1 Timoti 2:5 - Aria New Testament

⁵ Iteile Ida Tapolngon kene vala dong. E gute kene vala vri airavu ke ite e Ida Tapolngon e loulou ke ite. Gute tonari Krais Yesus.

1 Timoti 2:5 ပူးပေါင်းရင်းမြစ်များ

Matyu 1:1

Pelengon ane wai ke Yesus Krais ila osua osua. Yesus Krais polou ke Devit ila osua e Devit polou ke Abraham ila osua.

Matyu 1:23

Iye wai langane. “Apmang ka due elio kap gute arang kovok ma polou somugu e divir mimi arang. Iye divir iye deka osep ma tisir angaine Emanuel.” Emanuel lana ine langane. Ida Tapolngon dong kap ite.

Luk 14:22

Gute bokongon ina didi ila pelengon kodong deka wai ke iye langane. ‘Ngau puda ngadue wan ka amwai ine e dau ninu bon kovok.’

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 17:3

E mosongon ka dong vala dong langane. Osep tile wom ka Inarak Tapolngon ka lokono e ka kene vala e tile ngong Yesus Krais ka ampagei ngong ngame.

Aposel 4:12

“Umoklingen. Oglou Ida Tapolngon kar itosep Ida Luangan Yesus. Iye tona Ida Luangan lokono e eknikane gute gesa dong langka iye kovok. Gute silang angaine dong ka karanga lua ite kovok. Aurou. Yesus vala Ida Luangan lokono.”

Pas ka Pol sogoe uti la ke osep Rom ina 1:3

Omon tonari lana ine la ke Ida Tapolngon Otno Arang Yesus. Iye tona gute Devit ka oglou vri mgo ke osep Israel ina ila napakngan.

Pas ka Pol sogoe uti la ke osep Rom ina 10:12

Pelengon ane la ke osep Yuda ina e ke osep ka isak osep Yuda ina kovok blang. Kesua osep keniye tonari Inarak Puda kene ka kere osep keniye itau ka tiwai itau ke iye.

1 Korin 8:4

Ke elio ka itangen ongwa okurne ka osep tidue elio opmu ina ke sapingen gesa ine ngawai langane. Iteile sapingen isak wan lokono kovok. Wan langka sapingen isak adai vala. E tapolngon pula tidong kovok. Aurou. Tapolngon kene dong ka Ida Tapolngon lokono.

1 Korin 8:6

E iteile omur Ida Tapolngon kene vala dong ka iye Ida Tapolngon ka Pmada. Iye wan ka pula keniye batne e aitno lite la ke iye vala. E Ida Puda kene vala ka Yesus Krais dong. Iye due wan ka pula keniye e iye udo mosongon batne.

Galesia 3:20

Gute airavu ina dong alo ka osep orwo urok pelengon para pulu ma iye due aitno lisak kene pulu. E Ida Tapolngon iye kene vala e iye kar promis dagar ke Abraham.

Efesus 4:6

Ida Tapolngon kene vala dong ka ite ka pula keniye Pmada. Iye tona osep ka pula keniye Inarak Puda deka iye plau isak. Deka ila osep keniye tidue elio ka iye waiki tidue e iye dong kap isak ke aitno lisak.

1 Timoti 6:13

Ida Tapolngon due wan ka pula keniye. E Krais Yesus vri dagar e wai malak ke Pontius Pailat bitna. Deka ke amtarsak ngawai dagar lugom langane.

Hibru 12:24

Umopolou ke Yesus ka loulou ke ite ke Ida Tapolngon ila kontrak oku ina. E umopolou ke Yesus ina marau ka baser polou e kli udo elio epmes ina e lua ite. Yesus ina marau nisngen omba e mole Abel ina marau.

Hibru 7:25

Iye gute loulou ina ka dong vala dong deka iye karanga lua osep ma isak kla olwo boto ke Ida Tapolngon batne ke ila bokongon. Kesua iye dong vala dong ma iye wai itau ke Ida Tapolngon ke isak.

Hibru 8:6

Ida Tapolngon rere Yesus udo gute loulou ina e ila bokongon mole osep loulou ina urok bokongon. Kesua Ida Tapolngon ila kontrak oku ina ka Yesus due polou mole Moses ila sogongon. E wan ka Ida Tapolngon wai promis ma iye kare ke ila osep mole Moses ila sogongon blang.

Hibru 9:15

Krais loulou ke ite deka iye due Ida Tapolngon ila kontrak oku ina polou kesua Ida Tapolngon waiki osep ka iye rere isak ila osep tidue wan ka iye wai dagar ma tidue e wan tonari dong vala dong. Yesus ina marau e ina metengen kli urok elio epmes ina bitna bitna ka tidue alo ka oglou tididi Moses ila sogongon.

1 Jon 2:1

Lou mimi daudeng. Ngasogo pas ane uti ke umu ma umodue elio epmes ina kovok. E dau langka gute gesa due elio epmes ina gute dong ka loulou ke ite ke Pmada. Iye Yesus Krais ka ila elio itau e osuk.

Pelengon kukwopngon 1:13

E ngavati gute dong airavu ke wan lumorwo tonari. Iye langka itosep e iye tnei molo ka alang ka kading damaine la iding ke kamla. E iye pou let gol lelei nopok ke omun ine.