1 Timoti 4:6 - Aria New Testament

⁶ Timoti langka ampalongo pelengon ane ke sudo ma omdong langka Krais Yesus ila gute bokongon ina. Ma omdue arit ka ombatno ke Ida Tapolngon ila pelengon ka aitno lugom dagar ine e ke parerengen ka itau ka emklingen e emdidie.

1 Timoti 4:6 ပူးပေါင်းရင်းမြစ်များ

Matyu 13:52

E Yesus wai ke isak langane. “Deka osep ka tile itau ke Moses ila sogongon e silang blang tile itau ke elio ka Ida Tapolngon plau osep isak langka gute ka dong ke ila ninu. Iye la ke eliang ka ila wan itau lokono dong ine e iye due wan itau ka oku ina e wan itau ka oglou ina.”

Luk 1:3

E aitno lungong mter are itau ma ngong blang ngasogo ine kesua ngaboko engil ma ngaile omur ke wan ka polou batne la gurno. E ngasogo pelengon ane ke wom gute namor Tiofilus.

Aposel 1:15

Alo ari Pita vri airavu ke osep ka tiduni pulu ke ninu tonari. Osep tonari inarak sasa langka 120.

Aposel 20:31

E eknikane umeile umu itau lokono lama elio soulu polou ke umu. Umoklingen. Ngakar pelengon dagar ke umu oklou aling aling iding ke tobor eklu e aitno lungong vri ke umu e ngakngis ke umu.”

Aposel 20:35

Lou bokongon keniye nis umu langka itoboko dagar itakaranga itolua osep ka tikaranga tilua isak tona kovok. Omtomu sisir Ida Puda Yesus wai langane. ‘Langka osep tikar ite wan aitno lite neser isuk boto ine. E langka itosoro wan ke osep e batne kovok aitno lite neser omba ine.’”

Pas ka Pol sogoe uti la ke osep Rom ina 15:15

E pelengon leklou ka ngasogoe ke umu langka pelengon dagar. E aitno lungong kro ine kovok. Aurou. Ngawaiki ngasruk aitno lumu kesua batne ke ila makaingan ka dong ke ngong.

1 Korin 4:17

E ngapagei gute Timoti uti ke umu. Iye langka erigu e aitno lungong itau lokono ke iye e iye didi Ida Puda ila pelengon keniye. Ma iye sruk aitno lumu ke elio ka ngadue kesua nganeklep ke Krais. Elio ka langka nganapapra Yesus ila osep ke sios pula e ke armok ka pula keniye ma tididie.

2 Korin 11:23

Tiwai langka isak Krais ila osep bokongon ina i? Ma ngawai langka gute ka kaka. Ngong Krais ila gute bokongon ina e ngamole isak. Ngaboko engil lokono e aling pula osep tidue ngong ngasep ke kalabus e aling pula osep timluk ngong omba e aling pula isuk boto ngamete.

2 Korin 3:6

Iye vala due imi imopolou ila osep bokongon ina ke kontrak oku. Kontrak oku iye wan ka tisogoe ke buk kovok. Aurou. Iye wan ka me ke Ano Itau. Kesua wan ka tisogoe ke buk paur metengen e wan ka me ke Ano Itau kar mosongon ka dong vala dong ke osep.

2 Korin 6:4

Aurou. Imodue elio itau vala ka nis osep imi Ida Tapolngon ila osep bokongon ina. Imodong dagar lokono alo ka agegeng e wan soulu e wan polou ka opru imi.

Efesus 6:21

Ite lana ite ke gute Tikikus e iye boko dagar ke Ida Puda ila bokongon. Ma iye uti polou ke umu deka ma iye palongo lumu ke lou mosongon. Ma umeile ke lou elio isuk isuk e ke elio bitna bitna ka polou ke ngong.

Filipai 2:20

Kesua gute gesa dong kap ngong ka dong langka Timoti kovok. Timoti aitno kene kap ngong e iye waiki kere umu langka ngawaiki ngakere umu.

Filipai 2:22

E umeile Timoti ila elio itau. Umeile iye boko kap ngong alo ka imanapapra omon itau. Iye boko kap ngong langka gute otno arang boko kap iye ke ila bokongon.

Filipai 3:16

E ma aling aling itodong itodue elio itau ka itekise kodong.

Kolosi 2:19

Osep ka langare tisongon elio ka tikis dagar ke Krais ka iye mgo ke ila osep ka pula keniye. Krais langka otuk lite e ite pampamu ine. Krais kar ngangon ke ite e ila arit due ite itodong kene pulu ma itopolou dagar langka Ida Tapolngon waiki itopolou dagar. Itopolou dagar langka pampamu lite ina papalma bitna bitna due pampamu lite dong dagar.

Kolosi 3:16

Umosongon Krais ila pelengon keniye dong ke aitno lumu. Deka umedidi ilengen ka polou ke pelengon tonari e umaparere osep ine e umawai ke isak ma tikel isak itau. Umedidi sakul ka dong ke Buk Song e umodue sakul ka kakai Ida Tapolngon angaine tito la egim e umodue sakul ka Ano Itau due polou ke aitno lumu. Alo ka umodue sakul ma aitno lumu itau ke wan keniye ka Ida Tapolngon due.

Kolosi 4:7

Gute Tikikus iye sudo gesa ka imi lana imi ke iye e iye ma palongo lumu ke elio bitna bitna ka tipolou ke ngong. Iye Ida Puda ila gute bokongon ina gesa eriar langka ngong e aling aling iye due ila bokongon itau.

1 Tesalonaika 3:2

E imapagei Timoti la ke umu. Timoti iye limen aten e boko kap imi ke Ida Tapolngon ila bokongon ka imanapapra omon itau ka la ke Krais ke osep. Imapagei iye uti lumu ma iye due umu umevri dagar e aitno lumu ila dagar dong dagar.

1 Timoti 1:10

E wai dagar ke osep ka tidue elio okwa e ke osep arang ka tidue elio pulu langka osep Sodom ina tidue. E apmang blang ka tidue langane. E wai dagar ke elio ka osep tipanako osep leklou ma tidue burong ke isak. E wai dagar ke osep yakngan ina e osep ka tiyakyak alo ka tiwai urok pelengon lokono. E ke osep leklou ka tidue wan bitna bitna ka dar Ida Tapolngon ila pelengon ka wai ke elio ka osep Kristen ma tidue.

1 Timoti 4:16

Ma amplau wom itau ke lem elio isuk isuk e ke lem bokongon ka amparere osep. Langka omdue langane Ida Tapolngon ma lua wom e iye ma lua osep ka tiklingen lem pelengon.

1 Timoti 6:3

Ida Puda ila pelengon parere ite ke Ida Tapolngon ila elio. Langka gute gesa songon pelengon ane e parere osep ke pelengon silang blang ka eriar langka Ida Puda Yesus Krais ila pelengon kovok deka emile langane. Gute tonari aitno itau ke iye tona e tala klingen kovok. E iye ile omur gesa kovok. Aitno soulu e iye waiki tuk pelengon e mole osep leklou urok pelengon. Elio langane ma due osep aitno lisak rim e aitno lisak soulu ke osep leklou. E tiblou osep leklou dogursak e aitno lisak mter osep leklou tidue elio soulu.

2 Timoti 1:6

E ke batne langane ngawaiki ngawai ke wom ke kerengen ka Ida Tapolngon due dong ke aitno lugom alo ka oglou lungu duru munu ke epem. Ngawaiki omboko dagar ke kerengen tonari ma res polou omba langka gute ipu eiou deka eiou polou omba.

2 Timoti 3:10

Oglou itodong pulu e amvati lou elio isuk isuk. Emklingen lou pelengon ka ngaparere osep ine e emile batne ke lou elio bitna bitna ka ngadue. Emile aitno lungong dagar ke Ida Tapolngon e ngadong dagar ke wan bitna bitna ka polou ke ngong. Emile ngong lana ngong ke osep pula e ngavri dagar alo ka elio polou ka opru ngong.

2 Timoti 4:3

Kesua mase osep ma tiwaiki tiklingen pelengon ka lokono kovok. Aurou. Ma tiwaiki tiklingen pelengon bitna bitna ka didi aitno lisak vala. E tidue osep parerengen ina ka tiparere isak ke pelengon ka tiwaiki tiklingen ine.

Taitus 2:1

Deka Taitus. Alo ka amparere osep amparere isak ke pelengon lokono vala.

1 Pita 2:2

Langka mimi oku aling aling tiwaiki tinim sisu vala ngawaiki aitno lumu la ke Ida Tapolngon ila pelengon vala. E ila pelengon itau e wan sasi dong ine kovok. E pelengon tonari karanga lua umu ma umopolou ngongle ke aitno lumu ila dagar.

2 Jon 1:9

Langka gute gesa kis Krais ila pelengon dagar kovok e didi pelengon silang iye dong kap Ida Tapolngon kovok. E gute ka kis Krais ila pelengon dagar vala dong kap Pmada e Otno Arang.

Pas ka Jut sogoe 1:5

Umeile pelengon ane kodong e dau ngawaiki ngasruk aitno lumu ma umeile omur ine lokono. Oglou Ida Puda lua osep Yuda ina ma tisongon omur Isip kla. E osep tonari leklou aitno lisak dagar ke Ida Tapolngon kovok deka iye mluk isak e timete.