2 Jon 1:3 - Aria New Testament

³ Ida Tapolngon ila makaingan e ila elio ka aitno due ite e ila elio ka due aitno lite epen dong kap ite. Elio tonari me ke Ida Tapolngon ka Pmada e ke Otno Arang Yesus Krais. Elio tonari batne ke pelengon lokono e ke ila elio ka due ite lana ite ke osep leklou.

2 Jon 1:3 ပူးပေါင်းရင်းမြစ်များ

Pas ka Pol sogoe uti la ke osep Rom ina 1:7

­Eknikane ngasogo pas ane uti la ke umu osep Rom ina ka Ida Tapolngon rere umu ila osep. Ngawaiki Ida Tapolngon ka Pmada e Ida Puda Yesus Krais urok makaingan dong kap umu e tidue aitno lumu epen.

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

1 Timoti 1:14

E Ida Puda Krais Yesus makai ngong omba lokono. E iye sruk aitno lungong ma aitno lungong dagar ke iye. E iye due aitno lungong la ke osep leklou blang.

1 Timoti 1:2

Ngasogo pas ane uti ke wom Timoti. Ngaparere wom ke Ida Tapolngon ila pelengon e ompolou langka erigu ke aitno lite ila dagar. Ma Ida Tapolngon ka Pmada orwo Ida Puda Krais Yesus aitno lisak tidue wom e timakai wom e tidue aitno lugom dong epen.

2 Timoti 1:13

Emkis dagar ke pelengon ka ngaparere wom ine e amkana lou elio. Aitno lugom dagar ke Krais Yesus kodong e ngawaiki omdong dagar ine. E ngawaiki wom lana wom ke Ida Tapolngon e ila osep blang.

1 Jon 4:10

Ida Tapolngon lana iye ke ite lokono va. E ite lana ite ke Ida Tapolngon mgo kovok. Aurou. Iye lana iye ke ite mgo deka pagei Otno Arang duru ke taklak ma kli udo elio epmes ina.

2 Jon 1:1

Ngong gute ka ngaplau Ida Tapolngon ila osep e ngasogo pas ane uti ke wom apmang ka Ida Tapolngon rere wom ila apmang e ngasogoe uti ke titim blang. Ngawai lokono langane. Ngong lana ngong ke wom. E osep leklou ka tile pelengon lokono isak lana isak ke wom blang.