1 Timoti 6:9 - Aria New Testament

⁹ E langka osep tiwaiki tidue mani pula vala deka tokngon ma polou ke isak e ma kis isak dagar langka omdu kis ongwa dagar. Deka langka aitno lisak la ke wan bitna bitna are ma due isak manga manga lokono. E elio ane ma due pogle ke isak e tidong sasi lokono.

1 Timoti 6:9 ပူးပေါင်းရင်းမြစ်များ

Matyu 13:22

E wit londo ka tiduru timunu ke galou marak isak eriar langka gute ka klingen Ida Tapolngon ila pelengon e dau aitno kro ke wan bitna bitna ke mosongon ane e aitno itau ke mani. E elio orwo tonari tikading Ida Tapolngon ila pelengon e pelengon karanga due gute ma iye due elio itau kovok.

Matyu 19:22

E alo ka gute auram klingen Yesus ila pelengon iye la e aitno soulu ine kesua ila brokngon pula lokono.

Matyu 26:15

E wai ke isak langane. “Ma umakar mani sesue ke ngong langka ngalai Yesus ina ke umu?” E tikar iye mani silva iseklu ine.

Matyu 6:19

“E umokum wan ka itau lokono ke umu ke taklak ane kovok. Kesua ke taklak kokros e ros tidue agegeng ke wan. E osep panakongon ina tisep ke ninu e tipanako wan.

Mak 4:19

E mase aitno lisak kro ke elio bitna bitna ka taklak ina e aitno lisak mter ke mani. E tiwaiki tidue wan isuk isuk ma urok wan pula pula. Deka pelengon tonari karanga lua isak ke urok elio isuk isuk kovok.

Luk 12:21

E eriar langane ke osep ka tidue wan bitna bitna ke taklak e dau Ida Tapolngon ile isak langka urok wan ka itau lokono dong ke bitna kovok.”

Luk 21:35

Kesua elio tonari ma polou ke osep ka pula keniye ka tidong ke taklak.

Aposel 8:20

Iye wai langane deka Pita koli wai langane. “Ai aitno lugom lange ma amwaiki lem mani kli wan ka Ida Tapolngon soro ine ke ite? Ma agegeng due wom kap lem mani deka ma wom yagos.

Efesus 4:22

Deka umosongon lumu elio epmes ina bitna bitna ka oglou tiplau umu. Umosongon elio tonari kesua elio epmes ina bitna bitna tonari due aitno lumu soulu lokono e paiavu umu.

1 Timoti 1:9

Bokongon ka Moses ila sogongon due langka lua osep ka tidue elio itau kovok. Aurou. Ane ma lua osep ka tipul dogur ke Moses ila sogongon e tididi elio ka aitno lisak vri ke isak vala. E lua osep ka tipul dogur ke Ida Tapol-ngon e tidue elio epmes ina. E lua osep ka tididi Ida Tapolngon ila pelengon kovok e tididi ilengen ka taklak ina vala. Moses ila sogongon langka wai dagar ke osep ka timluk sipmarak e titnarak ma timete e osep ka tipagam osep.

1 Timoti 3:7

Langka osep ka tidong ke dogur aitno lisak itau ke gute gesa iye karanga polou plaungan gesa. E langka gute dong langane kovok ane langka iye sin ke Satan ila omdu e ina mnakngan omba.

1 Timoti 6:10

Elio ka aitno lite la lokono ke mani ane elio soulu bitna bitna batne. Osep leklou aitno lisak la ke mani e elio langane ma nak isak e tisongon aitno lisak ila dagar deka agegeng ma due isak e tinamani ine.

1 Timoti 6:17

Ma amwai dagar ke osep ka urok mani pula ke taklak ane ma tikaranga tikakai angainsak kovok. Ma aitno lisak la ke wan ka paide okus langka mani kovok. E ma aitno lisak dagar lokono ke Ida Tapolngon. Kesua iye kar ite wan bitna bitna pula ka due aitno lite neser.

2 Timoti 2:26

Eknikane tidong langka tisep ke Satan ila aure e tididi Satan aitno vala. E langka tiklingen pelengon lokono deka aitno lisak karanga polou malak e tikaranga tikos ke Satan ila mangai.

Taitus 2:12

Ida Tapolngon ila makaingan nis ite ke elio ka itopul dogur ke elio ka Ida Tapolngon aitno soulu ine. E nis ite ma itepli elio soulu bitna bitna ka taklak ane ina. E nis ite ma itaplau ite itau e itodue elio itau vala ka Ida Tapolngon aitno itau ine alo ka itodong ke taklak ane.

2 Pita 2:3

Osep parerengen yakngan ina tiwaiki tidue mani pula e tiwai basikngen adai ma tidue lumu mani ine. E ke oglou lila me Ida Tapolngon dong para e isuk boto ma iye wade isak e due agegeng ke isak.

Pas ka Jut sogoe 1:11

Aisudo. Isak ma tidong soulu va. E tikana elio ka oglou gute Kein due. E aitno lisak la ke mani langka oglou gute Balam aitno la ke mani deka tidue elio bitna bitna ma tidue mani ine. E tipul dogur ke Ida Tapolngon langka oglou gute Kora pul dogur ke Ida Tapolngon. Deka ke elio tonari Ida Tapolngon due agegeng ke isak e timete ine.