2 Korin 1:21 - Aria New Testament

²¹ Ida Tapolngon due imi kap umu itodong dagar ke Krais e iye rere ite ila osep ite.

2 Korin 1:21 ပူးပေါင်းရင်းမြစ်များ

Jon 3:34

Kesua gute ka Ida Tapolngon pagei me napapra ila pelengon e Ida Tapolngon due Ano Itau ila arit bon ke iye.

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Pas ka Pol sogoe uti la ke osep Rom ina 16:25

Ma itakakai Ida Tapolngon angaine tito la egim. Kesua iye tona karanga due aitno lite ila dagar kis dagar ke Ida Tapolngon ila omon itau ka la ke Yesus Krais ka nganapapra ine. Oglou ari osep tile omur ke Ida Tapolngon ila omon itau kovok. E eknikane iteile ine kesua Ida Tapolngon lua ite ine.

Pas ka Pol sogoe uti la ke osep Rom ina 8:9

E langka umu io elio oglou ina pagei pampamu lumu kovok. Kesua Ida Tapolngon Ano Itau ka dong ke aitno lumu plau umu vala. E osep ka Krais Ano Itau dong ke aitno lisak kovok isak Krais ila osep kovok.

1 Korin 1:8

Ma Ida Puda due aitno lumu ma aitno lumu dong dagar la lama oklou ka iye ma iding blang. Deka ke alo ari ma Ida Puda Yesus Krais vati elio gesa vri ke ite kovok.

2 Korin 5:5

E Ida Tapolngon kere ite ke mosongon oku ina tonari e iye kar Ano Itau ke ite ka wan mgongon ina ke wan bitna bitna ka mase ma iye kare ke ite.

Kolosi 2:7

Ngawaiki umevri dagar ke iye langka akai ka gigitno tiduru ke taklak aitno e vri dagar ine. E silang blang langka kadanga dong ke taklak e due ninu vri dagar ngawaiki aitno lumu ila dagar due umu umopolou dagar lokono. Eriar langka oglou osep tiparere umu deka eknikane umedidi pelengon tonari e umawai tenkyu ke Ida Tapolngon ke wan ka pula keniye ka iye due ke umu.

1 Tesalonaika 3:13

E ke elio langane Ida Tapolngon ma due aitno lumu dong dagar lokono. Deka alo ka Ida Puda Yesus bauluk me kap ila osep ma iye vati umu umodong itau lokono. Ma umodong itau lokono e lumu elio soulu gesa vri ke umu ke Ida Tapolngon ka Pmada bitna kovok.

2 Tesalonaika 2:17

E ngawaiki iye due aitno lumu tipolou dagar lokono e lua umu ma aling aling umodue elio isuk isuk ka itau e umawai pelengon ka itau vala.

2 Tesalonaika 2:8

Alo ka wan ka dangdange la deka gute ka Ida Tapolngon ina oul kene ina ma polou malak. E Ida Puda ma bauluk me ke ila bublongon omba e ma iye mluk gute tonari ma iye mete.

2 Tesalonaika 3:3

E Ida Puda ila elio langane. Iye wai lokono deka iye didi ila pelengon. E iye ma due umu umevri dagar e plau umu ma Satan karanga due wan soulu ke umu kovok.

Hibru 13:9

Langka osep tiwai ke umu ke pelengon bitna bitna ka eriar langka omon itau kovok umosongon urok pelengon pagolgol aitno lumu kovok. Ma itosongon Ida Tapolngon ila makaingan due aitno lite ila dagar polou dagar lokono. E apu bitna bitna ka la ke ngangon karanga due ite itodong dagar kovok. Langka oglou apu tonari karanga lua osep ka tididi isak kovok.

1 Pita 5:10

Ida Tapolngon iye makaingan batne e iye gi umu ke Krais angaine ma umodong kap iye ke ila bublongon ka dong vala dong. Lama oku ane umanamani agegeng mase ma agegeng yagos e Ida Tapolngon ma due umu umodong itau blang. E iye due aitno lumu ila dagar dong dagar lokono e due umu ma umevri dagar.

1 Jon 2:20

E Ida Tapolngon due Ano Itau sep ke aitno lumu kodong e umu keniye umeile pelengon ka lokono.

1 Jon 2:27

E Krais kar umu Ano Itau ka dong ke aitno lumu kodong. Deka Ano Itau parere umu ke wan keniye ke pelengon ka lokono e ila parerengen lokono e gesa yakngan kovok. Ano Itau parere umu e parerengen ane karanga ke umu. E gute gesa parere umu langane kovok. E eriar langka iye parere umu deka umodong kap Krais vala.

Pelengon kukwopngon 1:6

E iye rere ite ila osep ite e due ite itopolou langka osep loulou ina e itodong langka osep loulou ina ke Ida Tapolngon ka Pmada. Aling aling itakakai angaine tito la egim. E ila arit omba lokono e iye plau wan ka pula keniye. Lokono.

Pelengon kukwopngon 3:18

Deka ngawaiki ngakar pelengon ane ke umu. Lou gol ka eiou ngene ma wan sasi dong ine kovok dong. Are itau ma umekli gol tonari ke ngong deka lumu mani pula dong. E are itau ma umekli klos okou ka kading tarna lumu. Deka osep ma tikaranga tivati umu albus umu kovok e umu mnak umu ine kovok. E itau ma umekli marasin ka umodue sep ke omtomu ma umakaranga umavati omur itau.