2 Jon 1:4 - Aria New Testament

⁴ Ngaklingen titim leklou tididi pelengon lokono langka Pmada wai dagar ine ma itodue. Ngaklingen langane deka aitno lungong neser omba ine.

2 Jon 1:4 ပူးပေါင်းရင်းမြစ်များ

1 Korin 13:6

Ma aitno itau ke elio soulu kovok. Aurou. Aitno itau ke elio itau vala.

Galesia 2:14

Alo ka ngavati isak tididi pelengon lokono ka omon itau kovok ngawai ke Pita ke osep amtarsak langane. “Wom gute Yuda ina e dau emdidi elio langka osep ka isak osep Yuda ina kovok e wom tona emdidi osep Yuda ina inarak apu kovok. E ina lange amwaiki ampagei osep ka isak osep Yuda ina kovok ma tididi osep Yuda ina inarak apu?”

Efesus 5:2

Krais lana iye ke ite omba deka iye mana ke ina akai e mete ine. Iye pli tarna e polou langka sipsip gesa ka osep tidue elio opmu ina ine deka iye mete. Deka ina metengen e ina marau bakop Ida Tapolngon aitno e aitno itau ine. Deka umu lana umu ke osep eriar langka Krais lana iye ke umu. Ma lumu elio tonari langka amnangan itau lokono ka Ida Tapolngon aitno itau ine.

Efesus 5:8

Oglou umodong ke aivoro. E eknikane langane kovok. Kesua umopolou Ida Puda ila osep deka umodong langka Ida Tapolngon ila esluk. Deka umodue elio itau bitna bitna eriar langka osep ka tidong ke bublongon tidue.

Filipai 4:10

Oglou aitno lumu vri ke ngong e umolua ngong ke lou bokongon deka mase umakaranga umolua ngong kovok. E eknikane lumu ekreng dong ma umakaranga umolua ngong blang. Ngadong kap Ida Puda e aitno lungong neser ke lumu luangan tonari.

1 Jon 2:6

Gute gesa ka wai iye dong kap Ida Tapolngon io wan ka itau ma iye due elio isuk isuk langka Yesus due alo ka iye dong ke taklak.