1 Timoti 2:3 - Aria New Testament

³ Pmingen ka langane itau lokono ke Ida Tapolngon ka iye Ida Luangan blang bitna e aitno itau ine.

1 Timoti 2:3 ပူးပေါင်းရင်းမြစ်များ

Luk 1:47

E anngong neser ke Ida Tapolngon ka Ngau Luangan.

Pas ka Pol sogoe uti la ke osep Rom ina 14:18

E gute ka didi Krais ila elio tonari ma Ida Tapolngon aitno itau ke ila elio e ma osep pula aitno lisak itau ke iye blang.

Filipai 1:11

Deka Yesus Krais due elio ka itau e osuk polou ke umu e osep tivati lumu elio itau e tikakai Ida Tapolngon angaine tito la egim ine.

Filipai 4:18

Deka langane. Gute Epafroditus kar ngong wan ka pula keniye ka umapagei ke ngong kodong. E wan tonari mole wan ka karanga ke ngong. Wan ka umapagei ke ngong iye langka wan ka osep tidue elio opmu ina ine deka ina amnangan itau tito la ke Ida Tapolngon e aitno itau lokono ine.

Kolosi 1:10

Ma umelila ke elio ka Ida Puda waiki umedidie ma aitno itau lokono ke lumu elio. E ma umodue bokongon itau e ma umeile omur ke Ida Tapolngon. Deka aling aling ma lumu ilengen res polou omba.

1 Tesalonaika 4:1

Sipmi. Ma imababrum limem pelengon ane. Oglou imaparere umu ke elio isuk isuk ka umodue ma Ida Tapolngon aitno itau ine. E umedidi elio tonari kodong. E eknikane imawai dagar ke umu ke Ida Puda Yesus angaine ma aling aling umodue elio langane lokono.

1 Timoti 1:1

Ngong Pol ka Krais Yesus rere ngong ila aposel gesa. Ida Tapolngon lua ite ke udo elio epmes ina e itapara ke Krais Yesus ma itavati iye e itodong kap iye.

1 Timoti 4:10

Ida Tapolngon dong vala dong e iye waiki lua osep ka pula keniye e dau iye karanga lua osep ka aitno lisak dagar ke iye vala. Aitno lite dagar lokono ke iye e itapara ma iye due elio itau ke ite. Deka aling aling ma itoboko engil ke ila bokongon.

1 Timoti 5:4

E langka apmang tonari titno koke subumno tidong ma tikere e tiplau tnarak e urok seia. Ke elio langane ma tikoli sipmarak e titnarak e urok seia blang urok luangan ka tidue ke isak ma lua isak. E Ida Tapolngon aitno itau ke elio langane.

2 Timoti 1:9

Ida Tapolngon lua ite ke udo elio epmes ina kodong e rere ite itodong ila osep ka itau lokono. Iye due langane batne ke elio gesa ka itakaranga itodue kovok. Aurou. Oglou alo ka iye dau tapol wan gesa kovok iye didi aitno e didi ila makaingan e rere ite ma aitno lite la dagar ke Krais Yesus.

Hibru 13:16

E umodue elio itau ke osep leklou e langka osep urok wan isuk boto vala deka umotuk lumu wan e umolua isak ine. E omtomu uli ke elio tonari kovok kesua elio langane iye langka umodue lumu wan e umakare ke Ida Tapolngon e aitno itau ine.

1 Pita 2:20

E langka osep tiules umu batne ke elio soulu ka umodue deka umanamani ine e umodong dagar ine elio ane lua umu? Aurou. E langka umodue elio itau vala e dau osep tiules umu ine deka umanamani ine e umodong dagar ine elio ane due Ida Tapolngon aitno itau ke umu.

1 Pita 2:5

Umu blang umodong langka opmu ka urok mosongon dong ke isak ka Ida Tapolngon Ano Itau uri ila ninu ine. E umopolou osep loulou ina ka itau lokono e ke Yesus Krais angaine langka umodue elio opmu ina ke umu kenmu kenmu. Deka ma Ida Tapolngon aitno itau ine.