1 Timoti 5:18 - Aria New Testament

¹⁸ Kesua Ida Tapolngon ila pelengon wai langane. “Umu ma umopono bulma-kau ene alo ka kamla pes wit tarna e kokloke la ko-vok. Ma iye karanga ngen gesa.” E Ida Tapolngon ila pelengon wai silang langane. “Gute bokongon ina iye ka-ranga due ina klingen ke ila bokongon.”

1 Timoti 5:18 ပူးပေါင်းရင်းမြစ်များ

1 Korin 9:14

Deka langane. Ida Puda kar pelengon langane ke ite. “Osep ka tinapapra omon itau tikaranga tidue inarak ngangon e wan bitna bitna ke osep ka tinapapra omon ke isak.”

Luk 10:7

E alo ka umodong ke armok umodong ke ninu kene vala e umala ke ninu ninu kovok. E umangen e umeinim wan ka tikare ke umu. Kesua gute bokongon ina karanga due ina klingen ke ila bokongon.”

Matyu 10:10

E alo ka umelila umakalke lumu kerka koke molo silang koke su koke matu kovok. Langka osep tiboko ke osep leklou io osep leklou tonari ma tikar ngangon ke isak.”

Jems 4:5

Ida Tapolngon ila pelengon wai langane. “Ida Tapolngon kar Ano Itau ke ite deka Ano Itau aitno kro ke ila osep lama aitno lisak la ke wan ka taklak ina vala.” Aitno lumu lange? Ida Tapolngon ila pelengon tonari pelengon adai? Aurou.

Pas ka Pol sogoe uti la ke osep Rom ina 10:11

Ida Tapolngon ila pelengon wai osep keniye ka aitno lisak dagar ke Inarak Luangan Yesus ma isak mnak isak ine kovok.

Pas ka Pol sogoe uti la ke osep Rom ina 9:17

Ke Ida Tapolngon ila pelengon iye wai ke Fero langane. “Ngadue wom emvri mgo ke omur Isip. Ngadue lang-ane kesua batne ma osep ka pula keniye ke taklak ka pula keniye tivati lou arit ka ngadue ke wom. E ma osep pula tikakai angain ngong tito la egim ine.”

Galesia 3:8

Ke oglou lokono Ida Tapolngon ile langane. Mase osep ka isak osep Yuda ina kovok ma aitno lisak la dagar ke omon itau. Deka elio langane polou e iye due isak ma tipolou itau lokono ke bitna. Oglou iye palongo Abraham ke omon itau e Ida Tapolngon ila pelengon wai langane. “Mase ma ngakere osep ka pula keniye itau batne ke wom.”

Pas ka Pol sogoe uti la ke osep Rom ina 11:2

Ke oglou kodong Ida Tapolngon rere isak ila osep. E iye karanga pul dogur ke isak kovok. Lange? Umeile ke basikngen ke gute Elaija ka dong ke Ida Tapolngon ila pelengon kovok? Umeile ine. Elaija wai ke Ida Tapolngon e sin elio vri ke osep Israel ina langane.

Pas ka Pol sogoe uti la ke osep Rom ina 4:3

Ida Tapolngon ila pelengon wai ke ite ke elio ka due Abraham polou itau e osuk ke bitna. Ila pelengon wai langane. “Abraham aitno dagar ke Ida Tapolngon vala. E ari Ida Tapolngon due polou itau e osuk ke bitna kesua batne Abraham aitno dagar ke iye.”