1 Timoti 5:5 - Aria New Testament

⁵ Langka apmang ka sasap batne tidong kensak vala ma apmang tonari tidue elio langane. Ma aitno lisak dagar lokono ke Ida Tapolngon ma iye lua isak e kere isak itau. Deka ke oklou e ke epmes ma tiwai itau ke Ida Tapolngon e tipmi iye ma iye lua isak.

1 Timoti 5:5 ပူးပေါင်းရင်းမြစ်များ

Luk 18:1

Deka Yesus wai pelengon ano ke ila disaipel ma tile langane. Aling aling ma tiwai itau ke Ida Tapolngon e meingen isak ine kovok.

Luk 18:7

Aitno lumu lange? Ma Ida Tapolngon lua e kere osep ka iye rere isak ila osep alo ka tiwai itau ke iye ke oklou e epmes koke aurou? Ma iye dong tauni deka lua isak koke aurou?

Luk 2:37

Deka ila boget mete e Ana dong asap batne la lama alo ka ina tobor polou 84. E aling aling iye dong ke Ida Tapolngon ila ninu e songone kovok. Iye pli ina ngangon ma aitno la ke Ida Tapolngon e wai itau ke iye e lotuim iye ke oklou e epmes.

Aposel 26:7

Oglou kodong imi osep Yuda ina limem osua songotno orwo aitno lisak dagar ke Ida Tapolngon ila promis. Langka oklou e epmes tilotuim Ida Tapolngon vala. Silang blang tipara ke alo ka Ida Tapolngon didi ila promis tonari. E gute ka vri mgo ngawai langane. Eknikane osep Yuda ina tisin elio vri ke ngong batne aitno lungong dagar langane blang.

Aposel 6:1

Alo ari osep ka aitno lisak dagar ke Yesus tires tipolou pula. Osep Yuda ina leklou ka tiwai pelengon Grik tingurngur ke osep Yuda ina ka tiwai pelengon Hibru urok elio. Tiwai langane. “Aitno limi kro kesua oklou aling aling umolua osep ka inarak ngangon isuk boto e umolua limem apmang sasap batne langane kovok.”

Aposel 9:39

Pita klingen urok pelengon deka iye tito e la kap isak. Tididi ekreng e tipolou ke Dorkas ila ninu deka tipaur Pita tito ke ninu ina eliang ka dong egim. Apmang ka sasap batne tivri olwo boto ke Pita e tikngis ke Dorkas deka tinis iye ke klos e molo ka oglou Dorkas due.

Aposel 9:41

Deka Pita kis limla e lua iye tito vri deka Pita gi Ida Tapolngon ila osep ma time tisep ke eliang. Osep tonari leklou isak apmang sasap batne. Deka time tisep ke eliang e tivati Dorkas dong blang.

Pas ka Pol sogoe uti la ke osep Rom ina 1:12

E lumu elio ka aitno lumu la dagar ke Ida Tapolngon e lou elio ka aitno lungong la dagar ke Ida Tapolngon ma lua ite pulu ma due aitno lite dagar lokono.

Pas ka Pol sogoe uti la ke osep Rom ina 1:5

E silang blang langane. Ida Tapolngon makai imi e rere imi ma imi ila aposel leklou batne Yesus dong. Iye rere imi ma imapaur ila omon itau la ke osep ka pula keniye ka tidong ke omur pula. Iye rere imi kesua iye waiki ma osep ka pula keniye aitno lisak la dagar ke ila pelengon e ma tididie.

1 Korin 7:32

Ngawaiki ma taklak ina wan bitna bitna due aitno lumu kro ine kovok. Gute ka gi kovok aitno dagar ke Ida Puda ila elio bitna bitna. Iye waiki due elio ka Ida Puda aitno itau ine.

1 Korin 7:34

Deka aitno orwo. E apmang bela e apmang leklou ka tigi kovok aitno lisak dagar ke Ida Puda ila elio. Tiwaiki pampamu lisak e aitno lisak la ke Ida Puda vala. E apmang ka gi aitno mter ke wan bitna bitna ka taklak ane ina e iye waiki due elio ka ila boget aitno itau ine.

Efesus 6:18

Alo ka Ano Itau due aitno lumu e waiki umawai itau ke Ida Tapolngon ma iye lua umu ke lumu elio isuk isuk deka umawai itau ke iye. E oklou aling aling umeile umu itau e umawai itau ke Ida Tapolngon e umosongon elio ane kovok. E silang blang langane. Umawai itau ke Ida Tapolngon ma iye lua ila osep ke urok mosongon.

Filipai 4:6

Aitno lumu kro ke wan gesa kovok. Aurou. Aling aling umepmi Ida Tapolngon ke wan bitna bitna ka ma lua umu. E silang blang umawai tenkyu ke wan ka pula keniye ka iye due.

1 Timoti 2:1

E ngawai ke wan ka omdue mgo langane. Amwai ke osep ma itawai itau ke Ida Tapolngon e itepmi iye ma iye lua osep ka pula keniye. E itawai tenkyu ke wan ka pula keniye ka iye kare ke ite.

1 Timoti 5:16

Langka apmang sasap batne tidong ke apmang gesa ka Kristen ila osua ma iye kere isak itau. E osep ka sios ina ma tikere apmang sasap batne tonari kovok. Kesua urok osua tidong tiplau isak. Deka osep ka sios ina ma tikaranga tikere apmang ka sasap batne lokono ka dong kene vala.

1 Timoti 5:3

Langka apmang ka sasap batne tidong kensak vala deka omdue elio itau ke isak.

2 Timoti 1:3

Oglou lou seia tidue Ida Tapolngon ila bokongon e urok bokongon itau e osuk ke bitna e wan gesa vri ke isak ine kovok. E eknikane ngong blang langane. Aling aling aitno lungong itau ke wan ka Ida Tapolngon due e ke oklou e epmes ngawai itau ke Ida Tapolngon ke wom e omtongu sisir wom.

1 Pita 3:5

Oglou apmang ka aitno lisak dagar ma Ida Tapolngon didi ila promis tibares isak langane. Tini urok soboget.