1 Timoti 2:8 - Aria New Testament

⁸ Deka ngawaiki ma Ida Tapolngon ila osep ka tidong ke armok ka pula keniye ma tikar aitno lisak ke Ida Tapolngon lokono. E tidong itau lokono e ma tiwai itau ke Ida Tapolngon. E ngawaiki tisongon elio ka aitno lisak nevlik e amnga ke osep.

1 Timoti 2:8 ပူးပေါင်းရင်းမြစ်များ

Matyu 21:21

E Yesus koli wai langane. “Ngawai ke umu lokono. Langka aitno lumu dagar ke Ida Tapolngon e aitno lumu orwo ke iye kovok umakaranga umodue elio ka ngadue ke akai fik ane vala kovok. Aurou. Umakaranga umawai ke gigri ma iye tito e la ke misuon e ma gigri didi lumu pelengon.

Matyu 5:44

E eknikane ngawai ke umu langane. Umu lana umu ke upu oul e umawai itau ke Ida Tapolngon ke osep ka tidue agegeng ke umu.

Matyu 6:12

Amsak limem elio soulu e omlua imi ma imasak elio soulu ka osep tidue ke imi.

Luk 23:34

E Yesus wai itau ke Ida Tapolngon langane. “Livou amsak urok elio kesua tile omur ke wansua ka tidue kovok.” E osep ola ina tiuri opmu ka nisngen dong ine e tiwade Yesus ila klos ine.

Luk 24:50

Yesus paur ila disaipel olwo boto ke Betani deka iye kakai limla tito e wai ma Ida Tapolngon due ila kerengen duru dong ke isak.

Jon 4:21

E Yesus koli wai langane. “Bela. Emklingen lou pelengon e aitno lugom la dagar ine. Mase taim ma polou alo ka umolotuim Pmada ke gigri ane koke Jerusalem kovok.

Aposel 10:2

Gute Kornilius ila elio langane. Iye gosok osep ka tidong ke ila ninu aitno lisak la ke Ida Tapolngon e tidue anit ke iye. Silang iye tuk ila mani leklou e kare ke osep ka urok wan isuk boto vala e tidue batne kovok. E silang blang oklou aling aling iye wai itau ke Ida Tapolngon.

Aposel 10:31

Iye polou ke omtongu deka iye wai ke ngong langane. ‘Kornilius oglou amwai itau ke Ngap Tapolngon. Iye klingen lem pele-ngon kodong e bitna sisir ke lem elio itau ka oglou omlua osep ka urok wan isuk boto vala.

Aposel 10:4

Kornilius klingen ensel tonari wai ke iye deka bitna nekek ke iye e ano nesik. Deka iye wai langane. “Ngau Puda omo ane batne lange?” Deka ensel koli wai langane. “Ngap Tapolngon bitna sisir lem elio ka oklou aling aling amwai itau ke iye e ke lem elio ka omtuk lem mani leklou e omlua osep ka urok wan isuk boto vala ine.

Aposel 21:5

­Imodong ke Tair la lama mase sip waiki songon armok are deka imala blang. Ari osep arang keniye tigosok sasarak e titorok tipaur imi imosongon armok tonari. E imala ke misuon ina dingen batne e imogrum kepmi e imawai itau ke Ida Tapolngon.

Aposel 7:60

Deka iye grum kamla buno deka gene duru e wai dagar lokono langane. “Ngau Puda omkoli osep ane urok elio sakam.” Iye wai langane deka mete.

1 Korin 1:2

Imosogo pas ane uti la ke umu ka Yesus ila osep ka umodong ke Korin. Ida Tapolngon rere umu ka umeneklep ke Krais Yesus ila osep ka itau lokono. Ida Tapolngon rere umu kap osep keniye ka aitno lisak la dagar ke Ida Puda Yesus Krais e ka tiwai itau ke iye ma umu ila osep ka itau lokono.

1 Korin 7:7

Ngawaiki ma umegi kovok langka ngong ngagi kovok. E Ida Tapolngon kar kerengen kene kene ke osep kene kene. Langka gute kene due kerengen kene ka iye gi e gute silang due kerengen silang ka iye gi kovok.

2 Korin 2:14

E eknikane ngakakai Ida Tapolngon angaine tito la egim. Kesua aling aling iye mgo ke imi e iye mole wan ka pula keniye e imedidi iye deka imala ke omur omur e imanapapra Krais ila omon itau e osep tiklingen ine e tile ke iye. E pelengon ka osep tiklingen ine langka amnangan itau ka engen ipue la ke omur omur.

Filipai 1:12

Sipmi. Ngawaiki umeile omur wan ka polou ke ngong dangdang omon itau kovok. Aurou. Wan tonari due omon itau la ke osep pula pula.

1 Tesalonaika 1:8

Ida Puda ila pelengon ka umawai ine la ke osep pula e tiklingen ine. Pelengon tonari la ke provins Masedonia e provins Akaia vala kovok. Aurou. Osep pula tiklingen basikngen ka aitno lumu la dagar ke Ida Tapolngon. E imawai ke isak ine kovok kesua tiklingen ke umu kodong.

1 Timoti 5:14

Deka aitno lungong mter langka apmang sasap batne ka isak dau belbela boto ma tigi blang deka ma tidivir titorok e tikere urok osua itau. Langka tidue langane ma osep epmes ina tikaranga tiwai soulu ke isak kovok.

Taitus 3:8

Pelengon ane lokono lokono. Ngawaiki amwai pelengon dagar ke osep ka pula keniye ka aitno lisak dagar ke Ida Tapolngon. Amwai ke isak ma aling aling tidue elio itau vala. Tidue elio isuk isuk ka itau ma tilua osep pula ine.

Hibru 10:22

E iye ris aitno lite ke ina marau ma elio soulu vri ke ite kovok. Ane langka iye ris pampamu lite ke aki ka wan sasi dong ine kovok. Deka aitno lite kene ke Ida Tapolngon e aitno lite ila dagar dong dagar e itopolou olwo boto ke Ida Tapolngon.

Jems 4:8

Umala olwo boto ke Ida Tapolngon e ma iye polou olwo boto ke umu. Umu ka umodue elio epmes ina umosongon lumu elio epmes ina langka gute ka grong limla. E umu ka aitno lumu orwo ke Ida Tapolngon aitno lumu mter ke elio itau vala.

1 Pita 3:7

E umu arang aitno lumu mter itau ke lumu sasap. Umodong kap isak e aitno lumu mter urok arit eriar langka lumu arit kovok. Deka umodue anit ke isak kesua Ida Tapolngon kar umorwo mosongon ka itau. Umodue langane deka alo ka umawai itau ke Ida Tapolngon ma iye klingen lumu pelengon.