5

Umeile langane kodong. E Ida Tapolngon ma palongo ine langane blang. Imawai pelengon langka dikngen ke umu kovok e silang blang imangale lumu wan deka imawai pelengon itau ke umu kovok.

1 Timoti 1:20

Himeneus e Aleksander tidue langane. E ngakar isak ke Satan limla ma iye due agegeng ke isak ma tile langane. Ma tiwai soulu ke Ida Tapolngon kovok.