1 Timoti 2:4 - Aria New Testament

⁴ E iye waiki lua osep ka pula keniye ma urok elio epmes ina noklok la e ma tile itau ke pelengon ka lokono.

1 Timoti 2:4 ပူးပေါင်းရင်းမြစ်များ

Matyu 28:19

Deka umala ke omur ka pula keniye ke taklak e umodue osep tipolou lou disaipel e umapaunim isak ke Upu Tapolngon ka Pmomu angaine e Upu Tapolngon Otno Arang angaine e Ano Itau angaine.

Mak 16:15

Deka Yesus wai ke isak langane. “Umala ke omur ka pula keniye ke taklak e umanapapra Ida Tapolngon ila omon itau ke osep ka pula keniye.

Luk 1:77

Ma ampalongo osep ma tile iye lua isak ke urok elio epmes ina. E iye sak urok elio epmes ina la.

Luk 14:23

Deka gute wai blang langane. ‘Amla ke ekreng omba e ekreng daudeng ke omur ka lelei armok e amwai dagar ke osep time ma ninu bon ke osep.

Luk 24:47

E osep ma tinapapra ila pelengon ke osep ka pula keniye. Ma tinogrum ke Jerusalem e kla ke omur ka pula keniye. Ma tinapapra langane. ‘Umabauluk aitno lumu e aitno lumu la dagar ke Ida Tapolngon e ma iye sak lumu elio epmes ina la.’

Jon 14:6

E Yesus koli wai langane. “Ngong tona vala ekreng e ngong pelengon lokono batne e ngong mosongon ka dong vala dong batne. E ekreng silang dong ka osep tikaranga tididie e tipolou ke Livou kovok. Aurou.

Jon 17:17

Emrere isak ma tidue lem bokongon e tididi lem pelengon ka lokono vala. Kesua lem pelengon iye pelengon lokono vala.

Jon 6:37

Osep ka pula keniye ka Livou kar isak ke ngong io ma time ke ngong e ma ngasapir isak kovok.

Pas ka Pol sogoe uti la ke osep Rom ina 11:14

Ngawaiki lou bokongon sruk lou osua leklou ka isak osep Israel ina aitno lisak ma tingale elio ka Ida Tapolngon due ke umu. Ke elio langane ngawaiki ngadue osep Israel ina leklou tibauluk aitno lisak.

1 Timoti 4:10

Ida Tapolngon dong vala dong e iye waiki lua osep ka pula keniye e dau iye karanga lua osep ka aitno lisak dagar ke iye vala. Aitno lite dagar lokono ke iye e itapara ma iye due elio itau ke ite. Deka aling aling ma itoboko engil ke ila bokongon.

2 Timoti 2:25

Iye wai molil e mosi osep ka tipara pulu ke ila pelengon. Iye due langane kesua aitno mter Ida Tapolngon karanga due isak tibauluk aitno lisak e tile omur ke pelengon ka lokono.

2 Timoti 3:7

Aling aling tiwaiki tile omur ke wan oku e dau tile omur ke Ida Tapolngon ila pelengon ka lokono kovok.

Taitus 1:1

Ngong Pol ngong Ida Tapol-ngon ila gute bokongon ina gesa e ngong Yesus Krais ila aposel gesa. Iye rere ngong e pagei ngong ngala ngadue osep ka Ida Tapolngon rere isak ila osep ma aitno lisak ila dagar dong dagar. Deka ngadue isak ma tile omur ke pelengon lokono e aitno lisak la dagar ine e tididi Ida Tapolngon ila elio itau.

Taitus 2:11

Iteile Ida Tapolngon due ila makaingan polou malak kodong. Ke ila makaingan iye karanga lua ite ka pula keniye ke udo elio epmes ina.

Hibru 10:26

Umoklingen. Langka osep tile ke Ida Tapolngon ila pelengon ka lokono kodong e dau aling aling tidue elio epmes ina deka elio epmes ina ina klingen silang blang dong ka karanga lua isak ke urok elio epmes ina kovok. Aurou.

Jems 3:14

E langka aitno lumu rim ke osep leklou e aitno lumu vri ke umu kenmu kenmu deka umakakai angainmu kovok. Kesua langka aitno lumu langane umayak umu tona e umedidi pelengon ka lokono kovok.

2 Pita 3:9

E osep leklou tiwai langane. “Ida Puda dong tauni e didi ila promis molil molil vala.” E langane kovok. Aitno omba ke umu e dong para ma osep tibauluk aitno lisak ke urok elio epmes ina. Kesua iye waiki gute kene gesa mete ke ila elio epmes ina kovok.

2 Jon 1:1

Ngong gute ka ngaplau Ida Tapolngon ila osep e ngasogo pas ane uti ke wom apmang ka Ida Tapolngon rere wom ila apmang e ngasogoe uti ke titim blang. Ngawai lokono langane. Ngong lana ngong ke wom. E osep leklou ka tile pelengon lokono isak lana isak ke wom blang.

Pelengon kukwopngon 14:6

Deka ngavati ensel silang kei la ke sirva. Iye napapra Ida Tapolngon ila pelengon itau ka dong vala dong ke osep ka pula keniye ka tidong ke taklak. Iye napapra ke osep ke omur kene kene e osep ke osua kene kene e ke osep ka tiwai tokples bitna bitna e ke osep ka tarna lisak bitna bitna.