1 Timoti 1:9 - Aria New Testament

⁹ Bokongon ka Moses ila sogongon due langka lua osep ka tidue elio itau kovok. Aurou. Ane ma lua osep ka tipul dogur ke Moses ila sogongon e tididi elio ka aitno lisak vri ke isak vala. E lua osep ka tipul dogur ke Ida Tapol-ngon e tidue elio epmes ina. E lua osep ka tididi Ida Tapolngon ila pelengon kovok e tididi ilengen ka taklak ina vala. Moses ila sogongon langka wai dagar ke osep ka timluk sipmarak e titnarak ma timete e osep ka tipagam osep.

1 Timoti 1:9 ပူးပေါင်းရင်းမြစ်များ

Matyu 10:21

“Osep ma tikar inarak saiver e inarak titovro ke osep leklou ma timluk isak timete. Osep sipmarak e titnarak ma tikar titorok ma timete e agau ma tikar sipmarak e titnarak ke osep ma timluk isak timete.

Pas ka Pol sogoe uti la ke osep Rom ina 1:30

Tiblou osep leklou dogur lisak e tipalongo osep malak ine. Aitno lisak engil ke Ida Tapolngon. Tiwai pelengon soulu pulu. Aitno lisak vri ke isak e tikakai angainsak tito. Aitno lisak mter ke elio soulu oku ina ka tiwaiki tidue. E tipli sipmarak e titnarak urok pelengon.

Pas ka Pol sogoe uti la ke osep Rom ina 4:13

Oglou ari Ida Tapolngon wai promis ke Abraham ma omur ka pula keniye polou ina omur. Iye wai ila promis la ke Abraham gosok ila napakngan blang. Aitno lumu lange? Ida Tapolngon wai ila promis ke Abraham kesua Abraham didi Moses ila sogongon koke aurou? Aurou. Ida Tapolngon wai ila promis ke Abraham kesua Abraham aitno dagar ke iye vala. E ari Ida Tapolngon due polou itau e osuk ke bitna.

Pas ka Pol sogoe uti la ke osep Rom ina 5:20

Oglou ari Ida Tapolngon due Moses aitno deka iye sogo Ida Tapolngon ila pelengon ka dong kap osep. E osep ka tile omur ke sogongon tonari tidare aling pula e urok elio epmes ina pula vri ke isak. E alo ari Ida Tapolngon didi aitno e pagei ila makaingan ke osep ari e ila makaingan tonari res polou ombatno e mole elio soulu ka dong ke osep ari.

Pas ka Pol sogoe uti la ke osep Rom ina 6:14

Umadangdang elio epmes ina ma iye dong upu puda kovok. Kesua eknikane umedidi elio langka Ida Tapolngon ila makaingan. E umedidi Moses ila sogongon kovok.

Galesia 3:19

Ina lange Moses ila sogongon dong? Iye dong batne langane. Ida Tapolngon waiki elio epmes ina ina poloungon batne ma polou malak. Iye waiki elio tonari dong la lama iding ke Abraham ila napakngan ka Krais polou. Ida Tapolngon wai ila promis dagar ke iye. E Ida Tapolngon kar Moses ila sogongon ke ensel e tipalongo ine ke gute airavu ina deka gute airavu ina paure ke ite.

Galesia 5:18

E langka umedidi Ano Itau deka ma umodong moli ke Moses ila sogongon kovok.

Galesia 5:21

E aitno lisak nevlik ke osep ka tidong itau e tinim aki dagar ma amtarsak balilu e tikepis ke rogo omba e elio bitna bitna langane. Oglou ngawai lumu kodong deka eknikane ngawaiki ngawai ke pelengon tonari blang. Osep ka pula keniye ka tidue elio langane ma tikaranga tisep ke omur ka Ida Tapolngon plaue kovok.

Galesia 5:23

E itodue wan bitna bitna molil e itaplau ite itau. E wan gesa karanga dangdang elio itau bitna bitna tonari kovok.

2 Tesalonaika 2:8

Alo ka wan ka dangdange la deka gute ka Ida Tapolngon ina oul kene ina ma polou malak. E Ida Puda ma bauluk me ke ila bublongon omba e ma iye mluk gute tonari ma iye mete.

1 Timoti 4:7

Deka ma ompul dogur ke basikngen adai bitna bitna ka osep leklou tibasik ine ka didi Ida Tapolngon ila pelengon kovok. Ma amnana dagar ma emdidi Ida Tapolngon ila elio vala.

1 Timoti 6:20

Timoti. Ma amplau boko-ngon ka Ida Tapolngon kare ke wom itau lokono. E ma ompul dogur ke osep ka tiwai pelengon bitna bitna ka didi Ida Tapolngon aitno kovok. E omdong mawa ke osep ka tiwai pelengon adai ka para pulu ke Ida Tapolngon ila pelengon. Aitno lisak langka urok ilengen omba e tile itau lokono. E dau tile lokono kovok.

2 Timoti 2:16

E ompul dogur ke pelengon ulik ulik ka didi Ida Tapolngon aitno kovok. Kesua pelengon tonari nak osep aitno lisak ma tipul dogur ke Ida Tapolngon.

2 Timoti 3:2

Ma osep tidue elio langane. Osep ma isak lana isak ke isak kensak kensak vala e aitno lisak mter ke mani vala. Ma tikakai isak tona angainsak e aitno lisak mter timole osep leklou. Ma tiwai soulu ke osep leklou e tipul dogur ke sipmarak e titnarak urok pelengon. Ma tiwai tenkyu ke wan ka osep tikare ke isak kovok e tipul dogur ke Ida Tapolngon ila elio itau.

Taitus 1:10

Emrere osep ka tiplau sios kene kene ke aidunu Krit itau. Kesua Ida Tapolngon ila osep pula ke omur ari urok aiding langka tipul ila pelengon. Tiwai pelengon bitna bitna ka adai e tiyakyak osep ine. Osep leklou tonari urok osua osep Yuda ina. E tiwaiki osep tididi inarak apu langka elio ulangngan ina.

Taitus 1:16

Tiwai langane. “Imeile Ida Tapolngon.” E dau urok elio ka tidue iye nisngen langane. Tipul dogur ke Ida Tapolngon kodong. Tididi Ida Tapolngon ila pelengon kovok e tikaranga tididi elio itau gesa kovok. Deka Ida Tapolngon aitno engil lokono ke isak.

Taitus 1:6

Emrere osep ka langane. Gute ka iye due elio itau vala ma osep tikaranga tisin elio soulu vri ke iye kovok. E langka iye gi deka ila asap kene vala e langka gute tonari titno tidong deka aitno lisak dagar ke Yesus blang. E titno tididi elio isuk isuk ka soulu ke Ida Tapolngon bitna kovok e tituk sipmarak e titnarak urok pelengon kovok. Kesua langka tidue langane e osep tivati urok elio soulu are itau kovok.

Taitus 3:3

Emile oglou ite blang iteile omur ke Ida Tapolngon kovok e itotuk ila pelengon. Alo ari Satan pagolgol aitno lite deka itedidi Ida Tapolngon ila pelengon kovok. Deka itodong langka elio epmes ina plau ite e itedidi elio soulu. E aitno lite itau ke elio soulu e itedidi pampamu lite. Itedidi elio ka aitno lite amnga e aitno lite soulu ke osep leklou e itangale urok wan bitna bitna. Aitno lite engil ke osep e aitno lisak engil ke ite blang.

Hibru 11:31

Apmang Rahap ka iye apmang ekreng palma ina aitno dagar ke Ida Tapolngon. E iye lua osep esim ina orwo ka time ma tivati armok tonari. Deka iye mete kap osep armok ina ka tipli Ida Tapolngon kovok. Aurou.

Hibru 12:16

Umeile umu itau lama gute gesa airavu ke umu due elio isungon ina. Koke gute pul dogur ke Ida Tapolngon langka Iso pul dogur ke ila elio ka sirngen ina. Iso pli ila elio ka sirngen ina kesua sapanga due e iye waiki ngen ngangon vala.

1 Pita 2:7

Deka umu ka aitno lumu dagar ke Krais umeile omur iye opmu ka itau lokono. Ida Tapolngon ila pelengon wai blang langane. “Osep ka osep ka tiuri ninu ninu tipli opmu are. E dau opmu are opmu mgongon ina ka due opmu leklou ka tiuri ninu ine tinepir pulu.”

1 Pita 3:20

Ansak tonari isak ansak ke osep ka tipul dogur ke Ida Tapolngon ila pelengon alo ka Noa uri sip ombatno. Alo ari tidue elio soulu pula e dau Ida Tapolngon wade isak ine kovok e iye dong para ma tibauluk aitno lisak ke urok elio soulu. Iye para la lama Noa uri sip kodong. Iye uri sip kodong deka osep lumeklu vala tisep ke sip tonari. Tisep kodong deka ongon ombatno polou e isak lumeklu vala tidong itau ke sip.

1 Pita 4:18

Kesua Ida Tapolngon ila pelengon wai langane. “Langka osep ka tidue elio isuk isuk ka itau opru isak ke elio ka Ida Tapolngon lua isak ke urok elio epmes ina deka lange ke osep ka tipul dogur ke Ida Tapolngon e osep ka tidue elio epmes ina?”

Pas ka Jut sogoe 1:15

Iye me ma iye wade osep soulu bitna ka pula keniye ke urok elio soulu ka tidue. Iye ma wade isak ke urok elio soulu ka tipul dogur ke Ida Tapolngon e ke urok pelengon soulu ka tiluk Ida Tapolngon ine.”

Pelengon kukwopngon 21:8

“E osep ka tilim ke wan bitna bitna koke osep ka tisongon aitno lisak ila dagar isak blang kla ke eiou ombatno. E osep ka tidue elio epmes ina bitna bitna ka soulo lokono e osep ka tipagam osep isak blang kla ke eiou ombatno. E osep ka tidue elio isungon e osep muso ina isak blang kla ke eiou ombatno. E osep ka tilotuim sapingen e osep yakngan ina isak blang kla ke eiou ombatno. Eiou ombatno tonari engil lokono e opmu salfa ka eiou ngene dong ine blang. Eiou tonari metengen orwo ina.”

Pelengon kukwopngon 22:15

E osep ka tidue elio isuk isuk ka soulu lokono e osep muso ina e osep ka tidue elio isungon e osep ka tipagam osep e osep ka tilotuim sapingen e osep yakngan ina ka tidue langane aling aling tidong dogur ke armok tonari e tikaranga tisepe kovok.