1 Timoti 3:16 - Aria New Testament

¹⁶ E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

1 Timoti 3:16 ပူးပေါင်းရင်းမြစ်များ

Matyu 1:23

Iye wai langane. “Apmang ka due elio kap gute arang kovok ma polou somugu e divir mimi arang. Iye divir iye deka osep ma tisir angaine Emanuel.” Emanuel lana ine langane. Ida Tapolngon dong kap ite.

Matyu 13:11

E Yesus koli wai ke isak langane. “Ida Tapolngon songon ngong ma ngapalongo lumu ke pelengon kukwop ka omur heven ina e ngakukwop pelengon tonari ke osep leklou.

Matyu 28:2

E suong orgi omba polou e Ida Puda ila ensel gesa duru ke omur heven e tabulbul opmu la e dong ine.

Matyu 3:16

Jon paunim Yesus yagos deka Yesus tito ke aki ina dingen batne e sirva noklok e Yesus vati Ida Tapolngon Ano Itau duru langka belis e munu ke iye.

Matyu 4:11

Deka Satan songon iye e ensel me tilua iye ke ngangon e langane.

Mak 1:13

Iye dong ke omur tonari la lama oklou epmes isapanal mela yagos deka ari Satan dong ma tok iye e ongwa kevena blang tidong ke omur tonari. Deka ari ensel leklou time tipolou ke iye e tikere iye.

Mak 16:19

Ida Puda Yesus wai yagos deka iye tito la ke omur heven deka dong ke Ida Tapolngon limla odung.

Mak 16:5

Deka tisep ke denga e tivati gute auram ka ila klos okou lokono dong ke denga aitno ke galna ka limsak odung ina. E ansak nesik ke iye.

Luk 2:32

Ma iye due bublongon bublo ke osep ka isak osep Yuda ina kovok e ma osep tidue anit ke lem osep Israel ina.”

Luk 20:44

Devit sir iye ‘Ngau Puda’ deka ina lange iye karanga dong Devit otno arang?”

Luk 22:43

*Yesus wai itau deka ensel kene me ke omur heven e lua iye ke ila arit.

Luk 24:4

Aitno lisak mter pula ke elio ane deka lokono osep orwo ka titnei klos ka bublo omba tivri olwo boto ke isak.

Luk 24:51

Alo ka iye dau wai langane ke isak iye songon isak e tito la ke omur heven.

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 13:3

E Yesus ile Timla kar arit ke iye ma iye plau wan ka pula keniye e silang iye ile iye me ke Ida Tapolngon e ma iye iding ke Ida Tapolngon.

Jon 15:26

“Mase ma ngapagei Lua-ngan silang ke umu. Iye Ano Itau ka iye pelengon lokono batne ka dong kap Livou e me ke umu. Alo ka iye me ma iye palongo lumu ke ngong.

Jon 16:28

Ngadong kap Livou deka ngame ke taklak ane e isuk boto ma ngasongon taklak e ngaiding ke Livou.”

Jon 17:5

Livou ngawai ke wom langane. Alo ka amtapol wan bitna bitna dau kovok ngadong kap wom e lou elio itau lokono e lou arit omba. E oku ane ngawaiki amkar ngong lou elio e arit tonari blang e ma ngadong kap wom blang.”

Jon 20:12

E iye vati ensel orwo ka titnei klos ka okou e tidong ke omur ka oglou Yesus pampamu ine munu ine. E ensel kene dong ke omur ka Yesus apna munu ine e ensel silang dong ke omur ka Yesus kamla munu ine.

Jon 6:62

Deka aitno lumu lange langka umavati Gute Ka Polou Langka Osep tito la ke omur ka oglou iye dong ine?

Aposel 1:19

Osep Jerusalem ina tile elio ka polou ke Judas deka tisir omur tonari omur Akeldama. Angaine Akeldama lana ine omur ka marau ina.

Aposel 10:34

Pita klingen Kornilius ila pelengon deka wai langane. “Eknik-ane ngaile omur Ida Tapolngon aitno la ke osep ka pula keniye. Iye pul dogur ke osep leklou kovok.

Aposel 14:27

Tipolou ke Antiok kodong deka tiduni pulu kap Ida Tapolngon ila osep e tipalongo urok ke bokongon ka Ida Tapolngon lua isak ine. Tiwai langane. “Ida Tapolngon due elio itau ke osep ka isak osep Yuda ina kovok deka aitno lisak la dagar ke iye blang.”

Aposel 20:28

Eknikane umu ka Ano Itau rere umu Ida Tapolngon ila osep inarak plaungan umaplau umu itau. Umekere Ida Tapolngon ila osep itau lokono. Kesua Otno Arang ina marau kli inarak elio epmes ina.

Pas ka Pol sogoe uti la ke osep Rom ina 10:12

Pelengon ane la ke osep Yuda ina e ke osep ka isak osep Yuda ina kovok blang. Kesua osep keniye tonari Inarak Puda kene ka kere osep keniye itau ka tiwai itau ke iye.

Pas ka Pol sogoe uti la ke osep Rom ina 10:18

E ngapmi umu langane. Osep ka aitno lisak dagar ke Ida Tapolngon ila pelengon kovok tile ine koke aurou? Osep tonari tile ine kodong eriar langka Ida Tapolngon ila pelengon wai ine. Ila pelengon wai langane. “Osep napaprangan ina urok pelengon la ke omur ka pula keniye. Omur gesa dong kovok ka urok pelengon polou ine kovok.”

Pas ka Pol sogoe uti la ke osep Rom ina 16:25

Ma itakakai Ida Tapolngon angaine tito la egim. Kesua iye tona karanga due aitno lite ila dagar kis dagar ke Ida Tapolngon ila omon itau ka la ke Yesus Krais ka nganapapra ine. Oglou ari osep tile omur ke Ida Tapolngon ila omon itau kovok. E eknikane iteile ine kesua Ida Tapolngon lua ite ine.

Pas ka Pol sogoe uti la ke osep Rom ina 16:26

Eknikane Ida Tapolngon ka ila poloungon kovok ila omon itau dong kap ite e iteile ine. Iteile ine kesua osep napaprangan ina tisogo ine deka urok sogongon tonari dong ke ite. Ida Tapolngon due aitno lisak deka tisogo ine ma osep ka pula keniye ka tidong ke omur ka pula keniye talsak klingen ine e aitno lisak karanga la dagar ine.

Pas ka Pol sogoe uti la ke osep Rom ina 3:4

­Umoklingen. Osep ka pula keniye urok pelengon yakngan vala e Ida Tapolngon ila pelengon keniye lokono vala. Oglou osep napaprangan ina tisogo Ida Tapolngon ila pelengon palma ka wai langane. “Osep ka pula keniye tile omur lem pelengon keniye lokono. Langka osep tisin elio vri ke wom urok pelengon mole lem pelengon kovok. Aurou. Ma tibure vala.”

Pas ka Pol sogoe uti la ke osep Rom ina 8:3

Oglou osep ka tididi Moses ila sogongon vala tipolou itau e osuk ke Ida Tapolngon bitna kovok. Kesua elio epmes ina dong ke pampamu lisak e tidar sogongon tonari vala. E Ida Tapolngon due ite itopolou itau e osuk ke bitna batne ke Otno Arang Yesus. Oglou Ida Tapolngon pagei Yesus ke itosep e ari iye dong langka itosep blang. E iye polou Ida Kasipngen ka kli itosep udo elio epmes ina.

Pas ka Pol sogoe uti la ke osep Rom ina 9:5

Osep Israel ina tiduru ke urok seia ka angainsak omba urok osua. E Krais ila osua ka didi itosep dong ke osep Israel ina. Krais tona Ida Tapolngon lokono e plau wan ka pula keniye. Ma itakakai angaine tito la egim lokono dong vala dong. Lokono.

1 Korin 15:47

Gute ka mgongon ina iye gute taklak ina kesua Ida Tapolngon due taklak e kapo gute ine. E gute ka orwo ina iye gute omur heven ina.

1 Korin 2:7

Imanapapra pelengon itau e Ida Tapolngon ila ilengen itau ka oglou iye kukwope ke osep ke umu. Alo ka Ida Tapolngon dau tapol taklak kovok iye ile kodong e iye rere oklou ka ma iye due umu umodong kap iye ke omur heven.

2 Korin 1:19

Ngong e Sailas e Timoti imanapapra Ida Tapolngon Otno Arang Krais Yesus ke umu. E iye tona ila pelengon segesege kovok. Iye wai “Ee” deka iye didi ila pelengon.

Galesia 2:8

Ida Tapolngon kar arit ke Pita ma iye boko langka gute aposel airavu ke osep Yuda ina e iye kar arit ke ngong blang ma ngaboko langka gute aposel airavu ke osep ka isak osep Yuda ina kovok.

Galesia 4:4

E alo ka Ida Tapolngon rere iye pagei Otno Arang me. Apmang divir iye e iye polou gute e dong moli ke Moses ila sogongon.

Efesus 1:9

E iye nis itosep ke elio ka oglou iye waiki due polou ke itosep. Alo ari iye dau kukwop iye ke osep. Deka ari me iding ke alo ka Krais polou ke itosep isak tile ke iye kovok. Mase Krais me polou lite e elio tonari polou malak lokono. E eknikane iteile omur ine.

Efesus 6:19

E silang blang langane. Umawai itau ke Ida Tapolngon ma iye lua ngong ma ngaulou tarna lungong kovok. E ma ngawai malak ke ila omon itau vala. Umolua ngong ma ngawai malak ke osep ke Ida Tapolngon ila omon itau ka oglou osep tile ine kovok.

Kolosi 1:23

E ma umevri dagar ke aitno lumu ila dagar. Lama wan gesa nak umu e umosongon elio ka umapara ke wan itau lokono. Umonogrum umapara ke wan itau lokono alo ka umoklingen omon itau. Osep tinapapra omon itau ke osep ka pula keniye ka tidong ke taklak e ngong Pol ngapolou omon itau tonari ina gute bokongon ina blang.

Kolosi 1:27

Ida Tapolngon didi aitno e nis ila osep ke pelengon ka oglou dong kukwop ma tile omur ine. Pelengon tonari itau lokono e karanga lua osep ka pula keniye. Pelengon ka kukwop langane. Krais dong kap umu e ma umapara ke iye ma iye me kum umu e umala umodong kap iye ma umodue wan ka pula keniye ka omur heven ina.

Kolosi 1:6

E Ida Tapolngon ila omon itau kes lila la ke omur pula ke taklak e omon tonari due osep ka aitno lisak dagar ine aitno lisak itau e urok elio isuk isuk tipolou itau. Elio ane eriar langka elio ka polou ke umu alo ka aling kene ina umoklingen omon ke Ida Tapolngon ila makaingan e umeile omur ine.

Kolosi 2:2

Ngadue bokongon tonari ma umodong dagar e ma umu ka pula keniye lana umu pulu e elio langane res polou omba. Ngawaiki ma umodue ilengen itau e ma umeile omur ke pelengon lokono. E ngawaiki ma umeile batne lokono ke Ida Tapolngon ila pelengon ka dong kukwop. Krais iye tona pelengon ka dong kukwop batne.

2 Tesalonaika 1:10

Alo ka Ida Puda me ila osep ma tidue anit ke iye e tikakai angaine tito la egim. Kesua aitno lite la dagar ke iye e aitno lite itau ke iye. E umu blang ma aitno lumu itau kesua aitno lumu la dagar ke limem pelengon ka imanapapra ke umu.

2 Tesalonaika 2:7

E eknikane osep pula tidue elio soulu eriar langka mase gute tonari ma due. E iye polou dau kovok. E mase wan ka dangdang ila ekreng ma dangdange kovok.

1 Timoti 3:9

E tikis Ida Tapolngon ila pelengon dagar ka nis ite ke aitno lite ila dagar. E ma tile elio ka itau e elio ka soulu e tidue elio ka itau vala.

Hibru 1:3

E Otno Arang nis ite ke Ida Tapolngon ila elio ka itau lokono e iye eriar langka Ida Tapolngon. E ila arit due wan ka pula keniye tiboko itau e tidong itau. Iye duru ke taklak e mete kodong deka ina marau kli osep urok elio epmes ina. Iye due langane yagos deka iye bauluk tito ke omur heven e dong ke Ida Tapolngon ka ila arit ombatno lokono limla odung.

Hibru 12:2

Ma aitno lite mter ke Yesus ka iye aitno lite ila dagar batne. E iye due aitno lite ila dagar polou dagar lokono. Alo ka iye dong ke taklak aitno neser ke wan itau lokono ka mase ma ila wan. Deka iye ulou ke ina akai kovok e aitno mter langka wan tonari soulu kovok e iye mete ine vala. E iye mnak iye ine kovok. E eknikane iye dong ke omur heven ke Ida Tapolngon limla odung.

Hibru 7:7

E iteile langane. Gute ka mole gute silang wai ila kerengen duru dong ke iye.

Hibru 8:1

Pelengon ane ka imawai ke umu ine lana ine langane. Udo gute loulou ina ka mgo dong ke Ida Tapolngon ka iye omba lokono ila kova ke limla odung.

1 Pita 1:12

Ida Tapolngon nis osep napaprangan ina tonari tiwai ke wan ka ma polou alo ka tidong kovok. Aurou. Tiwai ke wan ka mase ma polou ke umu alo ka tinapapra pelengon ka oku ane umoklingen ine. Mase Ida Tapolngon pagei Ano Itau duru ke omur heven e iye due osep aitno lisak deka tiwai omon itau ke umu. E ensel ka tidong ke omur heven tiwaiki tile omur ke wan tonari ka Ida Tapolngon due ke umu.

1 Pita 1:20

Oglou alo ka Ida Tapolngon dau tapol wan gesa kovok iye rere Krais ma iye polou Ida Luangan. Deka ke taim ane alo ka wan ka pula keniye isuk boto yagos Ida Tapolngon due Krais polou malak.

1 Pita 1:21

Deka aitno lumu dagar ke Ida Tapolngon batne ke Krais. Oglou alo ka Krais mete Ida Tapolngon due poga tito ke ina denga deka iye kakai Krais tito la egim. Iye due langane deka aitno lumu dagar ke Krais e umapara ma iye didi ila pelengon ka iye wai ine kodong.

1 Pita 3:18

Aitno lumu mter ke Krais. Oglou iye mete aling kene batne ke udo elio epmes ina. Ite osep epmes ina e iye dong itau lokono. E iye mete ma iye paur ite ke Ida Tapolngon. Osep timluk Krais pampamu ine e iye mete deka Ida Tapolngon due poga tito ke ina denga e iye dong ano ke omur heven.

1 Pita 3:22

Yesus la ke omur heven kodong e iye dong ke Ida Tapolngon limla odung. Deka ensel e wan ansak ka urok arit dong lisak tini iye.

1 Jon 1:2

Gute tonari polou malak e imavati iye deka imapalongo lumu ine. Imanapapra umu ke mosongon ka dong vala dong ka oglou dong ke Pmada e eknikane polou malak ke imi.

1 Jon 3:5

Umeile omur langane. Krais polou langka itosep ma iye pi udo elio epmes ina la. E elio epmes ina dong ke Krais kovok.

1 Jon 3:8

E gute ka aling aling iye due elio epmes ina iye Satan ila gute vala. Kesua oglou oglou ari alo ka Ida Tapolngon due wan ka pula keniye tipolou lila me ke eknikane Satan due elio epmes ina. E Ida Tapolngon Otno Arang polou ma iye due pogle ke Satan ila bokongon ma yagos.

Pelengon kukwopngon 17:5

E ke apmang tonari baraine tisogo angaine ka langka pelengon kukwopngon ka langane. “Ngong armok omba Babilon e ngong apmang ka ekreng palma ina keniye inarak aiya e ngong elio soulu lokono ka dong ke taklak ka pula keniye batne.”

Pelengon kukwopngon 17:7

Deka ensel wai ke ngong langane. “Ina lange emdigrik ke elio ane? Apmang tonari kap ongwa kevena ka otuk ine lumorwo e ina emsik songotno ka kalke apmang isak langka pelengon kukwopngon. Ma ngapalongo lem ke lana ine.

Pelengon kukwopngon 7:9

Mase omtongu lila blang deka ngavati osep pula lokono tiduni pulu tidong e itakaranga itetik inarak sasa kovok. Osep tonari tipolou ke osua kene kene e ke omur ka pula keniye e tarna lisak bitna bitna e tiwai tokples bitna bitna. E tivri ke kova bitna e ke Sipsip Otno bitna blang. E titnei molo okou ka kading damansak la iding ke kamsak e tikis ongup elilo ke limsak.