1 Timoti 6:3 - Aria New Testament

^3-4 Ida Puda ila pelengon parere ite ke Ida Tapolngon ila elio. Langka gute gesa songon pelengon ane e parere osep ke pelengon silang blang ka eriar langka Ida Puda Yesus Krais ila pelengon kovok deka emile langane. Gute tonari aitno itau ke iye tona e tala klingen kovok. E iye ile omur gesa kovok. Aitno soulu e iye waiki tuk pelengon e mole osep leklou urok pelengon. Elio langane ma due osep aitno lisak rim e aitno lisak soulu ke osep leklou. E tiblou osep leklou dogursak e aitno lisak mter osep leklou tidue elio soulu.

1 Timoti 6:3 ပူးပေါင်းရင်းမြစ်များ

Matyu 22:21

E tikoli tiwai Sisar ano e angaine dong ine. Deka Yesus wai ke isak langane. “Umakar Sisar ila wan ke iye e langane blang umakar Ida Tapolngon ila wan ke iye.”

Matyu 28:20

E umaparere isak ma tini wan ka pula keniye ka ngawai dagar ke umu ine. E ma ngadong kap umu e ngalua umu aling aling la lama taklak ane yagos.”

Pas ka Pol sogoe uti la ke osep Rom ina 16:17

Sipmi. Ngawaiki ngawai dagar ke umu langane. Umeile umu itau lama supmu leklou tipagolgol aitno lumu ila dagar ke pelengon yakngan. Kesua tiwaiki urok pelengon yakngan pono aitno lumu ke pelengon ka lokono ka aitno lumu la dagar ine kodong. E umu ma umodong mawa ke osep ka tidue elio langane. Lama urok pelengon ka soulu due aitno lumu ma aitno lumu kene pulu kovok.

1 Tesalonaika 4:8

E gute ka pli pelengon ane iye langka pli osep urok pelengon vala kovok. Aurou. Iye pli Ida Tapolngon ka kar Ano Itau ke ite ila pelengon.

1 Timoti 1:10

E wai dagar ke osep ka tidue elio okwa e ke osep arang ka tidue elio pulu langka osep Sodom ina tidue. E apmang blang ka tidue langane. E wai dagar ke elio ka osep tipanako osep leklou ma tidue burong ke isak. E wai dagar ke osep yakngan ina e osep ka tiyakyak alo ka tiwai urok pelengon lokono. E ke osep leklou ka tidue wan bitna bitna ka dar Ida Tapolngon ila pelengon ka wai ke elio ka osep Kristen ma tidue.

1 Timoti 1:3

Eknikane ngawai ke wom eriar langka oglou ngawai ke wom alo ka ngala ke provins Masedonia. Ngawaiki ma omdong dau ke armok Efesus ma amwai pelengon dagar ke osep leklou. Isak osep ka tiwai pelengon yakngan alo ka tiparere Ida Tapolngon ila osep. Amwai ke isak ma tiparere osep langane kovok.

1 Timoti 1:6

E osep leklou tisongon elio tonari e eknikane tidong manga manga isak ke pelengon yakngan bitna bitna vala.

2 Timoti 1:13

Emkis dagar ke pelengon ka ngaparere wom ine e amkana lou elio. Aitno lugom dagar ke Krais Yesus kodong e ngawaiki omdong dagar ine. E ngawaiki wom lana wom ke Ida Tapolngon e ila osep blang.

2 Timoti 4:3

Kesua mase osep ma tiwaiki tiklingen pelengon ka lokono kovok. Aurou. Ma tiwaiki tiklingen pelengon bitna bitna ka didi aitno lisak vala. E tidue osep parerengen ina ka tiparere isak ke pelengon ka tiwaiki tiklingen ine.

Taitus 1:1

Ngong Pol ngong Ida Tapol-ngon ila gute bokongon ina gesa e ngong Yesus Krais ila aposel gesa. Iye rere ngong e pagei ngong ngala ngadue osep ka Ida Tapolngon rere isak ila osep ma aitno lisak ila dagar dong dagar. Deka ngadue isak ma tile omur ke pelengon lokono e aitno lisak la dagar ine e tididi Ida Tapolngon ila elio itau.

Taitus 1:9

Iye kis Ida Tapolngon ila pelengon ka lokono ka oglou osep tiparere iye ine dagar. Iye due langane deka iye karanga parere osep ke pelengon lokono ma osep aitno lisak dagar ine. E iye karanga wai dagar ke osep ka tiwaiki tituk pelengon tonari ma tile omur urok pelengon yakngan vala.

Taitus 3:8

Pelengon ane lokono lokono. Ngawaiki amwai pelengon dagar ke osep ka pula keniye ka aitno lisak dagar ke Ida Tapolngon. Amwai ke isak ma aling aling tidue elio itau vala. Tidue elio isuk isuk ka itau ma tilua osep pula ine.