1 Timoti 6:2 - Aria New Testament

² Langka osep ka tiplau osep ka isak wokboi nating isak osep Kristen deka ma osep bokongon ina tidue markan ke isak kovok. Ma tituk urok pelengon kovok. E ma aitno lisak mter langane. Gute ka ngaboko ke iye io iye Kristen blang deka ma aitno lungong itau lokono ke iye. Ma amnapapra pelengon ane ke osep e amparere isak ine.

1 Timoti 6:2 ပူးပေါင်းရင်းမြစ်များ

Matyu 23:8

E umosongon osep tisir umu gute parerengen ina kovok kesua lumu gute parerengen ina kene vala dong e umu keniye umodong eriar.

Matyu 25:40

Deka gute ka vri mgo ke omur ma koli wai ke isak langane. ‘Ngawai lokono ke umu. Alo ka umodue elio tonari ke osep ke lou osua lama angainsak daudeng e tidong moli ke osep leklou umodue ke ngong blang.’”

Matyu 6:24

“Gute karanga boko ke osep orwo urok bokongon ke aling kene kovok. Aurou. Ma aitno itau ke gute kene e aitno soulu ke gute silang koke iye klingen gute kene ila pelengon e pli gute silang ila pelengon. Umakaranga umoboko ke Ida Tapolngon ila bokongon e umoboko ke mani ke aling kene kovok.”

Aposel 1:15

Alo ari Pita vri airavu ke osep ka tiduni pulu ke ninu tonari. Osep tonari inarak sasa langka 120.

Pas ka Pol sogoe uti la ke osep Rom ina 11:17

E langane. Osep Israel ina isak langka akai oliv ka itau lokono. E Ida Tapolngon tuktuk akai tonari tetna leklou. Deka umu ka osep Yuda ina kovok umu langka akai oliv adai ka omong aitno ina tetna. E Ida Tapolngon due umu umenepir ke akai oliv ka itau ma umakasip akai tonari tetna ka iye tuktuk isak amunsak. Deka eknikane Ida Tapolngon ila kerengen ka dong ke osep Israel ina me duru dong ke umu blang.

Pas ka Pol sogoe uti la ke osep Rom ina 8:29

Oglou ari Ida Tapolngon rere ite kodong ma itopolou eriar langka Otno Arang Yesus. Iye rere ite deka Yesus ina saiver ite e ida tovro iye.

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

Efesus 1:1

Ngong Pol ka Ida Tapolngon rere ngong Krais Yesus ila aposel gesa e ngasogo pas ane. Ngasogoe uti la ke umu ka Ida Tapolngon ila osep ka umodong dagar lokono ke Krais Yesus ka umodong ke armok Efesus.

Efesus 1:15

E langane. Ngaklingen ko-dong ke elio ka aitno lumu ila dagar la ke Ida Puda Yesus e ke elio ka umu lana umu ke Ida Tapolngon ila osep keniye.

Efesus 3:6

Deka langane. Pelengon lokono ka Ida Tapolngon aitno mter ine e palongo osep ine kovok la ke Krais. Ida Tapolngon ila omon itau ka la ke Krais due osua ka isak osep Yuda ina kovok tineklep ke osua ka isak osep Yuda ina. Deka osua kene vala dong. E iye lua osua ka kene ke ila promis ka oglou iye wai promis ke osua ka isak osep Yuda ina ine. Ida Tapolngon wai promis kodong e Krais Yesus due promis tonari polou lokono.

Kolosi 1:2

Imosogo pas ane uti ke umu ka Ida Tapolngon ila osep ka umodong ke armok Kolosi. Umu ka sipmi aitno lumu ila dagar dong dagar ke Krais. Ida Tapolngon ka Pmada ila makaingan dong kap umu e due aitno lumu dong epen.

Kolosi 1:4

Kesua imorwo imeklingen pelengon ke umu langane. Ime-klingen aitno lumu la dagar ke Krais Yesus e umu lana umu ke Ida Tapolngon ila osep ka pula keniye.

Kolosi 4:1

Umu ka umaplau osep ka tidue lumu bokongon umodue elio ka itau e osuk ke isak. Kesua umeile omur Upu Puda dong ke omur heven blang.

2 Tesalonaika 1:3

Sipmi. Aling aling imawai tenkyu ke Ida Tapolngon e iye sruk aitno limi ma imawai itau ke umu. E elio ane ka itodue iye elio itau. Kesua aitno lumu ila dagar polou dagar lokono e umu lana umu pulu deka aling aling elio langane res polou omba lokono. E Ida Tapolngon waiki itodue elio langane. E ma imakakai Ida Tapolngon angaine tito la egim ine.

1 Timoti 4:11

Amkar pelengon ane ke Ida Tapolngon ila osep e amparere isak ine ma tididie.

1 Timoti 5:1

Langka gute namor due elio soulu amwai pelengon amnga ke iye kovok. Aurou. E ommosi iye ke pelengon molil molil vala e omdue anit ke iye langka iye ngap abo. E omdue elio itau ke osep arang ka isak dau auram langka omdue ke ngap saiver e ngap titovro.

Taitus 2:1

Deka Taitus. Alo ka amparere osep amparere isak ke pelengon lokono vala.

Taitus 2:15

Deka Taitus. Aling aling amparere osep ke pelengon ane e omsruk aitno lisak ma tididie. E amwai dagar ke osep ka tididie itau kovok. Omdue langane ma osep tidue anit ke wom.

Taitus 3:8

Pelengon ane lokono lokono. Ngawaiki amwai pelengon dagar ke osep ka pula keniye ka aitno lisak dagar ke Ida Tapolngon. Amwai ke isak ma aling aling tidue elio itau vala. Tidue elio isuk isuk ka itau ma tilua osep pula ine.

Hibru 3:1

Sipmi. Umu ka Ida Tapolngon ka dong ke omur heven rere umu ila osep e ma umodong kap iye ngawai ke umu langane. Aitno lumu mter ke Yesus ka aitno lumu dagar ke iye. Ida Tapolngon pagei iye ma iye polou udo gute loulou ina ka mgo.

Hibru 3:14

Aitno lite tidong dagar ke Krais langka tidong dagar alo ka mgongon aitno lite la dagar ke iye. Langka itodue langane la lama alo ka itemete deka ma itodong kap Krais.

1 Pita 5:1

Ngawai ke umu ka sios ina plaungan. Ngong blang gute plaungan ina e ngavati osep tidue agegeng ke Krais. E mase alo ka Krais me ma ngadong kap iye ke ila bublongon. Deka ngawai ke umu dagar langane.

2 Pita 2:10

E lokono iye ules osep ka tididi pampamu lisak e tidue elio isungon ka soulu lokono e osep ka tiwaiki tini Ida Tapolngon ila pelengon kovok. Osep parerengen yakngan ina ane tiwaiki tikakai isak tona angainsak e tiwaiki tididi aitno lisak vala. Tiwai soulu ke ensel ka omur heven ina e tiulou tarna lisak ine kovok.

Pas ka Jut sogoe 1:8

Osep yakngan ina ka tisep ke sios timunu kudung ansak deka elio ka ansak ina sruk aitno lisak. Isak langka osep tonari. Deka tidue elio soulu lokono ke pampamu lisak e tipul dogur ke Ida Tapolngon ma iye plau isak kovok e tiwai soulu ke ensel ka tidong ke omur heven.