1 Timoti 5:8 - Aria New Testament

⁸ Langka gute gesa plau tna e timla e ila osua blang kovok ane langka iye songon aitno ila dagar kodong. E osep ka tile ke Ida Tapolngon kovok urok elio mole ila elio. Kesua tidue elio langane kovok.

1 Timoti 5:8 ပူးပေါင်းရင်းမြစ်များ

Matyu 18:17

E langka iye klingen lumu pelengon kovok deka umapalongo sios ine e langka iye dau klingen lumu pelengon kovok io ma iye dong ke umu langka gute ka ile Ida Tapolngon kovok koke gute ka due takis.”

Matyu 7:11

Lumu elio soulu e dau umakar wan itau ke titopmu. E Pmomu ka dong ke omur heven ma iye kar wan itau ke osep ka tipmi iye ine.”

Jon 15:22

“Langka ngame e ngawai ke isak ke urok elio epmes ina kovok urok elio epmes ina vri ke isak e munu pes isak kovok. E ngame e ngawai ke isak ine e oku ane tikaranga tikukwop urok elio soulu kovok.

1 Korin 6:6

Ina lange gute Kristen kene paur ila aten ka Kristen blang la ke kot e lasu ke osep ka aitno lisak dagar ke Krais kovok amtarsak?

2 Korin 12:14

Oglou ngapolou ke umu aling orwo kodong e oku ane ngawaiki ngadue lou langan eklu ina ke umu. E alo ka ngapolou ma ngapang wan bitna bitna ke umu kovok. Aurou. Ngawaiki ngalua umu vala. Umeile agau tikere wan ke sipmarak e titnarak kovok. Aurou. Sipmarak e titnarak tikere wan ke titorok vala.

2 Korin 6:15

Koke Krais e Satan tikaranga tidong kene pulu? Koke gute ka aitno dagar ke Ida Tapolngon e gute ka aitno dagar kovok tikaranga tidong kene pulu? Aurou lokono.

Galesia 6:10

E alo ka itakaranga itodue elio itau ke osep leklou ma itodue. Itodue elio itau ke osep ka pula keniye e wan ka itau lokono itodue elio itau ke Ida Tapolngon ila osep.

2 Timoti 2:12

Langka itodong dagar ke elio ka opru ite mase ma itaplau osep kap Krais. E langka itopul dogur ke Krais mase ma iye pul dogur ke ite.

2 Timoti 3:5

Ma tiwai aitno lisak dagar ke Ida Tapolngon e tiyakyak vala. E urok mosongon ma nis ite Ida Tapolngon ila arit dong ke isak kovok. E Timoti ngawaiki omdong mawa ke osep ka tidue elio langare.

Taitus 1:16

Tiwai langane. “Imeile Ida Tapolngon.” E dau urok elio ka tidue iye nisngen langane. Tipul dogur ke Ida Tapolngon kodong. Tididi Ida Tapolngon ila pelengon kovok e tikaranga tididi elio itau gesa kovok. Deka Ida Tapolngon aitno engil lokono ke isak.

2 Pita 2:1

E oglou osep napaprangan yakngan ina tidong kap osep Israel ina. E eriar langane osep parerengen yakngan ina ma tipolou ke umu blang e tibisi urok pelengon yakngan e tiwaiki tinak umu ma umedidi urok pelengon. Tiwaiki urok pelengon yakngan due pogle ke aitno lumu ila dagar. E tipul dogur ke Ida Puda ka kli urok elio epmes ina deka suong ma Ida Tapolngon koli urok elio soulu e due agegeng ke isak.

Pas ka Jut sogoe 1:4

E oku ane osep yakngan ina leklou tisep ke sios. Ke oglou kodong Ida Tapolngon wai ke isak ma tikluk ke omur hel. Osep tonari tipul dogur ke Ida Tapolngon e tiwaiki tipalele ila makaingan deka tiwai langane. “Langka itodue elio epmes ina bitna bitna are wan gesa kovok kesua Ida Tapolngon ma makai ite.” Tiwai langane e tipul dogur ke Ida Puda Yesus Krais ka iye Ida Plaungan.

Pelengon kukwopngon 2:13

‘Ngaile omur ke armok ka umodong ine. Satan ila kova dong ke armok tonari. E ke oglou lila me aitno lumu dong dagar ke ngong e umosongon aitno lumu ila dagar kovok. Umodong dagar lama oglou osep timluk gute Antipas ma iye mete. Iye dong kap umu e napapra lou pelengon e didie deka osep timluk iye ma iye mete. Iye mete ke lumu armok ka Satan dong ine.’”

Pelengon kukwopngon 3:8

Ngaile elio bitna bitna ka umodue kodong. Ngaile lumu arit sasi boto e umedidi lou pelengon e umopul dogur ke ngong kovok. Deka umoklingen. Ke omtomu ngaklok ekreng bitna e gute gesa karanga divae kovok.