1 Timoti 4:1 - Aria New Testament

¹ Ano Itau wai malak langane. Ke taim ka mase ma polou osep leklou ma tisongon aitno lisak ila dagar. Deka ma tiklingen ke ano ka yakngan ina e ma tididi angelo soulu urok pelengon.

1 Timoti 4:1 ပူးပေါင်းရင်းမြစ်များ

Matyu 18:7

“Aisudo ke osep taklak ina. Ma tidong soulu lokono va. Kesua tiwaiki tidue osep leklou tigene ke elio epmes ina. Lokono elio epmes ina ma polou e dau gute gesa ka due gute silang gene ke elio epmes ina are soulu ke iye.

Luk 17:1

Yesus wai ke ila disaipel langane. “Elio bitna bitna ka titok osep ma tidue elio epmes ina ma tipolou. E dau aisudo ke gute ka due osep ka aitno lisak ila dagar dau dagar kovok ma tidue elio epmes ina.

Jon 16:13

E alo ka Ano Itau ka wai pelengon lokono me ma iye due aitno lumu ma umakaranga umeile pelengon lokono keniye. Iye karanga due langane kesua iye didi aitno e wai pelengon kovok. Aurou. Iye klingen Livou ila pelengon deka wai ke umu ine e ma palongo lumu ke wan ka mase ma polou.

Aposel 13:2

Alo ka tiduni pulu tiwai itau ke Ida Puda e tikakai angaine tito la egim. E silang tipli inarak ngangon kesua tiwaiki aitno lisak la ke Ida Tapolngon vala. Deka ari Ano Itau wai ke isak langane. “Umerere Barnabas e Sol ma tiboko ke bokongon ka ngarere ke isak.”

Aposel 17:18

Ari osep Epikurian ina leklou e osep Stoik ina leklou ka urok ilengen omba timter pulu pelengon kap Pol. E isak leklou tiwai pulu langane. “Gute ane ka wai ulik ulik iye wai lange?” Deka osep leklou blang tiwai langane. “Gute ane iye wai ke tapolngon ka osep leklou inarak tapolngon e iteile ine kovok.” Tiwai langane kesua Pol napapra ke Yesus e elio ka iye mole metengen e poga tito ke ina denga.

Aposel 20:23

E dau ngaile langane. Ano Itau wai ke ngong e ngaile omur ma osep tidue agegeng ke ngong e ma tidue ngong ngasep ke kalabus blang.

Aposel 21:11

Iye polou ke imi e due Pol ina let deka pou iye tona limla e kamla ine deka wai langane. “Eriar langka ngapou ngong ke let ane ma osep Yuda ina tipou let ane ina gute langane ke Jerusalem. Deka ma tipaur iye la ke osep ka isak osep Yuda ina kovok. Ngawai langane kesua Ano Itau wai ke ngong ine.”

Aposel 28:25

Osep ka tiduni pulu ari tipara pulu pelengon ke isak deka tinogrum kla. Deka Pol tito wai ke isak aling kene blang langane. “Osep umoklingen. Oglou Ano Itau wai lokono ke gute Aisaia e iye wai ke udo seia ke urok elio.

1 Korin 10:20

Aurou. Ngawai langane. Wan ka osep ka tile Ida Tapolngon kovok tidue elio opmu ina ine tidue ke angelo soulu e tidue ke Ida Tapolngon kovok. Ngawaiki ma umeneklep ke angelo soulu kovok.

1 Korin 11:19

Deka aitno lungong mter langka lumu duningen bitna langka dar boto ma umeile itau ke osep ka aitno lisak dagar ke Ida Tapolngon ila elio itau.

1 Korin 12:11

Ano Itau kene ka dong ari due kerengen ka pula keniye tonari. Iye tona didi aitno e kere osep kene kene ke kerengen ka iye waiki dong ke isak.

1 Korin 2:10

Pelengon ke wan tonari oglou dong kukwop. Io Ida Tapolngon Ano Itau due tipolou malak deka iteile omur ke isak. Ano Itau vati wan ka pula keniye e iye vati Ida Tapolngon ila ilengen ka kukwop.

2 Korin 11:3

Oglou mota ka ila aiding yakngan yak Eva e Eva didi iye. E aitno lungong kro lokono lama osep leklou tiyak umu e aitno lumu ila dagar segesege e dong dagar ke Krais kovok.

Kolosi 2:18

Langka gute gesa waiki pi lumu wan itau batne ke wan ka iye vati alo ka iye munu ano koke langka iye waiki umepes umu umoduru e umolotuim ensel io umosongon iye ma iye due langane kovok. Gute ka ila elio langare didi aitno oglou ina e aitno mter langka iye itau lokono e iye due ilengen itau.

2 Timoti 3:13

E osep soulu bitna e osep yakngan ina ma urok elio soulu res polou omba. E tiyak osep leklou e Satan yak isak.

2 Timoti 4:4

E ma tipul dogur ke pelengon lokono e aitno lisak la ke basikngen bitna bitna ka adai.

Jems 3:15

Ilengen ka langane me ke omur heven kovok. Ilengen tonari taklak ane ina e didi aitno lite oglou ina e ina poloungon batne ke Satan vala.

1 Pita 1:20

Oglou alo ka Ida Tapolngon dau tapol wan gesa kovok iye rere Krais ma iye polou Ida Luangan. Deka ke taim ane alo ka wan ka pula keniye isuk boto yagos Ida Tapolngon due Krais polou malak.

2 Pita 2:1

E oglou osep napaprangan yakngan ina tidong kap osep Israel ina. E eriar langane osep parerengen yakngan ina ma tipolou ke umu blang e tibisi urok pelengon yakngan e tiwaiki tinak umu ma umedidi urok pelengon. Tiwaiki urok pelengon yakngan due pogle ke aitno lumu ila dagar. E tipul dogur ke Ida Puda ka kli urok elio epmes ina deka suong ma Ida Tapolngon koli urok elio soulu e due agegeng ke isak.

2 Pita 3:3

Pelengon omba ka ngawaiki aitno lumu mter ine langane. Alo ka isuk boto wan keniye yagos osep ma time e tidue apok ke umu e tididi aitno lisak ke elio epmes ina bitna bitna ka tiwaiki tidue.

1 Jon 2:18

Dirgu ngawai ke umu langane. Isuk boto wan ka pula keniye ina yagosngon ma polou. Umoklingen kodong Krais ina oul kene ina ma polou e oku ane osep pula ka isak Krais ina oul tipolou kodong. Elio ane langka nisngen ke wan ka pula keniye isuk boto yagos.

1 Jon 4:6

E ite Ida Tapolngon ila osep ite. Gute ka ile Ida Tapolngon ma klingen udo pelengon e gute ka ile Ida Tapolngon kovok ma klingen udo pelengon kovok. Ke batne langane itakaranga iteile omur ke osep ka tididi Ano Itau ila pelengon e osep ka tididi osep napaprangan yakngan ina urok pelengon.

Pas ka Jut sogoe 1:18

Tiwai ke umu langane. “Mase alo ka isuk boto wan keniye yagos osep ma tipolou e tidue apok ke umu. Ma tipul dogur ke Ida Tapolngon e tididi aitno lisak ke elio soulu vala.”

Pas ka Jut sogoe 1:4

E oku ane osep yakngan ina leklou tisep ke sios. Ke oglou kodong Ida Tapolngon wai ke isak ma tikluk ke omur hel. Osep tonari tipul dogur ke Ida Tapolngon e tiwaiki tipalele ila makaingan deka tiwai langane. “Langka itodue elio epmes ina bitna bitna are wan gesa kovok kesua Ida Tapolngon ma makai ite.” Tiwai langane e tipul dogur ke Ida Puda Yesus Krais ka iye Ida Plaungan.

Pelengon kukwopngon 13:14

Ida Tapolngon songon iye ma iye due elio arit ina bitna bitna ke ongwa kevena kene ina bitna. Ke elio langane iye yak osep ka pula keniye ka tidong ke taklak. E iye wai ke osep langane. “Umodue sapingen ke ongwa kevena kene ina ka oglou timter iye ke elil omba e eknikane iye dong. Ma umodue anit ke iye.”

Pelengon kukwopngon 16:14

Ansak eklu tonari isak angelo soulu ka tikaranga tidue elio arit ina bitna bitna. Isak kla ke osep ka tivri mgo ke omur ka pula keniye ke taklak e tigom isak ma tidue evlei alo ka Ida Tapolngon ka ila arit ombatno lokono ila oklou polou.

Pelengon kukwopngon 18:2

Deka iye gi omba langane. “Armok omba Babilon dardar duru yagos e osep tidong ine kovok. Oku ane iye polou omur ka angelo soulu tidong ine. Angelo soulu tidong ine kap monuk ka isak soulu lokono blang.

Pelengon kukwopngon 18:23

E silang blang ma lam bublo ke wom blang kovok. E osep arang e apmang ma tigi pulu deka tisandir ke wom blang kovok. Kesua ke oglou lem osep ka tidue burong urok arit omba ke taklak e ngap muso yak osep ka pula keniye ka tidong ke taklak.”

Pelengon kukwopngon 19:20

Tidue evlei deka gute tonari kap ila osep ola ina tikis ongwa kevena kene ina kap ila gute napaprangan yakngan ina. Gute napaprangan yakngan ina tonari iye gute ka due elio arit ina pula ke ongwa kevena kene ina bitna. E ke elio ane iye yak osep ka pula keniye ka tidue nisngen ke ongwa kevena kene ina e ka tilotuim ila sapingen. Isak orwo dau tidong e timete kovok deka tidue isak e tiuri isak kla ke eiou ombatno ka engil lokono ka opmu salfa ka eiou ngene dong ine blang.

Pelengon kukwopngon 2:11

“Deka gute ka tala ma iye klingen pelengon ka Ano Itau wai ine ke sios. Langka gute mole elio soulu deka metengen orwo ina karanga due agegeng ke iye kovok.”

Pelengon kukwopngon 2:17

“Deka gute ka tala ma iye klingen pelengon ka Ano Itau wai ine ke sios. Gute ka mole elio soulu ma ngakar iye ngangon mana ka dong kukwop. E silang ma ngakar iye opmu ka okou ka ngasogo angaine oku ina ine. E gute silang karanga ile angaine tonari kovok. Gute ka due opmu vala ile ine.”

Pelengon kukwopngon 2:29

Deka gute ka tala ma iye klingen pelengon ka Ano Itau wai ine ke sios.”

Pelengon kukwopngon 2:7

“Deka gute ka tala ma iye klingen pelengon tonari ka Ano Itau wai ine ke sios. Gute ka mole elio soulu ma iye karanga due ngangon ke akai ka kar ite udo mosongon ka dong vala dong. Akai tonari dong ke Ida Tapolngon ila yage ka dong ke omur heven.”

Pelengon kukwopngon 20:10

Deka Ida Tapolngon uri Satan ka yak osep la ke eiou ombatno ka opmu salfa ka eiou ngene dong ine blang. Ongwa kevena kene ina kap gute napaprangan yakngan ina tidong ke eiou ombatno tonari blang e tarna lisak doro doro e ma tingangir ke oklou e epmes dong vala dong.

Pelengon kukwopngon 20:8

Tisongon iye la deka iye la yak osep ka tidong ke omur ka pula keniye ke taklak. Ke pelengon ano tisir omur are Gok e Magok. Deka Satan ma tagom isak ma tidue evlei e inarak sasa langka sasa ke lavu ka dong ke misuon ina dingen batne.

Pelengon kukwopngon 3:13

Deka gute ka tala ma iye klingen pelengon ka Ano Itau wai ine ke sios.”

Pelengon kukwopngon 3:22

Deka gute ka tala ma iye klingen pelengon ka Ano Itau wai ine ke sios.”

Pelengon kukwopngon 3:6

Deka gute ka tala ma iye klingen pelengon ka Ano Itau wai ine ke sios.”

Pelengon kukwopngon 9:20

E osep leklou tidong ka wan eklu tonari timluk isak timete kovok. Deka tipul dogur ke wan ka tisapie ke limsak kovok. Aurou. Tibauluk aitno lisak ine kovok. Tisongon elio ka tilotuim angelo soulu e tilotuim sapingen ka osep tidue ke gol e silva e bras e opmu e akai kovok. Wan ka langane karanga vati omur kovok e karanga klingen pelengon kovok e karanga lila kovok.