1 Timoti 2:10 - Aria New Testament

¹⁰ E ma apmang tidue elio bitna bitna ka itau langka apmang ka aitno lisak dagar ke Ida Tapolngon tidue. Elio ane langka urok baresngen ka itau.

1 Timoti 2:10 ပူးပေါင်းရင်းမြစ်များ

Aposel 9:36

Alo ari ke armok Jopa apmang kene dong ka aitno dagar ke Yesus ka angaine Tabita. E langka osep tiwai pelengon Grik deka tisir apmang tonari angaine Dorkas. Apmang tonari ila elio itau lokono. Oklou pula iye due elio itau e kar wan adai ke osep e tidue batne kovok.

Aposel 9:39

Pita klingen urok pelengon deka iye tito e la kap isak. Tididi ekreng e tipolou ke Dorkas ila ninu deka tipaur Pita tito ke ninu ina eliang ka dong egim. Apmang ka sasap batne tivri olwo boto ke Pita e tikngis ke Dorkas deka tinis iye ke klos e molo ka oglou Dorkas due.

Efesus 2:10

Ida Tapolngon due ite itopolou itau e due ite iteneklep ke Krais Yesus. Iye due langane kesua iye waiki ma itodue elio isuk isuk ka itau vala. Oglou iye rere elio ka itau vala ka iye waiki itodue.

1 Timoti 2:11

Alo ka itoduni pulu apmang ma tidong moli e tiwai kovok e ma tiklingen Ida Tapolngon ila pelengon.

1 Timoti 2:9

Pelengon silang blang lang-ane. Ngawaiki ma apmang titnei klos ka itau ka karanga ke isak vala. E ma tipol aparsak e tibares ke baresngen bitna bitna kovok. E titnei klos ka ina klingen omba kovok e tibares ke opmu gol kovok. Ngawaiki aitno lisak la ke urok klos e urok baresngen aling pula kovok.

Taitus 2:14

Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.

Taitus 3:8

Pelengon ane lokono lokono. Ngawaiki amwai pelengon dagar ke osep ka pula keniye ka aitno lisak dagar ke Ida Tapolngon. Amwai ke isak ma aling aling tidue elio itau vala. Tidue elio isuk isuk ka itau ma tilua osep pula ine.

1 Pita 2:12

Umodong airavu ke osep epmes ina e ngawaiki umodue elio isuk isuk ka itau vala. Umodue elio itau vala e langka tisin elio soulu vri ke umu ma tivati lumu elio itau e ma tikakai Ida Tapolngon angaine tito la egim ke oklou ka iye ma me e wade osep ine.

2 Pita 3:11

Ngawaiki aitno lumu mter itau. Mase wan tonari ma polou yagos e oku ane umu kenmu kenmu umodue elio isuk isuk ka lange? Ma umodue elio isuk isuk ka itau ka Ida Tapolngon aitno itau ine.

Pelengon kukwopngon 2:19

‘Ngaile wan bitna bitna keniye ka umodue kodong. E ngaile umu lana umu ke osep ka pula keniye e aitno lumu dagar ke ngong e umodue bokongon langka umolua osep leklou. Ngaile umevri dagar lokono ke elio ka polou ka opru umu. Oglou umodue elio itau. Deka eknikane lumu elio itau res polou pula.’”